استفسااااار عن الجامعات الخااااصة .. مساعدة ارجوووووكم .. متتأخروش عليا

[Nehal 1992]

سلام الله عليكم ورحمته وبركاته ..



يا جماعة الله يخليكم ..

عايزة استفسر عن الجامعات الخاصة عندنا هنا فى مصر ..

انا فى سنة تالتة ثانوى وجبت فى تانية 92% وعايزة اكمل علمى علوم .. وطبعا لازم هخش كلية خاصة ..

فانا عايزة طلب من حضرتكم ..

عايزة اعرف معلومات عن كلية الصيدلة فى الجامعات الخاصة ..

معلومات عن المصاريف والاقامة والاماكن والمجموع وياريت ارقام التليفونات لان كل ارقام التليفونات اللى عندى يا اما مبتردش او لما يردوا يقولوا لى دى ارقام الامن ولازم تيجى شئون الطلبة عشان تستفسرى .. وانا مش ساكنة فى القاهرة .. والمواقع اللى على النت كلها انجلش ومش فاهماها اوى ..


فارجووووووكم .. ربى يجزاكم الخير ..

اللى عنده معلومات يقولى عليها ..

[الحب الولهان]

بصى انا كنت فى ثالثة ثانوى السنة دى وجبت 88.3 بس بجد حاسة انى اتظلمت اوى فانا على فاكرة جاتلى علوم اسماعلية بس انا روحت صيدلة خاصة فى جامعة المستقبل fue ودى جميلة اوى اوى ومصاريفها 32 الف فى السنة دى مصاريف الكلية بس غير المدينة الجامعية والباص بالنسبة للمدينة الجامعية هى 3 انواع حجرة مفردة بحمام ودى بالف 1500 فى الشهر وحجرة مفردة بحمام مشترك ودى 1250 فى الشهر وفية حجرة ثنائية بحمام مشترك ودى ب 1000 فى الشهر اما بالنسبة للباص لو هتسكنى فى المدينة يبقى 2500 على مدار السنة وقم الجامعة دى 16383 دة رقم ساخن ليهم من اى حتى فى مصر وفى ايضا جامعة مصر الدولية دى مصاريف الجامعة 30 الف فى السنة بس دى ملهاش مدينة جامعية ودى امتحان الانجليش بتاعهم صعب شوية ورقمهم 19648 بردو من اى حتة فى مصر بصى انا روحت وشفت الاتنين والحد الادنى للاتنين 80 % للصيدلة طبعا واتمنى ليكى كل التوفيق مع تحياتى ليكى بالنجاح المستمر امين

[الحب الولهان]

نهال اى معلومات تانية عايزاها اتا تحت امرك طبعا

[kaloon]

اولا تحياتى ليكى نهال وبقولك انتى جايبه مجموع مش وحش لدرجة انك تفكرى فى جامعه خاصه وانتى فاضلك سنه علشان تظهر نتيجتك وتبداى تشوفى هتدخلى ايه بس اعملىاللى عليكى ان شاء الله وربنا يوفقك

يمكن انا زى العضو (العاشق الولهان ) كنت برده فى 3 ثانوى السنه دى وجبت 86 وجاتلى علوم جامعة المنصوره بس فى فرع ليها فى دمياط

بس الحمد لله ربنا وفقنى وقدمت علاج طبيعى فى سته اكتوبر وصيدله هناك ب32000 وبصراحه الجامعه هناك كويسه جدا بس يعيبها انها اغلى مصرايف بتتدفع فى مصر لكن لو عاوزه تدخلى صيدله خاص وجامعه كويسه جدا (جامعه مصر للعلوم والتكنولوجيا ) مصريفها اقل بس ليها تنسيق خاص بداخلها وبتقبل فى المجموعه العلميه من 90 % وبجد لو كنت جبتهم كنت دخلتها بس الحمد لله انا على العموم لو عاوزه تعرفى اى حاجه عن 6 اكتوبر او مصر للعلوم والتكنولوجيا فانا تحت امرك واتمنى ليكى التوفيق السنه دى ان شاء الله وربنا معاكى .......