يا جماعة ينفع اخش علوم ب علمى رياضة ؟ و حبة اسئلة تانية بليز الرد

[Elmobd3]

يا جماعة ينفع اخش علوم ب علمى رياضة ؟

انا بتكلم علوم فيزيا كيميا و كده

مش رياضة !!!

و ايه مستقبلها

هل بتشتغل فى شركات الدواء هل ليها شغل فى البترول و كده

بليز واحد فاهم يخش يرسينى على الحوار

لحسن انا جايب السنة اللى فاتت 93 و شكلى هتفسح السنة ده و مش هلحق حاجة
بعد اللى شوفناه فى التفاضل و الفيزيا و الفراغية و الميكانيكا و اخيرا الاحصاء !!!!!!!

و بالنسة بمعاهد المساحة

ده ايه نظامها ؟ سمعت انها بتدرس فيها سنتين و تخش هندسة !

و بالنسبة لفنون تطبيقية هل مستقبلها حلو ؟

يعنى لما ادخلها قسم عمارة مثلا كويسه و لا ايه النظام

اصل واحد قالى تعبانه فى العمارة مش اد كده

و ينفع الحق فنون عمارة ؟
يعنى هل ليها امتحانات قدرات زى التطبيقية فى الجامعة غير اللى كان فى المدرسة ؟.

و معلش الفنية العسكرية
هل بتحتاج نظر و عادى مش مهم ؟
اصل نظرى ضعيف

و انتوا ايه رائيكم ؟ تقترحوا عليه بايه

بصراحة انا محتار و مش عارف هل اعيد السنة و لا اخش تجارة و لا اخش ايه بالظبط
تخطيطاتى باظت خاالص بعد اللى حصل السنة ده

يلا قدر الله ما شاء فعل و الحمد لله على كل شىء

[abosaid]

لو كان قصدك كليه العلوم مش هينفع تعدي غير الاقسام الاتيه : رياضه فقط او رياضه وحاسب الي او رياضه وفزياء او حاسب الي فقط
ملهاش دعوي بكل اللي قلت عليه ده لبتاع الاحياء أذا جاب تقدير ينفع يكمل طب انت بتطلع منها مدرس وده صعب تلاقي شغل ولكن لو قسم حاسب الي وده قسم جديد وناس كتير بتفضله لانه زي خريج كليه حاسبات ومعلومات وليها مستقبل حلو في الشغل ومطلوبين بره بكثره وخصوصا في الخليج فنون تطبيقيه وفنون جميله قسم عماره وكليه التخطيط العمراني حلوه جدا كانك خريج كليه هندسه قسم عماره وفي محاضرات بتتاخد في هندسه بس لازم تكون ممتحن قدرات عماره وتجيب فيها لائق بالاضافه الي المجموع
اما الفنيه العسكريه لازم تكون جايب فوق ال90% ومعاك واسطه اما لو جايب فوق ال95% بيتغاضوا عن الوساطه واللياقه البدنيه ولو ربنا كرمك وجبت فوق ال90% دور علي واسطه وعدي فنيه لانها هندسه وشرطه وبتبقي مهندس ظابط وبالنسبه اتجاره دي كليه الشعب ودي اخر حاجه تفكر فيها في هندسه حاسبات ومعلومات وبعدين علوم وفي هندسه زراعيه اسمع انها حلوه جدا وربنا يكرمك واباذن الله التنسيق هينزل وتعدي الكليه اللي نفسك فيه (واسال ورايا انا متاكد من كلامي بس طمأن نفسك)

[Elmobd3]

