المرتبات الجديدة ( حقائق بديهية )

[احمد الكنج 11]

بعد اقرار قانون الخدمة المدنية و رفع قيمة الاساسى ال 80% و المتغير 20% هل تتوقع
اولا:- هل تتوقع زيادة فى مرتبات العاملين بالدولة لا سيما المدرسين؟
جـ - لا طبعا فالظروف الحالية التى تمر بها البلاد لا تسمح بالزيادة.
ثانيا:- هل تتوقع تخفيض رواتب العاملين فى البترول و الكهرباء و البنوك و هل تتوقع التزام مرتب هذه الجهات بالـ20% متغير
جــ - لا طبعا فهناك مخاطر و جهود خاصة و ارباح.
ســــــــــــــــــــــــؤال...
ما الفائدة من تغير القوانين ؟
هل معنى هذا ان نرضى فقد برفع قيمة المعاش بعد عمر طويل فقط . العمر الذى قد لا نصل الى اليه؟
ســـــــــــــــــــــــــؤال...
اين العادلة الاجتماعية و اين تقليص الفوارق فى المرتبات هل كانت مشكلتنا مع رواتب الرئيس و الوزراء و المستشارين فقط ؟
هل كل الموضوع كان تخفيض خانات المرتب الى ثلاث او اربع خانات لتسهل على موظفى المهيات و فقط؟
كل الموضوع اكذوبة
لن نزيد كمعلمين جنيها واحدا ولكن ربما تضيع علينا مكافأة الامتحانات و كادر مبارك و 50% مرسى ربما..
(( لا تتفائل فأنت فى مصر !!! ))

[توفيق رفعت عجيز]

يا استاذ احمد عليك الانتظار حتي تصدر اللائحة التنفيذية للقانون ويتم تطبيق القانون

[ابراهيم فتحى محمود]

يا سيدى الفاضل عليك الانتظار القرار التنفيذى للقانون وعلى العموم انت نسيت علاوة الاعباء الاضافية

[haitham12]

قانون الخدمة المجدنية الجديد بديلا للقانون 47 لسنة 1987 و الذي يخضع له الاداريين و العمال
اما المعلمين فيخضعون للقانون 155 لسنة 2007 و المعدل بالقانون 139 لسنة 20111 او 2012 مش فاكر بالضبط
ياريت المعلمين يريحوا دماغهم من موضوع الزيادات لان الوزير الجديد اول تصريح له ( مفيش اي زيادة للمدرسين في الوقت الحالي )
وحتى العاملين المدنيين بالدولة و الذين يخضعون للقانون الجديد مرتباتهم هتقل مش هتزيد لان تحويل الاساسي الي 80% من المرتب يعني زيادة نسبة ال 10% معاشات لان المعاشات بدون حد اقصى على الاساسي بينما يوجد حد اقصى ل 10% متغير
الفائدة الوحيدة للموضوع ان المعاشات هتكون بدون حد اقصى يعني ( المعاش مفروض يكون على الاقل 90% من اخر مرتب هذا و الله اعلم )

[teacher120]

فعلا اعتقد ان علاوه الاعباء هى اصلا فئه ماليه مقطوعه يعنى مش نسبه مئويه يعنى ممكن نزيد بها ان الوضع الحالى يعنى مثلا انا الان الاساسى بتاعى 263 وانا مرتبى كله الان 1230 وعلى النظام الجديد هكون ان شاء الله اساسى(اجر وظيفى )910 وزياده 5% يعنى حوالى 955 هيكون الاساسى فى 1-7-2015 ---- والوزير بيقول ان الاساسى دا بيمثل نسبه 75% من الاجر الشامل وان امكمل هيكون 25% يعنى حوالى 238 =1193+400 علاوه اعباء =1593 بعد الخصومات وخلافه اعتقد ان مش هنقل وهتكون النسبه متقاربه

[teacher120]

مكافاه الامتحانات هى الملجا الوحيد لزياده المرتبات فعلينا التمسك بعدم المساس بها نهائيا

[عيد سليمان1]

لما يكون ليكو مزاج تقولو انتظر ولم ما يكونش ليكوا مزاج يفرغ الصبر منكو كل نهاية وليها مقدمات والوزير قال في أول بداية ما فيش زيادة يبقى ليه الكلام وليه السؤال وليه الأوهام فى انتظر شوية

