|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
13-01-2015, 02:21 PM
|
||||
|
||||
سؤال .. هل من الممكن أبدأ فى المذاكرة ف تالتة ثانوى واتفوق؟
السلام عليكم عندى سؤال محيرنى
 انا دلوقتى فى تانية ثانوى مستوايا مش حلو وبرضوا مش وحش انا علمى و ناوى ادخل علمى رياضة - والمادة الوحيدة الى هقفلها هى الرياضة  باقى المواد معرفش فيها الا المعلومات الى تنجحنى و مذاكرتش انجليزي خالص واتنفخت النهاردة فيه  و الايطالى نفسى الكلام وعليا احياء بعد بكرا وشكلى هتنفخ برضوا و بعديها عربى و هتنفخ برضواواخيرا كيمياء وكما العادة هتنفخ بصوا انا دلوقتى الصراحة هتكسف من درجتىوكل المدرسين و زمايلى حاطين فيا امل كبير و فاكرينى اشطر واحد فى المدرسة  والصراحة انا هحاول اخد النتيجة ومقولش لحد خالص على درجتى بس السؤال هنا انا ممكن ابدأ مذاكرة من التيرم التانى ؟ وهيبقى مستوايا حلو ولا استنى بقى لحد 3 ثانوى :/ وسؤال تانى على فاكرة انا مبخدش دروس ولا حتى بروح المدرسة مع ذالك ذاكرت الرياضة كلها لواحدى و بعرف اجمع الحمد لله المنهج كله فى يومين حتى لو احياء او كيمياء او انجليزي او اى مادة يبقى انا فتاي :D xD فهل انا ممكن اعتمد على نفسى فى تالتة مع العلم ان مستوايا وانا لوحدى اعلى من مستوايا وانا فى الدروس  بس كدامعلش الكلام ملغبط و طلع معايا كدا مستنى ردودكم
__________________
 
|
|
#2
13-01-2015, 09:01 PM
|
||||
|
||||
|
ازيك يا عمر عامل ايه .. ان شاء الله تكون فاكرني .. ماعلينا .. كبرنا وبننسا .. يا عمر انتا كل سنة كده .. مش بتتخدل غير ايام الامتحانات .. لكن مش مشكلة . انتا تانية لسه قدامك وقت .. بص انتا داخل ان شاء الله علمي رياضة .. يعني مجموعك مش هيكون من 120 درجة بس اللي هيا مواد رياضة .. حسب ما أعرف .. لكن مجموعك هيتحسب على الرياضة وغيرها .. ومن غير المواد دي مش هتقدر تدخل هندسة .. يعني لازم تدي كل حاجة حقها .. وتفوقك في الرياضة دليل ان مخك نضيف والمواد التانية مفروش تكون سهلة عليك .. اما بالنسبة لاعتمادك على نفسك .. هوا ممكن لكن في مواد انتا لازم تكتسب من المدرس فنيات معينة .. زي الانجليزي والعربي خصوصا انك لازم تسأل في اللي متعرفهوش .. بس انا افضل انك تاخد دروس عربي وانجلش ولغة تانية وفيزيا ومواد الرياضة .. ومش عارف اقلك مواد الرياضة لازم درس ولا لأ .. لكن انتا استخير ربنا .. ربنا يوفقك .. دعواتك ..