المشاركة الأصلية كتبت بواسطة abosaid

لو كان قصدك كليه العلوم مش هينفع تعدي غير الاقسام الاتيه : رياضه فقط او رياضه وحاسب الي او رياضه وفزياء او حاسب الي فقط
ملهاش دعوي بكل اللي قلت عليه ده لبتاع الاحياء أذا جاب تقدير ينفع يكمل طب انت بتطلع منها مدرس وده صعب تلاقي شغل ولكن لو قسم حاسب الي وده قسم جديد وناس كتير بتفضله لانه زي خريج كليه حاسبات ومعلومات وليها مستقبل حلو في الشغل ومطلوبين بره بكثره وخصوصا في الخليج فنون تطبيقيه وفنون جميله قسم عماره وكليه التخطيط العمراني حلوه جدا كانك خريج كليه هندسه قسم عماره وفي محاضرات بتتاخد في هندسه بس لازم تكون ممتحن قدرات عماره وتجيب فيها لائق بالاضافه الي المجموع
اما الفنيه العسكريه لازم تكون جايب فوق ال90% ومعاك واسطه اما لو جايب فوق ال95% بيتغاضوا عن الوساطه واللياقه البدنيه ولو ربنا كرمك وجبت فوق ال90% دور علي واسطه وعدي فنيه لانها هندسه وشرطه وبتبقي مهندس ظابط وبالنسبه اتجاره دي كليه الشعب ودي اخر حاجه تفكر فيها في هندسه حاسبات ومعلومات وبعدين علوم وفي هندسه زراعيه اسمع انها حلوه جدا وربنا يكرمك واباذن الله التنسيق هينزل وتعدي الكليه اللي نفسك فيه (واسال ورايا انا متاكد من كلامي بس طمأن نفسك)

احب اشكرك بشده

طيب فنون جميلة و تطبيقية

عرفت ان التطبيقية ليها امتحان قدرات

انما فنون جميلة هل ليها امتحان فى الجامعة بردك ؟ غير امتحان القدرات فى المدرسة

اصلى بصراحة محضرتهوش و جت امتحانات السنة ده لخبطت ليه التخطيط خاالص

و فنية عسكرية بردك مردتش على سؤالى ان بتكلم هل فى الطبى بتكشف نظر انا نظرى ضعيف

فلو اه اشيلها من حساباتى !!

[LA STELLA]

المشاركة الأصلية كتبت بواسطة Elmobd3

احب اشكرك بشده

طيب فنون جميلة و تطبيقية

عرفت ان التطبيقية ليها امتحان قدرات
سبق ووضحت لك اللى اعرفه ،، بس لو تعرف حاجة عن الكورس ياريت تبلغنى
انما فنون جميلة هل ليها امتحان فى الجامعة بردك ؟ غير امتحان القدرات فى المدرسة
هى تقريبا فنون جميلة لازم تعدى امتحان المدرسة بتاعها وامتحان الكلية كمان بس معرفش انا اوى عنها ،، تركيزى على تطبيقية مش جميلة
اصلى بصراحة محضرتهوش و جت امتحانات السنة ده لخبطت ليه التخطيط خاالص
انا بردو كدة
و فنية عسكرية بردك مردتش على سؤالى ان بتكلم هل فى الطبى بتكشف نظر انا نظرى ضعيف
مش عارفة بصراحة لانى بنت فمفيش تفكير اصلا فيها :D بس ابن زميلة لماما بتقول عدى فى جميع الاختبارات بس مقبلش عشان طلع الدغ فى حرف الراء
فلو اه اشيلها من حساباتى !!

اتمنى اكون افدتك ،، معلش دا على اد ما اقدر واللى اعرفه
كلنا محتاجين معلومات

[Last Fantasy]

أنا وأنا بقرا إتلخبط

[وفاء البحر]

انصحك بلاش علوم انا عمي كان كليه علوم قسم كيمياء وبنت عمتي هما اتخرجوا منها وعملوا دراسات عليا بس شافوا فيها الويل
فبلاش احسن علوم دي وع العموم استخير ربنا وان شاء الله ربنا يكتبلك اللي فيه الخير وبالنسبه للاسئله التانيه افضل تقعد مع مدرس العماره بتاعك في المدرسه وهو يفهمك
بالتوفيق ان شاء الله

[Travel]

السلام عليكم :
انت هتنفع تدخل كلية علوم قسم كيمياء او فيزياء
انا اخويا كان علمى رياضة ودخل قسم كيمياء
والحمد لله كان بيشكر فى القسم ده وبيقول عليه كويس جدا
وربنا يوفقك ويوفقنا

[Elmobd3]

شكرا لكم يا جماعة

Thxs so much

[3li]

يا رجاله كليه فنون تطبيقيه مفيهاش قسم عماره وده اولا وثانيا فى فنون جميله مفيش امتحان فى الكليه وكليه علوم رياضه فيها اقسام كتير احسنهم فيزياء اتصالات او كيمياء منفرد او جيو فيزيا بس خلاص دى احسن حاجه لا لسه فى علوم الحاسب