اخر شهر !

[Youssef Hany1]

من الأخر كده
انا في 3 ثانوي علمي علوم
كنت ضاربها صرمه و مش حاطط في دماغي اي تعليم
و مفهم نفسي طول الوقت اني كده كده هلم المنهج و هجيب مجموع
لحد ملاقيت نفسي في أخر شهر و مش عارف حاجه و لا عارف الم حاجه
كان فيه مشاكل كتير أه .. و كان فيه قلق و ده اللي كان مخليني مش بذاكر او بمعني أصح " حِجه " علشان مذاكرش
و في نفس الوقت فيه ناس حاطه أملها عليا
و نظره أمي كل يوم ليا بتقطعني و انا شايفها بتقولي " اول يوم جامعه انا اللي هوصلك بنفسي و اشاورلك و انت داخل كليتك "
فوقت متـأخر أوي .. بس حاسس انه فيه أمل
لأني مش هيأس من رحمة الله
اكيد فيه زيي و مر باللي انا مريت بيه
ياريت نصيحه لوجه الله اعمل في أخر شهر علشان افرح الغلبانه اللي ماحليتهاش في الدنيا غيري
و متهيألي اني مش هلاقي احسن من المكان ده عشان احل مشكلتي
والله واثق فيكم حتي لو مفيش حل

[توكلت علي خالقي]

اجتهد واعمل اللي عليك واوعي تيأس وان شاء الله ربنا يوفقك اهم حاجة انسي اليأس

[محمدخالدفتحي]

حاول تنظم وقتك بحيث يكون هناك مواعيد للمذاكرة ومواعيد للراحة
وفي الأول خاالص رضا الله

[DODICONO]

فيه ناس بتفتح الكتاب يوم واحد وبيجيبوا مجموع اكتر من اللي بيذاكر طول السنه اه والله بس عايزة تركييييييز وتخيل والدتك لو ما عملتش كدة وذاكرت اليومين دول بتركيز ،وخليك مع ربنا قال تعالى
أَمَّنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ*وَيَجْعَلُكُمْ خُلَفَاءَ الْأَرْضِ ۗ أَإِلَٰهٌ مَعَ اللَّهِ ۚ قَلِيلًا مَا تَذَكَّرُونَ.
الشاهد هنا انك تدعي ربنا وثق وركز زي ما قولتلك وباذن الله تدخل الكليه اللي انت عايزها ، قول يا رب ادخل الكليه اللي انا عايزها وبخشووووع ربنا يكرمك اهم حاجه تقولها عن ثقه
يا اخي تخيل ان امتحان الفيزيا بكرا هتعمل ايه ؟ هتلم المنهج وبتركيز عالي كمان طب ما خلاص انت لسه فاتح ليه ، روح لم المنهج كان الامتحان بكرا