حرام عليكم والله ، والله العظيم كده حرام!!!

[أحمد2025]

السلام عليكم ورحمة الله وبركاته

طبعا ياجماعة كتير منا بيتابع الألعاب الأولمبية
وبيتابع اكيد الفرق المصرية
بصراحة ياجماعة
أنا تعبت بجد
ايه اللى بيحصل ده

لما نيجى نتكلم عن كرة اليد
امبارح كنا بنلعب مع كوريا كسبانين بفرق 4 والماتش يخلص خسرانين بفرق2
فية ايه ياجماعة ده تالت ماتش نتغلبه
بفرق جول ولا اتنين يجماعة احنا بقلنا اربع سنين على النظام ده
انا والله تعبت اربع سنين ياجماعة مش عارفين نحقق انجاز يعنى انا مش عارف العيب فى مين العيب فى اللعيبة ولا العيب فى المدرب ولا العيب فى الحكام
الحكام مثلا بيظلمونا 4 سنين
ايه اللى بيجره ده فى ايه ياجماعة
ليه احنا حظنا كده
احنا مش مصروف لينا نكسب انا مش عارف احنا بنلعب ليه كره يد وايه الفكره النادى وتررم وخناقات وحسن مصطفى رئيس الإتحاد
امبارح ياجماعة العيال بتعيط بعد الماتش
انا مش عارف فى ايه
انا زهقت والله
حرام بجد


لما نيجى بقى لكره الطائرة
انا مش عارف هى دى كمان فيها ايه
نلعب اربع متشات نتغلبهم كلهم
ونتيجة معروفة 3/0 كل الماتشات مغلوبين 3/0
اتعودنا خلاص على3/0
اللعيبة اتعودت خلاص بيتهيألى لو اتغلبنا 3/1 اللعيبة هتزعل
لا حول ولا قوة الا بالله


ولما نيجى بقى للالعاب الفردية
ولا انجاز لغاية دلوقتى غير برونزية الجودو للبطل هشام مصباح
انا مش عارف العيال خايفة ولا رايحين يتفسحوا
دى اثيوبيا جابت الذهب
والله العظيم حرام اللى بيحصل ده
لا ويكلموا رئيس البعثة
يقول ليهم لسه فيه أمل
ابقى سلملى على الأمل يا ابو أمل
ياجماعة انا بقيت اقول لنفسى انا بشجع مصر ليه
والله حرام الفلوس اللى اتصرفت دى عليهم
ما كنا نعمل بيها مشروع ولا حاجة

لا حول ولاقوة الا بالله
لا حول ولاقوة الا بالله
لا حول ولاقوة الا بالله

[Ringer]

ابتسم فأنت مصري هههههه

بص من الاخر أكيد مصر معمولها عمل من الدول التانية ( تشك في مين ؟؟ هههه )

والعمل مربوط في رجل صرصار من اللي بيطير و يفرقع كمان ههه

ادعي أن الصرصار يمووت لوحده أو حد يموته

افهموها انتوا بقي

[الضوء الشارد]

والله انا مش عارف احنا رحنا بكين ليه......... ولا تخيل شكل البعثة وهى راجعة .......... عار راجعين بمدالية واحدة ههههههههه