|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
14-08-2008, 04:07 PM
|
|||
|
|||
الاعاقة .........قول رايك
ازيكم يا احلى اعضاء يا رب تكونوا بخير دايما الموضوع ده انا فكرت فيه كتير قبل كده وهو موضوع الاعاقة
مش شرط تكون اعاقة ذهنيه فى ناس كتير اوى عندهم اعاقات من نوع تانى زى الاعاقة الحركيه مثلا كتير اوى بنبقى ماشين فى الشارع ونلاقى شاب صغير على كرسى متحرك وكتير اوى بنلاقى بنات زى القمر بس برضه عندهم اعاقة السؤال بقى دلوقتى يا ترى انت عندك استعداد ترتبط بانسانة عندها اعاقة او انتى ممكن ترتبطى بانسان عنده اعاقة ولو ده حصل مش هيجى يوم تحسوا انكوا مجرد بتعطفوا عليهم؟ حقيقى هما محتاجين يحسوا اننا موجودين جنبهم ومحتاجين يحسوا انهم زى اى انسان سوى يا ريت اسمع رايكم بس بصراحة |
|
#2
14-08-2008, 04:17 PM
|
||||
|
||||
|
الله عليكى يا فيفا
بجد موضوع هايل ..بصى فى ناس كتيييييير بنشهم فى حياتنا فى المعاق وفى السليم بس تعرفى انا فى نظرى المعاق هو نوع واحد المعاق فى عقله اقصد الشخصيات اللى عندهم جمود فى تفكيرهم اما اى حد ع كرسي متحرك او غيره ده مش معاق انا من راى انه انسان طبيعى ربنا ابتلاه بمرض ..وايه المشكه؟؟ احنا كلنا معرضين لاى حاجه وفى اى وقت ..محدش عارف ايه اللى هيحصلو بكره اما بالنسبه لموضوع الارتباط ده ..انا مش شايفه اى مانع حتى لو كان ايه المهم مخه ده يكون شغال فاهمنى وانا فاهمه ..يبقى مفيش مشكله هنكمل وهنكون سعدا اكيد وممكن اسعد من اى اتنين سلام مش قادرين يفهمو بعض حتى وانا متاكده انى مش هحس انى مجرد انى بعطف عليه !!لانه اصلا فى نظرى سوى وده راى بكل صراحه والله وبشكرك ع الموضوع ده انتى متعرفيش انا متحمسه اونا بكتب ونفسي اتكلم اكتر بس لم اشوف باقى الردود ولنا بقيه ..:D d |
|
#3
14-08-2008, 04:21 PM
|
||||
|
||||
|
فيفا موضوعك في منهى الروعة والله .....
هاقولك انا من شروط ارتباطي باي انسان انه يكون متيز ..مش عادي .....مش عاوزاه يكون عادي بن عادي لازم الشخصية تكون متميزة يعني لو اللي عنده اعاقة ده متميز ف شخصيته وناجح ف عمله ا عنده استعداد يكون ناجح ومستني دفعة انا معنديش مانع وكمان اضافة مني انا اخويا مولود كفيف .... خلص كليته واثناء دراسته كان بياخد دورات كمبيوتر لحد ما دلوقتي بقى مدب كمبيوتر وبيروح ويجي لوحده وحياته على حسب المحافظة اللي ايح يدرب فيها شوية اسكندرية شوية القاهرة ,المنصورة . . . . يعني ومتميز جدا في وسط اصحابه ورافض يتجوز لحد ما يوصل لهدفه اللي احنا مش عارفينه اهو ده شخصية متميزة جدا ف نظري ولو حد زيه طلب الارتباط بيا هاكون في منتهى السعاده ان معايا حد بالتميز والتالق ده ........ اشكرك
__________________
لما تشوفو مشاركاتي ادعولي بالهداية والثبات ان كنت حية وبالمغفرة ان كنت ميتة أستودعكم الله الذي لا تضيع ودائعه
 |
|
#4
14-08-2008, 04:21 PM
|
||||
|
||||
|
بسم الله الرحمن الرحيم
انتِ فتحتي جرح مابصدق أقفله  انا اصلاً عمري ما راح ارتبط بحد إلا لما يكون عنده نفس الإعاقه بتاعتي دي و ياريت مش تسأليني ايه هي .. هي في دراعي اليمين عامةً و لو مش لقيت حد مش عنده الإعاقه دي .. اللي هرتبط بيه ده لازم يبقى راضي و مش يحسسني ابداً انه بيعطف عليا وانا بجد لو شوفت في عنيه نظرة عطف او حسيت اني صعبانه عليه اكييييييد هسيبه بس بيضايقني اوي انه فيه ناس بجد مش عندها دم بتتريق عليا كتيييييييييير  و خصوصاً لما امشي في الشارع مش بخلص بجد حسبي الله في الناس دي ... انا عارفه انه مش قصدك و عارفه ان ممكن ناس كتير مش راح تصدقني .. عشان اكيد هتقولوا يعني هي عندها اعاقه و هتروح تقول كده ادام الناس بس انا مش بحب اخبي الحكايه دي بالذات عشان محدش يتخدع فيا اكتر من كده
