ممممممممممكن سؤال للمدرسين

[uoua]

انا بجد حلات كويس جدا حلة احسن من اصحابى حتى صاحبتى كنا انا وهى بنحل مع بعض ف الامتحان انا وهةى حلين بالنص زى بعض هى جابت 49.5 انا جابت 32 انا هعمل اعاده ممكن يكون ليا دراجات مع علم انا وهى كنا بنقل بعض بالحروف و موضوع معنديش كلمة ف غلاط ايه ممكن يكون منقصنى

[مسيو محمد عياد]

النصيب

مش عارف الرد أقول لك إيه

غير حسبنا الله ونعم الوكيل في الظلمة


ناس كتييييييييير ما عندهومش أي غلطات ونقصوا كتير

[mo7medshaban]

للأسف التصحيح مرة ثانية ومن مين من بعض المدرسين المرضى

[بهاء هاشم]

اول مرة فعلا يكون الظلم شديد جدا فى التصحيح وعلى فكرة هناك الكثير من الطلاب ضحايا لهذا الظلم فلا نملك الا ان نقول
حسبنا الله ونعم الوكيل

[Rien]

المشاركة الأصلية كتبت بواسطة uoua

انا بجد حلات كويس جدا حلة احسن من اصحابى حتى صاحبتى كنا انا وهى بنحل مع بعض ف الامتحان انا وهةى حلين بالنص زى بعض هى جابت 49.5 انا جابت 32 انا هعمل اعاده ممكن يكون ليا دراجات مع علم انا وهى كنا بنقل بعض بالحروف و موضوع معنديش كلمة ف غلاط ايه ممكن يكون منقصنى

ده بس عاقبة الغش :D
وعلى فكرة مش باهزر
ربنا معاكى ولو ليكى حق ف درجات تاخديها
---
ولو ماخدتيهاش خلى صاحبتك تروح تعمل اعادة
ويشيلوا منها الدرجات الزيادة :D

[Abou Assma]

المشاركة الأصلية كتبت بواسطة Le Champion

النصيب

مش عارف الرد أقول لك إيه

غير حسبنا الله ونعم الوكيل في الظلمة


ناس كتييييييييير ما عندهومش أي غلطات ونقصوا كتير

اخى الفاضل هل حضرتك صححت ؟
هل حضرتك لو حد كتب اجابه صحيحه تعملها غلط ؟

فى اعتقادى ممكن يكون الحل غلط
لان فى التصحيح الجميع بيعمل لمصلحة الطالب وليس ضد الطالب وانت عارف مفيش حد عارف ورقة من يكون هذا الطالب ليه يكون الظلم للمدرس بس ممكن المدرس يتمسك بنوذج الاجابه ولا ايه وهو ايضا على حق

[Abou Assma]

المشاركة الأصلية كتبت بواسطة بهاء هاشم

اول مرة فعلا يكون الظلم شديد جدا فى التصحيح وعلى فكرة هناك الكثير من الطلاب ضحايا لهذا الظلم فلا نملك الا ان نقول
حسبنا الله ونعم الوكيل

اخى بهاء اين الظلم
الظلم ليس من المدرس البيصحح لكن من واضع الامتحان ونموذج الاجابه على فكره درجتان بس الممكن بينظلم الطالب فيها لكن غير كده الحل بيكون غلط وانت عارف كده الحاسس انه انظلم يعمل مراجعه على اورق الاجابه هيلاقى مفاجأه انه حالل غلط

[مسيو محمد عياد]

نموذج الإجابه دوره مساعدة المدرس في تحديد الإجابة وليس توجيهه إلى الإجابة

لأن المدرس قد يكون أدرى بالإجابة من نيكولا ساركوزي

يعني مثلا في 2007 ممكن نمشي ورا نموذج الإجابة في باب الجريدة ونقول إن الجملة رقم 5 tourisme وليست sport

رغم إن المفروض طالما الجملة فيها motos يبقى تمشي رياضة ونعديها

ولو العملية نموذج إجابة يبقى مافيش حاجة اسمها مدرس فرنساوي و4 سنين أكاديمي أو تربوي وخبرة

وبعدين إيه في الامتحان ده اللي ممكن يكون فيه حاجات تخالف نموذج الإجابة

أعتقد إن معظم الأسئلة إجابتها واضحة ومحددة

والأسئلة اللي فيها تفكير من الطالب مالهاش أي دعوة بنموذج الإجابة وبترجع للمصحح "بتاع الفرنساوي"

[uoua]

حسبى الله ونعم الوكيل فى كل مدرس مداش حق طالب

[Abou Assma]

المشاركة الأصلية كتبت بواسطة Le Champion

نموذج الإجابه دوره مساعدة المدرس في تحديد الإجابة وليس توجيهه إلى الإجابة

لأن المدرس قد يكون أدرى بالإجابة من نيكولا ساركوزي

يعني مثلا في 2007 ممكن نمشي ورا نموذج الإجابة في باب الجريدة ونقول إن الجملة رقم 5 tourisme وليست sport

رغم إن المفروض طالما الجملة فيها motos يبقى تمشي رياضة ونعديها

ولو العملية نموذج إجابة يبقى مافيش حاجة اسمها مدرس فرنساوي و4 سنين أكاديمي أو تربوي وخبرة

