صرخة استغاثه

[bonno]

لم اجد احدا ابثه شكواي فلجات اليكم وارجوا ان تقبلوني بصدر رحب
انا مش عارف ابدا منين بس باختصار انا كنت في 2ث السنة اللي فاتت وكنت سعيد جدا مع اصدقائي خاصة البنات لان الصبيان كانوا دايما على خلاف معاية وبحكم اني ماكنش لي اصحاب قبل كده وكنت وحيد فمش اي واحد او واحدة باقبل بيه او بيها فكانت علاقتي مع البنات على عكس الصبيان كنت معاهم اكتر من اخ بنتكلم في اي حاجة ويستشيروني واستشيرهم وكنا تمام وجينا للامتحانات وظهرت النتيجه 103.5 من 105 يعني 99.3% ودخلنا السنة دي وانتم شفتم اللي حصل في الامتحانات وزي الكل حصل للصبيان والبنات اللي معايا و والله ليلة النتيجة مانمت مش من الفرح لا لاني سمعت نتايج مش حلوة عن ناس مستواها عالي وناس كنت اتمنى لهم الف خير بس هو ده النصيب
وبدانا السنة ولقيت معظمهم بعيد عني لا والقريبين مبيكلمونيش الا اذا فتحت الكلام ومش زيادة عن سؤال عن معاد درس او شئ متعلق بيه والي زاد وغطى ان اكتر ناس بحترمهم وباعزهم وخاصة اللي بحبها بقت بدل ماكانت دايما بتفهمني مهما قلت وحتى لو حبيت اكدب على اي حد كانت تعرف دونا عن الباقي دلوقتي تفسر كلامي غلط واني وحش وبظت ومغرور و اعز اصحابي بيقول اني بلعب بالرغم اني ببذل مجهود مضاعف و خاصة كل اما افتكر سبب دخولي الثانوي زهو اثبات نفسي وجدارتي وبعد عني الاصحاب
وبالنسبة ليا انا بحب الفلسفة ودايما اتكلم بيها من زمان واكلم عن الفلاسفة وارسطو وافلاطزن وسقراط وبحاول اساعد الكل على حساب نفسي
وبعد كل ده انا لوحدي
فما الحل