تعالولي هنا من فضلكو

[سمسمه الشطوره]

السلام عليكم ورحمة الله وبركاته

ازيكم يا احلا اعضاء ؟
يارب يارب تكونو كويسين

انا دخلت النهاردة علشان احكي عن حاجه ملحظاها كل مرة بتزيد عن اللي قبلها ومش لقيالها حل بصراحة ففكرت احكيلكم يمكن حد يقدر يساعدني

المشكلة بقي ان اليومين دول لالا هو من زمان بس اليومين دول اكتر لاحظت ان الضيوف اللي بيجو عندنا بييجو من غير مياخدو اي معاد
بمعني مثلا احنا نكون قاعدين فالبيت وفجأه كدا نلاقي جات عندنا ضيوف طب ماما تعرف ..لا
انا اعرف .. برضو لا
طب اي حد من البيت عارف..
محدش يفهمني غلط انا مش مدايقه انه الضيوف جم عندنا ابدا والله انا اجتماعيه وبحب اللمه والناس وكدا بس لما يكون الموضوع مفاجئ وبيتكرر كتير بيدايق اوي
يعني احنا مثلا كزا مرة نكون خارجين لأمر ضروري وبنتفاجئ بضيوف جم من غير معاد هنعمل ايه بقي لازم نرحب بيهم ونلغي الخروجة وطبعا في ضيوف ضيوف غلسين سوري يعني مش بيقعدوا ساعه مثلا وخلاص دول مش بتكفيهم 5 و 6 سعات
يعني فيها ايه لما حد يبقي عاوز يزور حد يستازن منه الاول
غير كدا بتبقي في حجات تانية كتير زي مثلا انا مدايقه ومليش نفس اقابل حد علشان مخنوقه من حاجه معينة فلما بيجو الضيوف فجأه كدا ببقي مضطرة ابتسم واضحك وارحب واهلا وكل ده انا ضاغطة علي نفسي وعاصرة علي نفسي شوال لمون عشان الضيوف عيب ميتحرجوش وده غير مواقف كتيييييييييييييييييييييييييييير ده نوع

النوع التاني بقي لما الضيف يقرر يتصل بيك عشان يعرفك انه جاي ولو مثلا عندك ظروف ومش قادر تقابله بتعتزرله انك عندك ظروف مش يقول خلاص مرة تانيه لااااااااااااا يسالك ايه هي الظروف دي ولو لقيها متستهلش يحاول يبررلك فيها وتروحله من هنا يجيلك من هنا لغاية ميحرجك وتضطر تقوله خلاص تعالي وبرضو بتضطر ترحب وتضحك و و و عشان ميبنش عليك انك هتطق
ايه الحل مع النوعين دول ؟
ولتاني مرة بقول انا بحب الناس بس بحب اداب الزيارة