كلمة سريعة لطلبة الثانوية العامة 2015

[yoyo caty]

السلام عليكم و رحمة الله و بركاته ,,,ردوا السلام فسركوا
كلمتين حابة اتكلم شوية معاكم دلوقتى احنا بدأنا شهر 5 اهو بقالنا 4 ايام و ربنا يسهل فاضلنا حوالى شهر بالتمام و الكمال ...بداية انا كنت واحدة زيكوا كده السنة اللى فاتت زى اى حد اول ما شهر 4 خلص و بدأ شهر 5 ابتديت احس ان الدنيا واقعة منى و انى ازاى ادخل الامتحان و انا مش واثقة من مذاكرتى اطلاقا و الدنيا بدأت تقفل عالاخر ,,, بقى لو حد فيكم زيي دلوقتى بيمر بالكلام اللى فوق ده اول حاجة احب انك تعرفها انت كده تمام يا بطل و الخوف و الرهبة لما تقدر تسيطر عليهم و تستخدهم بشكل سليم فأنك تلحق نفسك بيبقى خوف بيبنى مش بيهدم اولا تقوم تصلى ركعتين لله تسجد فيها و تشكى لربنا و تدعيه اوى و تبقى خاشع كده و انتى بتطلب من ربنا التوفيق و ان يعينك ان تقدر تلم كل اللى وراك و خليك عارف ان من شروط استجابة الدعاء الخشوع و التضرع لله خلاص صليت و دعيت و استعنت بالله انه يوفقك تمام كده,, طيب ايه اللى فاضل ايووووة الشهر النهائى داخل عليا و مش قادر امسك اعصابى و متنرفز على ابويا و امى و اخواتى و مخلى البيت متوتر صل على النبى كده و ابدا صلح نفسيتك بدل ما تتخانق مع اللى حواليك اقعد مع نفسك و اذكر الله و استغفر كتيييير و خليك بار بوالديك و خليهم يدعولك ربنا يتقبل منهم ان شاء الله .... نبدا بقى صلاتنا تتظبط مش عيب اننا نقرب من رنا ففترة الامتحانات و نطلب منه انه يساعدنا العيب اننا نرجع بعد الامتحانات علاقتنا بربنا تضعف
خلاااااااااااااااااااااااص كده نبدا بقى نتوكل على الله نشوف ايه اللى واقع معنا خالص و نحلى امتحانات كتييييير جدا خلىك ذكى اتدرب على اكبر قدر من اشكال الاسئلة اللى ممكن فعلا تجيلك فالامتحان و فنفس الوقت سؤال مش عارفه افتح الكتاب ذاكره و احفظه تمام و هتلاقى فالاول الامتحان فأى مادة بياخد منك وقت طويل متقلقش حاول تسرع نفسك و بالتدريب هتلاقى نفسك عالامتحان الخامس ماشى فيه كويس جدا و سريع كده تبدا تحس ان الدنيا اتلمت شوية و هتدى لنفسك ثقة و تكسر رهبة شكل ورقة الامتحان و خليك شغال فكل المواد بالرتم ده و بالورقة و القلم و اكتب و سرع ايدك فالكتابة هيساعدك كتير فوقت الامتحان ان تخلص بسرعة و يبقى عندك فرصة للمراجعة خصوصا العربى ة الجيولوجيا و الاحياء و الكيمياء متتصوروش امتحن الكيميا بتاعنا كان كمية الكتابة فيه رهيبة و تجارب علميةكتيير اوى محتاجة ايدك تبقى سريعة و خطك بيقى حلو و ينفع المصحح يقراه و يميزه عشان تفتح نفسه و هو بيديك الدرجة .....امتحانات السودان و التجريبية اللى الوزارة بتنزلها مهمة جداااااا جدااااا دى عبارة عن صورة من شكلالامتحان اللى هبقى قدامك كمان شهر و لكن احذر انك تتربس دماغك على شكل اسئلة معين القصد يعنى ان مثلا لو الامتحان بتاع السودان جه فبه سؤال عرف ممكن السؤال يبقى عندك على شكل اكتب المصطلح العلمى و العكس صحيح فخليك مرن و جيب السؤال قدامك بكذا طريقة
اخيراااا ادعى بعد كل مادة تذاكرها او جزء انت ذاكرته ان ربنا يلهمك و يذكرك به ساعة الامتحان باذن الله و قول الدعاء ده (اللهم انى استودعك ما علمت و ما قرات و ما فهمت و ما حفظت فاحفظه يارب عندك يا من لاتضيع ودائعه ابدا يارب العالمين و حسبنا الله و نعم الوكيل ) اكتب الدعاء ده وحطه على مكتبك و ارجووووووووووووك مش محتاجة اقول انى لو الفيس بوك لسة بتفتحه فدى مشكلة خطييييرة جدا اقفل حالا الاكونت و والله العظيم مش هيحصل حاجة مهمة فيه اهم من مذكرتك و تحديد مصير هيتبنى عليه سنينك اللى جاية و لو اضطريت اقفل النت خالص و انت مش محتاج غير كتبك و ملازمك و اقلامك و الاهم دماغك و انها تكون مش متشتتة بعوامل تانية زى النت و غير بقى انتى ادرى واحد بالحاجة اللى بتشغلك .....اسأل الله العظيم ان يجعل التوفيق و السداد حلبفكم و ان يرزقك الصبر و العزيمة ...اعقد النية قبل ما تذاكر انك بتذاكر عشان ترفع من شان دينك و امjك وانك تكون فرد نافع للاسلام و المسلمين هتاخد ثواب و اجر كبير باذن الله يسر الله اموركم كلها ,,,, صحيح كفاية نت و اقفل و قوم ذاكر و انوى انك متفتحش النت ولا الموبايل تانى غير بعد الامتحانات باذن الله
سبحانك اللهم و بحمدك اشهد ان لا اله الا انت استغفرك و اتوب اليك ,,,,

[*Sara Ahmed*]

جزاكم الله خيرا يا دكتور
انا مش مظبطه مذاكرتى خالص
بقالى كام يوم بنام 10 ساعات
ولا عملت جدول لشهر 5 ولا حاجة
ماشية بالبركة عشوائى
وان شاء الله ال شغله عشوائى
بيجيب نتيجه عشوائية زيه
بصى انا هقوم اصلى ركعتين وادعى ربنا
وبعد كده هبدا اذاكر وهدعى بعد كل درس ذاكرته
اما نشوف بقى ...
يــــــــــارب

[smsmzeros]

موضوع جميل
شكرا جزيلا
وجزاكم الله خير