تعمل ايه لو عمرك اتسرق منك ؟؟؟

[S.p.e.C.i.a.L]

فكرة الموضوع ده اخدتها من برنامج سمعته النهارده
موضوع الحلقه كان بيتكلم ببساطة عن الوقت
لكن فكرة الوقت نفسها نوقشت من منظور ديني
يعني ما اتكلموش عن الوقت كما هو متوقع
و زي ما احنا متعودين نسمع
انا كمان مش هتكلم عن الوقت لأن كلنا
عارفين قيمة الوقت وان اليوم اللي بيعدي مستحيل يرجع مهما عملنا
لكن هسأل السؤال اللي اتسأل في الحلقة
السؤال كان
هتعمل ايه لو عمرك اتسرق منك؟
لما حد فينا بيتسرق منه فلوس ولا تليفون او عربيه او اي شيء قيم
بيبقي هيتجنن عليها لكن لو اللي اتسرق ده هو عمرنا ممكن نعمل ايه ؟
طيب لو عرفنا بقه مين اللي سرق الحاجه الغاليه بتاعتنا هنعمل فيه ايه ؟
تخيلوا كده وجاوبوا بينكم وبين نفسكم
بس متنسوش تتخيلوا كمان ان اللي بيسرق عمرنا هو احنا بنفسنا
اها .. احنا اللي بنسرق عمرنا بايدينا
لما نضيع وقتنا في الكلام عن الناس ولا في فيلم او شوية اغاني
او حتي مباراة بوقتها الاضافي وضربات الترجيح
عموما يعني لما نضيع وقتنا في شيء ملوش لزمة
نبقي بنسرق عمرنا لان عمرنا هو شوية ساعات بيعملوا ايام وبيعملوا سنين عمرنا
سنين عمرنا اللي بنسرقها لما بنفنيها في اشياء بلا قيمه حقيقية
ده مش معناه انه ميكونش فيه ترفيه عن نفسنا او ان حياتنا كلها تبقي عبادة وعلم
لا احنا ممكن جدا نتعبد ونتعلم ونبقي نرفه عن نفسنا
لكن اللي بيحصل ان احنا طول الوقت بنرفه عن نفسنا , لكن من ايه ؟
مش هقولك الوقت من ذهب
لا
هقولك وقتك هو عمرك
عمرك بين ايديك اهو .. هتسرقه ؟
اوعي تنسي
أول حاجه هتتسأل عنها يوم القيامة هو
عمرك أفنيته في ايه ؟؟
حضر اجابتك لربنا من دلوقتي
ربنا يعينا جميعا علي الخير
لاتنسوني من صالح دعائكم