وبعدين إيه في الامتحان ده اللي ممكن يكون فيه حاجات تخالف نموذج الإجابة

أعتقد إن معظم الأسئلة إجابتها واضحة ومحددة

والأسئلة اللي فيها تفكير من الطالب مالهاش أي دعوة بنموذج الإجابة وبترجع للمصحح "بتاع الفرنساوي"

اخى الفاضل ايه الدخل نيكولا ساركوزى عموما احنا مدرسين ولسنا ساركوزى ياخى الفاضل انت اسات فهم ما اقوله امتحان الفرنس السنادى فيه مشكله فى جزئيتان السؤال pourquoi والجمله التعبيرات باقى الامتحان كويس واحنا عارفين ان الاجابتين صحيحتين بس المشكله لابد من الالتزام بنموزج الاجابه والخروج عنه مخاطره لو مفيش نموذج كل واحد هيصحح على مزاجه وانته سيد العارفين ليه نظلم مدرس ونقول ان الطالب حالل صحح وانظلم ياخى الشايف انه حالل صحح يكشف على ورقه وانته هتشوف المفاجأه حالل غلط ليه الظن السوء بالمدرس المدرس انا وانت وغيرنا الكثير ارجو ان يكون تفكيرنا اكبر من ذلك

[Abou Assma]

المشاركة الأصلية كتبت بواسطة uoua

حسبى الله ونعم الوكيل فى كل مدرس مداش حق طالب

الطالبه النجيبه هل يعقل ان طالب جايب 32 فى الامتحان وهو مجاوب صح احتمال الخطئ وارد لكن حسب مانا شفت فى الكنترول فى المراجعه صعب ان يحدث خطئ لكن الخطئ وارد طيب ليه متكشفيش على ورقك لو كنتى متاكده واتمنى ان تنسى الموضوع ده وتنظرى الى السنه القادمه والله معك ويعوضك خير ولا نبكى على ما فات

[uoua]

انا يا مستر ابتديت فعلا و بعمل اعدت درجات لست تصحيح الورقة مسترر بالعقل يعنى البنت قالى مغششها وهى مدينى حاجات جيبه 49.5 يعنى الزاى انا كانت بكتب ع ايه يعنى مش معقول المدرسين هيطلعوا نفسهم غلطنين و بعدين ف ناس عملت اعدة و لقوا درجات واجد صاحبتى لقيت 18 درجة شفت ازاى ف ظلم انا يعنى مش مجنونة انا لو بنتك كانت هتحس بى اهلى و هما مصدومين

[مسيو وليد عسكر]

الرجاء من كل زميل محترم لايسيء لاي مدرس واتهامه بالظلم فاا هانت علينا انفسنا فماذا ننتظر من الاخرين ؟ اليس من االاحري بنا ان ننصح الطالبه بانها ارتكبت خطا في حق نفسها حينا قامت بعمليه الغش هي وزميلاتها؟ اليس مننا رشيد واحد يقول ان المدرس هو انسان ممكن يخطيء وممكن لا؟الا نعرف جميعا ان االخطا سمه في النفس البشريه ؟ عيب يا اخوه الكلام ده اودام الطلبه انا بحزن لما بلاقي مدرس بيهين زميله اودام طالب علشان درس لان الطالب نفسه مابيحترمش المدرس الشتام

[مسيو محمد عياد]

الموضوع يا جماعة مافيهوش شتيمة ولا تفكير غلط ولا دروس ولا كلام فاضي من ده

تفسروا بإيه إن لأول مرة عدد كبير من الطلبة "الممتازين" لم يتجاوزوا 48

الطالب المفروض لما بيغلط بيبقى عارف هو غلط في إيه وحينقص كام

لكن لما الطالب يبقى متأكد من مستواه وكتابته ويفاجئ إنه نقص درجتين أو أكثر

يبقى فيه حاجة غلط


ولا الغلط إننا نناقش أسباب الغلط ؟؟؟!!!

[مسيو/على صالح حجازى]

السلام عليكم ورحمة الله وبركاته

والله يا أخوة يجب أن نتذكر ونتدبر أننا مسيرون فى هذه الحياة وأن الظلم بكل أنواعه هو شىء متوقع فى الدنيا لأنها دنيا وليست جنة. ولذلك فالإبنة الطالبة التى أحست أنها ظلمت، وحتى لو أن هذا الأمر صحيح، على الرغم من الدقة التى نراعيها فى التصحيح و أننا كما قال الأخ الفاضل/ أبو أسماء أننا فعلا مع الطالب بقدر ما يمكننا ومن قام بعملية التصحيح يعلم تماما ضرورة الإلتزام بنموذج الإجابة لأن عدم مراعاته قد يتسبب فى الضرر للمدرس المصحح. أقول لك يا ابنتى لا تحسبن الله غافلا عن شىء، وحتى و إن كنت ظلمت فى التصحيح فى درجة أو درجتين، فانشاء الله سيعوضها الله لك خيرا فى أى أمر آخر و المهم أنك تكونى مقتنعة بأنك أديت واجبك حق أداءه
والله تعالى دائما أعلى وأعلم