قالك

[دكتور عادل عيد]

قالك

قالك جايلك غاب ولاجاش
ليه تستنى ما تستناش
قالك راجع حالا راح
صبرك حبه الدنيا براح
قالك بكره حيبقوا ف جيبك
ليه صدقته ما العيب عيبك
قالك هما يومين وحخلص
طبعا كداب وبيتملص
قال راح انفذ ولا نفذش
اهدى شويه ما تتنرفزش
قالك ده الاصلى الالمانى
وتحله تلقاه تايوانى
قالك عيب...انت مخوننى؟؟؟
وهوه من السرقه مجننى!!!
قالك ابدا ده انت حبيبى
وهوه اساسا ايده فى جيبى
قاللك شغلى اساسه ضمير
وهوه مخنصر فى المواسير
قالك حطيت مكنه جديده
وهى قديمه ماتسوى حديده
قالك اه غيرت الزيت
وهوه سايبها لحد ما جيت
قال لو تعطل انا مسئول
ولهف الاجره وجرى على طول
قالك لازم اشيل الزايده
ودخل شالها من غير فايده
قالك ايوه ضرورى قضيه
ودخل فيها وجاب لى رزيه
قالك رن عليا قوام
وطفى التليفون ودخل نام
وليل ونهار بنقول فى كلام
يطلع كدب وفى الاوهام
ونرجع نسأل يه مأخرنا
وليه الناس مش بتقدرنا
دكتور
عادل عيد