ولسه يا بلدى

[طه توكل]

ولسّه يا بلدي
ولسّه يا بلدي وحشاني
بحبك وانت نسيــــــاني
ورسمك جوّ وجدانــــي
ولو كل البشر حبــــوكِ
حبك فـ قلبي شيء تاني
حبك فـ قلبي شيء تاني
ولسّه يا بلــــــدي مستني
أشوف فيكِ ابني متهنـــي
والكل عايش ليكِ بيغنـــي
عروســـــــــة زى القمر
والكــــــل متحنّي
عروســـــــــة زى القمر
والكــــــل متحنّي
ولسّه يا بلدي حلمي كبير
بالحب حياتنا نمــــلاها
وع الخير قلوبنا نلقاها
ولو بينا مرار وفــــراق
في لحظة واحدة ننساها
في لحظة واحدة ننساها
ولسّه يا بلدي يا حبيبة
يا بِعيده عنّا وقريبـــة
يا حنيّنه وكلك طيبـــة
قلوبنا محتاجة حنـانك
والحلم مشتاق لمنامك
وعنينا مكانها مكـــــانك
يلا ارجعي
اشتقنالك . اشتقنالك