حد ينصحني ويا ريت مهندسين او دكاترة او خبرة

[hazemon]

انا يا جماعة في اولي ثانوي و2 ثانوي جبت درجاات زفت وضايع جدااااا في الانجليزي والعربي وخصوصا النحو والبلاغة
والانجليزي مش حافظ كلمات كتير او تنفعني في كتابة برجراف فانا عاوز حد ينصحني وانا مستعد اذاكر واجتهد بس احس ان هلقي في الاخر واجيب مجموع كبير يا ريت حد يفيدني بخبرته وهل امتحانات الثانوية العامة ليها اجابة معينة ولا المستشار او المصحح لما بيعلملك بيعلم علي اساس ان اجابتك صح يعني مش لازم بنفس طريقة واسلوب نظام الاجابة اللي بيصححوا بيه المهم ان الاجابة صح او اقرب للصواب وانا الان في اجازة اعمل ايه وبالنسبة للرياضة ارجع الاساسيات زي مثلا مساحة المربع والحاجات دي وايه اللي محتاج اراجعه فيها والكيمياء اراجع علي ايه اساسيات عشان ينفعني في كيمياء 3 ثانوي يا ريت حد يفيدني يا جماعة عشان لما اتعب احس ان في الاخر هستفيد من تعبي عشان ابقي انا عارف انا ماشي ازاي وعارف راسي من رجلي

[ahmedsmsmo2]

بص درجة اولى و تانية ثانوية مش مقياس خالص انا كان مجموعى مش حلو فيهم وكان وفى الثانوية ذاكرت حلو واجتهدت والحمد لله جبت 97.7% وانا علمى علوم وشفت ناس هنا كتير بيقولو ان مجموعهم مكانش حلو فى السنين اللى قبل ثانوية وذاكروا ودخلوا كليات قمة فمش تحط فىدماغك هو الموضوع ده خالص اما بالنسبة لحكاية الاساسيات دى مش تحطها فى دماغك اوى فى اول السنة مثلا حط لنفسك عدد كلمات انجليزى جديدة تحفظها فى اليوم ومش تكتر عشان تكمل ومش تزهق يعنى مثلا 5كلمات فى اليوم وحكاية مساحة المربع والكلام ده كده كده هتفرفه ماتقلقش حتى فى الفيزياء هتاخده والكيمياء مع التدريب هتحفظ الرموز بتكافؤتها وبالنسبة للتصحيح متقلقش منه اعمل اللى عليك وربنا هيكرمك اللى بيصححوا بيكونوا فاهمين المادة كويس فى حاجات لازم تكون حافظها كويس جدا زى العربى وفى حاجات مش شرط تكون حافظها بالنص ومش تحط فى دماغك ان الامتحانات هتيجى صعبة مهما تعمل وتقارن نفسك باللى حواليك لان الكلام ده هيحبطك جامد وهتكتشف فى الاخر انه ملوش لازمة اتمنى اكون افدبك ومش رغيت وخلاص وربنا يوفقك

[ابانوب ايليا]

انا كنت وحش فى اولى وتانية وفى تالتة جبت 98.05 واعرف ناس جابت اقل منى فى اولى وتانية وجابت فى تالتة 99 وشوية وفى ناس كانت حتشيل مواد فى اولى وتانية لو ستر ربنا معاهم وجايبين فى تالتة اكتر منى :

[صاحبة الرداء الابيض]

انا تقريبا مشكلتى نفس مشكلة صاحب الموضوع بس الحمدلله بدأت اطمن شوية من الكلام اللى فى الردود

[hazemon]

اصل انا اعرف واحد كان بيذاكر 8 ساعات من الاول السنة وجيه في الاخر وذاكر 12 ساعة وفي الاخر جاب 90% ايه السبب في كده عشان اجتنب اللي عامله من وجهة نظركم

[hazemon]

ثانيا شكرا علي الرد والطاقة الايجابية اللي عطتوهاني

[ahmedsmsmo2]

مدرس الانجليزى كان بيفضل يقولنا ممكن واحد يكون بيذاكر 10 ساعات فى اليوم وفى الاخر مش يجيب مجموع لانه مش بيذاكر صح لازم المذاكرة تكون بفهم بغض النظر عن عدد الساعات المذاكرة بالكيف ااهم من الكم حس ان انت بتستفيد من مذاكرتك ونصيحة برضه الكل هيقولهالك انت فى اول السنة هتكون متحمس جدا بس بلاش تضغط على نفسك فى اول السنةخد الدرس وذاكره بس ولا تزود ولا تنقص عشان تفضل محتفظ بالحماس وانا سمعت النصيحة دى كتير والحمد لله مشيت عليها ومتقلقش السنة طويلة وهتراجع حلو المهم كل درس تذاكره فى وقته والعفو يا عم احنا اخوات

[ابانوب ايليا]

المشاركة الأصلية كتبت بواسطة hazemon

اصل انا اعرف واحد كان بيذاكر 8 ساعات من الاول السنة وجيه في الاخر وذاكر 12 ساعة وفي الاخر جاب 90% ايه السبب في كده عشان اجتنب اللي عامله من وجهة نظركم

اقلك انا ليه مجابش مجموع

اولاكان بيخاف من ثانوية عامة وكان اكيد يائس ومش واثق من نفسه وكان متوتر فى الامتحانات وده غالبا اللى ضرنى وخلانى احتمال كبير ماادخلش طب بشرى لأنى جبت 98.05%

ثانوية عامة اسهل من باقى السنين بكتير وده عن تجربة.

[ahmedsmsmo2]

فعلا احنا بندى الثانوية اكبر من حجمها بكتير والخوف ده اللى بينقصنا وبنعرف بعدها انها مكنتش تستاهل القلق كله واننا لو اتخلصنا منه هنعدى ال 99 بسهولة كمان