|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
30-07-2014, 09:07 PM
|
||||
|
||||
حافظى على نفسك كونى قوية وحازمة
سلام عليكم حبيباتى الكلام ده موجه ليكم وليا قبليكم  كلكم محترمين ولكن الحذر واجب احذرى حبيبتى اسيبكم مع مثال حى فالنتعلم من اخطاء الاخرين  . . . جي بقى الشاب المصرى _عين ماما_ شاف بنت ما محترمة ودخلت دماغه.. فهو تقريبا صعبان عليه انه يشوف بنت محترمة ! .. فقلك ﻻ ﻻزم اتأكد هيا محترمة فعلا وﻻ حتضعف.... !  بيس . . استعنا ع الشقا بالله ) **تانى يوم ... فولو وﻻيكات ﻻيكات ﻻيكات **تالت يوم .. شير وكومنتات مع استمرار اللايكات برضه **رابع يوم .. اضافة  **خامس يوم .. يدخل يسألها ع حاجة انبوكس لو سمحتى ممكن سؤال ؟ .. (بﻻ بﻻ بﻻ بلا بلا " أى... حاجة هبلة " )... اوووووه بجد شكرا .. مش عارف اشكرك ازاى الف شكر والله لو (اختى) مكنتش عملت معايا كده .... هاهاها !! وطبعا مهمة اوى كلمة اختى دى على فكرة عشان البنت تطمنله وكدا ** ف اثناء المرحلة دى طبعا حتﻻقى البروفايل بتاعه بروفايل رجولى شهم متدين وطموح **سادس يوم .. يروحلها ويعمل نفسه شافها صدفة كدا وهو معدى .. ايه ده انتى *فتكات* ..آه انا .. اه ازيك انا*عبسميع* اللى سالتك امبارح انبوكس على محاضرة الدكتور بﻻ بﻻﻻ.. بجد شكرا جدا ساعدتينى اوى . . الشكر لله مفيش اى حاجة .. طيب بعد اذنك اروح الحق الصﻻة جماعة .. اتفضل البنت ف عقل بالها (الله ده بيصلى جماعة )  شييييت ، لقد وقعنا فى الفخ  هههه هبلة ..بيشربوا سجاير وبيصلوا جماعة عادى يعنى يختى!  المهم نكمل ))حندخل بقى على المرحلة التانية ودى مرحلة متوسطة نسبيا تقوى فيها العﻻقات اﻻلكترونية مع بعض العﻻقات اﻻرضية الطفيفة .. تزيد بقى المتابعة بقى واللايكات والشير بينهم ..طبعا مع استمرار البوستات الرجولية المتدينة على صفحته وف الكلية يشوفها يبتسم كدا ويحط وشه ف اﻻرض محترم وكدا. والبنت بقى فى تزايد مستمر ل "السرحان"  عين ماما يختى انت كمان!  *ثالت مرحلة .. مرحلة اﻻختراعات وهى مرحلة بتختلف شكلا ومضمونا من ولد للتانى ع حسب المكان والزمان والظروف المحيطة .. فلنقل مثلا ... فتكات .. ازيك عاملة اى ) .. واخبار الكلية وال..... بﻻ بﻻ بﻻ بقولك انا عارف انك بنت محترمة جدا ونشيطة وبتحبى الخير .. اى رايك فى مشروع كدا خيرى تبع ل بﻻ بﻻ بﻻ ودول ناس محترمين اوى والله والخير ده لوجه الله واتبرع ولو بجنيه وي محسنين و... تيجى  ؟_آجى طبعا  *ثم فترة طويلة جدا من المعاملات اﻻرضية يتخللها مواقف زى (انت حتروحى ازاى بليل كدا ل وحدك !!! اجى اوصلك؟ ) ..(خلى بالك من نفسك وحبقى اكلمك بليل اطمن عليكى.. ) ..(>_< ... ( مالك ي عبسميع انت مدايق منى ؟  ..انت مش شايفة نفسك ي فتكات.. مش شايفة كنت بتهزرى معاه ازاى ؟!!..طب انا اسفة ارجوك متدايقش (بيحبنى وبيغير_عليا )...(هرنلك ع الفجر عشان نقوم نصلى سوا ) ..اووووه بقى وسعت دى مصاحبة فى الله وكدا هههههه*احم هنا طبعا بنبدا نفرق بين البنت المحترمة الهبلة و البنت المحترمة الجدعة * ندخل بقى ع المرحلة القبل اﻻخيرة(خلوا بالكم هو الولد بس عايز يتأكد منها كل ده ﻻ اكتر وﻻ اقل .. يتاكد بس احسنوا الظن ) .. "فتكات .. انا من يوم ما عرفتك وانا حاسس انك انت اللى ربنا خلقها عشان تكملنى .. انا عارف انك حاسة زى مانا حاسس وانى ف قلبك زى مانتى ف قلبى ..فتكات انا مش عارف اعبر .. انت بقيتى شىء اساسى ف حياتى .. بفكر فيكى ف كل وقت وف كل مكان .. ولما انام بحلم بيكى .. انت فيكى شىء مميز عن اى بنت تانية ... فتكات انا بحبك ي فتكات . . بس ... )( عبسميع .. بتعيط ليه ي عبسميع .. هو اللى بيحب حد بيعيط برضه ..مالك بس ؟) ( اصل للاسف.. مش كل اللى بنحبهم بيكونوا لينا اليسا استايل.. وللاسف انا جاى دلوقتى اقولك انى حبعد عنك تماما وحطلع م المشروع الخيرى اللى احنا فيه وحعمل اكونت جديد وحختفى م حياتك ) (ﻻﻻﻻﻻﻻﻻﻻ... ﻻﻻﻻﻻﻻﻻﻻ ..ﻻ ..