__________________
الأماكن زي البشر .. بعضهم بيبقى عايزك و مش عايزك تمشي وبيحببك فيه عشان تفضل.. والباقي بيكون مش عايزك و بينفرك منه عشان تسيبه
|
|
#5
14-08-2008, 04:43 PM
|
||||
|
||||
|
اهى دى المواضيع الفعالة
شكرا على الموضوع
__________________
وعساك ترضى ربى عن عبد جفا فوق التراب ضاقت به الدنيا فجائك تائبا مما اصاب 
|
|
#6
14-08-2008, 04:50 PM
|
|||
|
|||
|
اقتباس:
مرسى اوى لردك الجميل ده وبجد رايك اسعدنى جدااااااااا |
|
#7
14-08-2008, 04:51 PM
|
||||
|
||||
|
اقتباس:
وعامه كل واحد فينا عنده اعاقه ربنا مخلقش حد كامل المهم ان احنا نعوض ده وهتلاقى اللى عنده قصوره فى حاجه بيعوضها وبيكون مميز فى مجال تانى ..هى دى الدنيا |
|
#8
14-08-2008, 04:53 PM
|
|||
|
|||
|
اقتباس:
وربنا مع اخوكى ويوفقه وان شاء الله يحقق هدفه |
|
#9
14-08-2008, 04:55 PM
|
|||
|
|||
|
اقتباس:
انا اسفة بجد اوى والله لو كنت اعرف انى ممكن اضايقك مش كنت كتبت الموضوع ده خالص بجد انا اسفة وان شاء الله تلاقى واحد يقدرك ويحبك لشخصك وبس هو حد هيلاقى بنوتة رقيقة زيك كده فين |
|
#10
14-08-2008, 05:10 PM
|
||||
|
||||
|
اقتباس:
بجد انا عايشه في مجتمع مش بيقدر .. بس بحمد ربنا لإن ده نصيبي == اقتباس:
انتِ مش كنتِ تعرفي و مش كان قصدك و انتِ اصلاً بنوته زي العسل و بجد موضوعك جميل اوي و حسيت انك بتتكلمي عني بحبك في الله
__________________
الأماكن زي البشر .. بعضهم بيبقى عايزك و مش عايزك تمشي وبيحببك فيه عشان تفضل.. والباقي بيكون مش عايزك و بينفرك منه عشان تسيبه
آخر تعديل بواسطة bosy .. mostafa ، 14-08-2008 الساعة 05:16 PM سبب آخر: غلاسه |
|
#11
14-08-2008, 05:59 PM
|
||||
|
||||
|
انا عايز اقول حاجة
فى حاجة اسمها الكفاءة فى الزواج بس مش اى حاجة نشوفها نقول اعاقة فى كدا حاجات عادية الناس بتشوفها وتسميها اعاقة مع انها على العكس من ذلك انا مش هتكلم كتير هسيبلكو الساحة ومتابع الاراء
__________________
 ......استودعكم الله الذى لاتضيع ودائعه.... ....closed 4 ever
|
|
#12
14-08-2008, 06:08 PM
|
|||
|
|||
|
اقتباس:
اصلى بصراحة مش فاهمة اوى |
|
#13
14-08-2008, 06:15 PM
|
||||
|
||||
|
اقتباس:
بصى مثلا بنشوف ناس وليكن مثلا ليها يد اطول من الاخرى ( محدش يعلق ) او ما شابه ذلك دى مش اعاقة تمنع من الارتباط بس فى ناس بتقتنع باطلا بان دلى اعاقة تمنع من الارتباط ( شوفت بعينى محدش قاللى ) اما الكفاءة اللى انا بقول عليها فمعناها مثلا ان مش ممكن واحد يتزوج بانسانة فاقدة بصرها او ماشابه الموضوع حساس ومش عايز اجرح حد ومش عايز بردو اتكلم كتير
__________________
......استودعكم الله الذى لاتضيع ودائعه.... ....closed 4 ever
|
|
#14
14-08-2008, 06:19 PM
|
|||
|
|||
|
اقتباس:
يا جماعة لو حد شايف ان الموضوع حساس وهيجرح حد ممكن اقول لمشرف القسم يحذفه بس بامانة مش كنت اقصد كده خالص من الموضوع |
|
#15
14-08-2008, 06:33 PM
|
|||
|
|||
|
موضوع جميل
على فكرة فى كتير من اصحاب العقول المريضة بيبصه للشخص المعاق ده بصت قرف او تريقة او بيعمله على انه نكرة او يمكن بيخافه من جواهم ويعتقده ان الاعاقة دى مرض ممكن يصبهم وفى ناس تانية بترفض الارتباط بشخص معاق خوفا ان الاعاقة دى تمتد لاولادهم بس عمتا انا معنديش اى مانع انى ارتبط بشخص يكون معاق بس اعرف نوع الاعاقة دى الاول علشان اعرف اذا كنت هقدر اكمل معاه او لا علشان اقدر اكيف نفسى معاه وميكونش فيه احساس من نحيتى بالعطف عليه وعلشان كمان مش اجرح كرمته واحسسه انى بعطف عليه انتى عارفه حاجة الشخص اللى ربنا بيبتليه باعاقة معينة بيعوضه عن الاعاقة دى بميزة متكنش موجوده فى الناس كلها دى وجهة نظرى وكشرا مرة تانية على الموضوع |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:31 PM.