[algazzr]

احسنت وابدعت
واوجزت

[احمد الكنج 11]

المشاركة الأصلية كتبت بواسطة ابراهيم فتحى محمود

يا سيدى الفاضل عليك الانتظار القرار التنفيذى للقانون وعلى العموم انت نسيت علاوة الاعباء الاضافية

الاعباء إن بقيت سوف تنخفض لتساوى الاحد الادنى لباقى موظفى الدولة
وتأكد انه فى دولتنا قد يخصم من المعلمين علاوة الاعباء الوظيفية على اساس انها زيادة عما يأخذه موظفى الدولة و فى نفس الوقت لا يضيف لك علاوة الحد الادنى (( مش فاكر كلام الوزير الذكى لما قال المعلم سوف يأخذ الحد الادنى بالاضافة الى الاعباء الوظفية )) يعنى عادى ممكن يخصم الاعباء على اساس انك بتاخد الحد الادنى

[عاطف الصالح]

المرتب لن يقل و ممكن يكون الكادر على الاساسى الحالى و اكبر ميزة ان المكافاة ستتوزع على الشهور و ارجو الا يغضب احد لان المكافاة ضمن ال 200 % السؤال الحائر هو بدل الجذب للمناطق النائية كيف سيحسب هل سيكون مبلغ ثابت ام 50 % كما هو الان اشك

[الدنجاوي]

المعلمون يخضعون للقانون 155 ولكن نفس القانون في ديباجته أقر بأن المعلمون يطبق عليهم قانون العاملين فيما لم يرد به نص ف القانون 155 ، هذه واحدة ، وأما الثانية فهي أن القانون 155 أعطي الحق للمعلمين في الاستفادة بأي زيادات تطبق ع العاملين بالدولة ، كعلاوة 10% السنوية في 1/7 .. هذا للتوضيح وشكرا

[احمد الكنج 11]

المشاركة الأصلية كتبت بواسطة الدنجاوي

المعلمون يخضعون للقانون 155 ولكن نفس القانون في ديباجته أقر بأن المعلمون يطبق عليهم قانون العاملين فيما لم يرد به نص ف القانون 155 ، هذه واحدة ، وأما الثانية فهي أن القانون 155 أعطي الحق للمعلمين في الاستفادة بأي زيادات تطبق ع العاملين بالدولة ، كعلاوة 10% السنوية في 1/7 .. هذا للتوضيح وشكرا

تقول ان المعلمين يخضعون للقانون 155 الذى ينص فى المادة 89 على ما اذكر ان المعلمون يحصلون على الكادر بالاضافة الى اى زيادة يحصل عليها موظفى الدولة... اليس كذلك؟؟
هل نسيت انه عندما تم تطبيق حافز الـ200% لكل موظفى الدولة لم يحصل المعلمون إلا على 75% و اقل لانه تم احتساب الكادر كانه من ضمن الحافز 200% ؟؟
عن اى قانون تتحدث يا اخى و عن اى قانونيين هل تعتقد انهم احترموا القانون؟؟
( لا تعجب فنحن فى مصر )

[لوجين20]

اليس الصبح بقريب؟!!
كلها كام شهر ونلمس القانون بانفسنا
صبرا ياشباب

[نانا هوبة]

انا حاجه واحدة بس اللى مطمنانى انى رزقى بايد ربى هيذودوا هينقصوا مش هيقدروا يعملوا غير اللى ربنا كاتبه لولادى اطمنوا و ريحوا بالكم رزقكم عند ربنا

[مصري عزيز]

" وقل اعملوا فسيرى الله عملكم ورسوله والممؤمنون " العمل أولا بجد وإخلاص والزق والبركة منعند الله ، وليس الغني بكثرة العرض إنما الغنى بقلة الطلب ولتحيا مصر عزيزة وليحيا شعبها العظيم ، حفظها الله وحفظ جيشها الباسل وحفظ رئيسها ووفقه لما فيه خير البلاد والعباد وسدد خطاه رغم أنف الحاقدين الذين يتمنون خراب البلاد ولكن هيهات فقد فضحهم الله تعالي وأذلهم في العالمين .