قرارات حاسمه من وكيل الازهر للغشاشين

[أحمد موسى أبوشهلة]

قال الدكتور عباس شومان وكيل الازهر الشريف بالرغم من الانشغال بتأمين تنصيب الرئيس من قبل الشرطة ، ورغم الاجازة كنا في نفس توقيت حلف اليمين في اجتماع بالمشيخة مع قيادة أمنية رفيعة المستوى وتم الاتفاق على تعزيز التواجد الأمني وتصعيد الإجراءات المتبعة ضد البلطجية الذين يعتدون على المراقبين، وتم الاتفاق على إنشاء غرفة عمليات بمشاركة أمنية في قطاع المعاهد لتسهيل استدعاء قوات الأمن إلى اللجان اذا لزم الامر


اضاف شومان انه سيتم اعتبار من يمتنعون عن تسليم أوراق الإجابة أو يقومون بتمزيقها راسبين في المادة،مع استمرار تشكيل لجان خاصة لأي لجنة يحدث بها غش جماعي، وعلى هؤلاء انتظار أخبار غير سارة.

[dia_181]

والنبى بلاش الكلام المجعلص ده الراجل ده بيقول كلام غير مطابق للواقع يقول كلام ونروح اللجنة نلاقى حاجة تانية خالص اللجان غير مؤمنة بالمرة نتعرض للإهانات من الطلبة ولانستطيع ان نفعل معهم اى شيء ياعم والنبى ارحمنا وانزل شوف اللجان بنفسك دون ان تعلم هذه اللجان انك ذاهب اليها وانت تشوف بعينك اللى بيحصل

[الأثري المالكي]

ياريت يكون في تأمين امام اللجان
ولو عربية بوكس واحدة دي الحاجة الوحيدة اللي ممكن تخوف البلطجية

[تمام المصراوي]

انا مدرس في اللجنة حصل ايه الطلبة وقعوا حضور وبعد مانتهي الوقت حصل ايه بعضهم رفض يوقع انصراف السبب معروف طبعا عشان مغششناهمش انا تصرفت تصرف فما ريكم انتم ياريت كل واحد يقول ايتصرف الزاي في موقف زي دة

[العشرى1020]

والله بيحصل فى الازهر ده كلام فارغ ويجب على السادة الاعضاء الاعتصام لتامين اللجان

[جليل الأزهرى]

الأزهر انظروا الى تأمين لجانه وإلى تأمين لجان التربية والتعليم لو عازين الأزهر يكون تمام الغوا الأنتدابات واجعلوا الامتحانات داخل المعهد بالله امتحانات النقل بها ضبط مش موجود بالشهادتين حى لو بيكون فيه مرور اللجان بتعرف بيه من قبلها وعاوزين تصلحوا الأزهر ؟ سلام

[خميس حبيبة]

لو الطالب رفض تسليم الورقة اهم شبء لا تمكنه من التوقيع في الانصراف وتعمل له محضر غش بعدم تسليم ورقة الاجابة علشان تنهى مسئوليتك واله اعلم