__________________
~الّنجَاحُ غًاِلبًا مَا يَكُونُ نَتِيجَة لاتِّخَاذِ خُطْوَةٍ خَاطِئَةٍ فِي الاتِّجَاهِ الصَّحِيحِ~
|
|
#4
14-01-2015, 01:00 AM
|
||||
|
||||
|
اقتباس:
انا بقول الرياضة لانها بتتثبت فى المخ اما باقى المواد لازم تراجع وعلطول كنت بقفل الرياضة من وانا فى ابتدائى لحد دلوقتى وبالنسبة للدروس انا خلاص قررت اذاكر قبل ما الدروس تبدأ بعدين اروح شهر كل المواد لقيت نفسى مش محتاجها اوك لقيت نفسى محتاجها هكمل وواحد صاحبى اعرفه السنة الى فاتت ده علطول مكنش بياخد دروس و جاب 97% ودخل هندسة بينما واحد تانى بيطلع الاول من وهو ابتدائى و طلع من الاوائل فى تالتة اعدادى وبيذاكر و بياخد دروس وكل حاجة جاب 90% المهم اقولك السبب الى خلانا اكره الدروس فى استاذ يثعد يقولك مالتيز مالتوز يدينا 2 جلوكوز و يقولك سكريز سكروز يدينا جلوكوز و معاه الفركتوز ويقولك اللاكتيز لاكتوز يدينا جلوكوز و معاه الجالاكتوز و ايه بقى بيطبل و لازم نقول وراه والصراحة اعصابى بتتعبنى من الحجات ده هتقولى ده مدرس وحيد ده كل المدرسين مدرس الايطالى ساعة يقولك افراد العائلة بتاخدش اداة تعريف و يقعد يقولك كلام برضوا بنغمة معينة ولازم نقول وراه زى الاطفال مدرس الرياضة يقولك قاعدة بوم بوم طير و مش عارف ايه وبرضوا انا اعصابى متستحملش مدرس الانجليزي والله ما بقدر امسك نفسى من الضحك و هو بيرقص لما بيقول القواعد او يخلينا نقول الكلمات كل كلمة تلت مرات و هكذا كل المواد حرام و العربى يعنى مش عايز اقولك مع احترامى لكل المدرسين والصراحة الطالب الى متعود عالدروس من صغره جاله تناحة وانا عمرى ما خدت دروس قصدى يعنى ما كملت انا اخدت حوالى شهر فى سنة تانية بس مش اكتر -  فى حين انا اقدر اوفر وقت وانا بنسبالى الوقت مش مهم المجهود رايح جاي و فى الدرس صعب جدا والله خسارة واقدر اذاكر لنفسى حتى اصعب المسائل فى الفيزياء و الكيمياء و الميكانيكا و التفاضل و الجبر و كله انا وضعت الموضوع عشان اتشجع بس وادردش لان طبعا ميزة الدرس الوحيدة زمايلك الى معاك فى الدرس بس كدا بتكلمهم و تحل معاهم امتحانات وكدا اما من غير درس بتبقى وحيد وانا ان شاء الله هتفوق من غير درس انا حتى فى تانية ثانوى اهو رغم انى مبخدش درس ولا ذاكرت حتى بس فى اخر يوم بجمع المنهج xD فى كل المواد بس طبعا مش تقفيل بس حوالى 70% من المادة معادا الرياضة الى بقفلها وده كويس جدا جدا بنسبة ليوم واحد بس + انا حبيت اعرف الناس والله الموضوع سهل عمال اقنع فى العيال انهم يذاكروا المذكرة الى معاهم بدل ما يغشوا منها فى الامتحان مش هتاخد منهم 10 دقايق وهما مش مقتنعين برضوا ووبيبصولى بانبهار كدا xD سلام بقى المهم اذاكر وانا هذاكر من دلوقتى و هذاكر فى التيرم التانى ومفاتنيش حاجة ولا حاجة بس حبيت احس بس ان معايا طلبة فى ثانوى سواء خلصوا او لسا هيخلصوا ويشجعونى  ادعولىوشكرا على ردك  و تشجيعك
__________________
|
|
#5
14-01-2015, 01:47 PM
|
||||
|
||||
|
بس كلنا متفقين ان الثانوية العامة محتاجة مجهود و التزام و صبر
وطبعا مش مذاكرة كتير ياريت الى بيذاكر اكتر من 6 - 4 ساعات يحاول يقلل شوية و فى الاخر زود زى ما انت عايز عشان تبقى قوى فى الاخر لو مش فارقة معاك عادى جدا و مفيش حاجة اسمها انا مبفهمش انا مبحفظش والله كل ده كلام فاضى ده انا مثلا لو قعدت احكى معاك 12 ساعة رغى رغى رغى رغى رغى هتفتكر كل كلمة قولتلهالك قولتلك حصل كذا كذا وعملت كذا و هعمل كذا وعلى كدا 12 ساعة بحالهم يعنى عبارة عن منهج زى منهج مادة كاملة و برضوا حفظته من اول مرة اتعامل مع الكتاب على كدا هتلاقى الدنيا ماشية معاك ولو معرفتش من اول مرة حاول تانى كلنا نقدر نجيب فوق 98% بس الى يذاكر و يحل اسئلة و يتابع مستواه اهم حاجة متابعة المستوى + الصبر للى مش متعودين عالمذاكرة او مش بيحبوا المذاكرة و يحسوا انهم فى سجن اول لما يمسكوا الكتاب كل ده تهيئات  هتلاقى نفسك بدل ما تقول انا هجيب 90% بالعافية او درجة زى كدا هتلاقى نفسك بتقول انا ممكن ابقى الاول وربنا يوفقكم
__________________
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 01:20 AM.