ﻻ ..ﻻ ي عبسميع لا .. انت كدا بتموتنى بالحياة .. انا عمرى الجاى حعيشه ليه لو انت مش معايا ي عمرى كريم عبد العزيز استايل )( اصل انا ظروفى صعبة ومش عايز ابهدلك معايا .. انا لسه بدرس ومعنديش شقة ومش حينفع اتقدم ل اهلك دلوقتى خالص ي فتكات .. ) ( حبيبى .. حستناك ولو بعد ميت سنة .. مفيش حاجة حتفرق بينا اﻻ الموت .. متشعلش بالك بالشقة والفلوس انا حستناك ل حد ما تكون نفسك ) ( ﻻ ..ﻻ مش عايز اظلمك معايا ..انت بكرة يتقدملك عريس جاهز وتتجوزيه وتحبيه) ( انا استحالة اكون ل راجل غيرك) **وبعد ايام من محايﻻتها ** ( خﻻص ي حبيبتى .. اوعدك انى حعمل كل اللى ف وسعى عشان متنتظريش كتير .. وحشتغل وانا بدرس .. بحبك ي فتكات ) ( بحبك ي عبسميع ) *وتبدا ايام وليالى رومانسية دافئة .. ابوه يديه فلوس الكتب وهو يروح يصرفها عليها .. وآه مازالوا بيقوموا يصلوا الفجر مع بعض او بمعنى اصح هما بيفضلوا يحبوا ع التليفون ل حد الفجر فبيخلصوا وهى تقوم تصلى وتدعى ربنا يجمعهم ع خير .. وهو يدخل ينام الحيوان * (طبعا هنا مبقاش فى بنت هبلة وبنت جدعة للاسف .. بقت محترمة اوغير محترمة) المهم بقى ..ف يوم كدا البيه وهو ماشى ف الكلية كدا ..اتكعبل ف بنت حلوة كدا عجبته .. فعايز يتأكد هاهاهاهاهاهاها ))****النهاية **** ( فتكات .. احنا مش حينفع نكمل مع بعض .. انا اسف مشاعرى ليكى اتغيرت + انا مش شايفك النسمة اللى حبتها كدا كفاية جورج ووسوف_استايل) (ايه؟ ايه؟ ... وااااااااء .. ي حيوان ..ي حيوان ..انا بكرهك ..بكرهك ..بكرهك ..حسبى الله ونعم الوكيل ي رب تشوفه ف اختك .. بكرهك ..بكرهك ..كنت بتكدب عليا ..بكرهك.. طاخ طيخ طااااخ )_سيادة البيه .. اتأكدت ي بيه؟ .. مرضى كدا؟ )طب خلينا بس نكون متفقين انك مكنتش عايز تتأكد وﻻ حاجة .. انت بس كنت بتستعبط ي باشا.. بس ي ترى ليه؟ اهبل؟ عبيط؟ ..بابا بيضربك كل يوم عشان فاشل وصايع فعندك عقد جاى تطلعها ع بنات الناس .. عندك نقص هرمونات وﻻ نقص شخصية؟ .. مختل عقليا وحاسبينك ع البنى ادمين واحد! طب وحياتك أشيخ .. تألق بقى مع البنت التانية اللى عجبتك دى .. افتكس حوارات جديدة وكدا وظبط الاداء يعنى ..اتأكد كويس ها ): : : احذرى حبيبتى احبكن فى الله
__________________
سنغدوا رفاتا ويبقى الاثر |
|
#2
30-07-2014, 09:15 PM
|
||||
|
||||
اقتباس:
والله البنات دول غلابة ! اللهم استر بنات المسلمين موضوع جميل جدا يا لؤلؤة جزاكى الله خيرا
__________________
ورا كل عيون بتلمع كلام كتير مستخبى خوف ,, وحلم متشعلق فى الفضا |
|
#3
31-07-2014, 12:43 AM
|
||||
|
||||
|
اقتباس:
جزانا واياكم
وربنا يحفظ جميع بنات وشباب المسلمين من الفتن بارك الله فيكم على المرور
__________________
سنغدوا رفاتا ويبقى الاثر |
|
#4
31-07-2014, 07:45 AM
|
|||
|
|||
|
لا حول ولا قوة الا بالله
ربنا يهدينا يا رب جميعاً و يرزقنا الزوج الصالح شكراً على موضوعك الجميل |
|
#5
31-07-2014, 11:46 AM
|
||||
|
||||
|
اقتباس:
احب هذه الكلمات من كتاب المولى عز وجل كلا ان معى ربى سيهدين اسعدنى مرورك العطر بارك الله فيكِ اقتباس:
اللهم امين ويحفظ جميع البنات
اسعدنى مرورك الطيب بارك الله فيكِ
__________________
سنغدوا رفاتا ويبقى الاثر |
|
#6
01-08-2014, 01:18 PM
|
||||
|
||||
|
ربنا يبارك فيكي
ويحفظ بنات وشباب المسلمين ويهدينا رائع اختي ،، جُزيتي الفردوس
__________________
فـ اختصارًا لـ الطريق... العِتاب بيكون "سُكات".
|
|
#7
01-08-2014, 02:43 PM
|
||||
|
||||
|
اقتباس:
ويبارك فيكى يا قمر
اللهم امين اللهم ارزقنا الستر والعفة مرورك هو الاروع جزانا واياكم 
__________________
سنغدوا رفاتا ويبقى الاثر |
|
#8
02-08-2014, 09:15 PM
|
||||
|
||||
|
اقتباس:
اللهم امين
شكرا على المرور الطيب
__________________
سنغدوا رفاتا ويبقى الاثر |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 10:01 AM.
