نقطة فى السؤال الثالث تمنع الحصول على النهاية فى السؤال

[hemaz17]

فى حلك للسؤال الثالث ثانيا مسالة ايون الهيدروجين السؤال دة علية درجتان واذا حلة الطالب بالطريقة العادية فلن يحصل الا على درجة واحدة فيجب كتابة معادلة التاين ثم القانون ودول عليهم درجة . وللتاكيد راجع نموج اجابة امتحان 2014 دور اول السؤال الرابع ثانيا رقم 2 . مع تمنياتى بالتوفيق للجميع

[omar_silentlove]

طب انا كتبت القانون فى الاول والمعادلة فى الاخر والمسألة صح تمشى ؟؟

وفى التركيز مكتبتش نص قانون فعل الكتلة أنقص ؟؟

[hemaz17]

معلش يا جماعة دى اصلا كانت فى نموذج الاجابة للعام السابق للكن بعد الاطلاع على نموذج الاجابة لهذا العام وجدت انه كتب فى نهاية المسالة اذا كتبها الطالب على خطوة واحدة ياخذ الدرجة كاملة
اكرر اسفى

[hemaz17]

المشاركة الأصلية كتبت بواسطة omar_silentlove

طب انا كتبت القانون فى الاول والمعادلة فى الاخر والمسألة صح تمشى ؟؟

وفى التركيز مكتبتش نص قانون فعل الكتلة أنقص ؟؟

تمشى لا تقلق ان شاء الله تاخذ الدرجة كاملة

[المحلاو]

كويس ان انت رديت يا hemaz17 لانى كنت انا هارد وانت قلت اللى انا كنت هاقوله وكنت هازود شوية ..اقدم لك احترامى وتقديري لانك تأسفت........رمضان كريم

[ahmedemo11]

طب انا عملت اول واحدة فى المصطلح كمية الكهرباء تمشى ولا لا وهل حل اخر فى المصطلح بيتصحح وباخد الدرجة ولا لا

[أحمد سلاقوس]

سؤال . في سؤال التوصيل انا مكتبتش الجملة كاملة . لكن اخترت الرمز من كل عمود . هل كده هنقص . رجاء الرد

[محمدخالدفتحي]

المشاركة الأصلية كتبت بواسطة ahmedemo11

طب انا عملت اول واحدة فى المصطلح كمية الكهرباء تمشى ولا لا وهل حل اخر فى المصطلح بيتصحح وباخد الدرجة ولا لا

للأسف لن تأخذ الدرجة لأنه طلب الوحدة , فلو كنت كتبت كمية الكهربية بالكهربية كانت تمشي بإذن الله
ثانيا مفيش كلمة بتكتبها في كراسة الاجابة لا يتم تصحيحها
ثالثا مسموح بكتابة اجابات اخرى في اي سؤال ماعدا الاختيار من متعدد
لا تقلق بالتوفيق إن شاء الله لكل طلاب الثانوية العامة

[محمدخالدفتحي]

المشاركة الأصلية كتبت بواسطة أحمد سلاقوس

سؤال . في سؤال التوصيل انا مكتبتش الجملة كاملة . لكن اخترت الرمز من كل عمود . هل كده هنقص . رجاء الرد

لا تقلق إن شاء الله لو مختار صح هتعدي
ولكن كان يجب ان تكتب الجملة حرصا على راحة المصحح لكي يعطيك حقا كاملا وايضا حرصا على حق زملائك

[محمد حسين عباس]

لو انا كتبت في تجربة تنقية النحاس الرسم والخطوات وكل حاجة زي كتاب المدرسة لكن مكتبتش المعادلات مع انا شرحتها تفصيلا ولو انا كتبت في حالة الاس الهيدروجيني للماء يساوي 7 لان تركيز ايون الهيدروجين المسؤل عن الحامضية يساوي تركيز ايون الهيدروكسيل المسئول عن القاعدية يساوي 10 اس سالب 7 كده تمام ولا ايه

[lumos72]

طب يا استاذ انا كتبت كمية الكهربية بالكولوم ... صح ام خطأ ؟

[محمدخالدفتحي]

المشاركة الأصلية كتبت بواسطة محمد حسين عباس

لو انا كتبت في تجربة تنقية النحاس الرسم والخطوات وكل حاجة زي كتاب المدرسة لكن مكتبتش المعادلات مع انا شرحتها تفصيلا ولو انا كتبت في حالة الاس الهيدروجيني للماء يساوي 7 لان تركيز ايون الهيدروجين المسؤل عن الحامضية يساوي تركيز ايون الهيدروكسيل المسئول عن القاعدية يساوي 10 اس سالب 7 كده تمام ولا ايه

اولا : طلب منك كتابة تفاعلات الأكسدة والاختزال والمعادلات جزء من الشرح ولذلك فللأسف هتنقص نصف درجة فقط لا أكثر إن شاء الله
ثانيا : الاجابة تمام وكاملة ربنا يحميك ويبارك فيك ولو عندك اي مشكلة قوللي عليها
وبالتوفيق لجميع طلاب الثانوية العامة

[محمدخالدفتحي]

المشاركة الأصلية كتبت بواسطة lumos72

طب يا استاذ انا كتبت كمية الكهربية بالكولوم ... صح ام خطأ ؟

صح إن شاء الله وهتعدي
سأفهمك ليه
لأن السؤال بيقول وحدة التيار الكهربي بالأمبير x وحدة الزمن بالثانية
فتبقى الاجابة وحدة كمية الكهربية بالكولوم
لا تقلق يا ابني احنا يهمنا مصلحتكم واي حاجة بتكتبها حتي لو خطأ فنحن نراعي ذلك ( إلا في حالة واحدة أسئلة الاختيار من متعدد لا نعطيك الدرجة إلا إذا كانت صحيحة فلو كانت خطأ لا تأخذ أي درجات , هذه هي التعليمات )

[الملك اسللم كبو]

المشاركة الأصلية كتبت بواسطة محمدخالدفتحي

صح إن شاء الله وهتعدي
سأفهمك ليه
لأن السؤال بيقول وحدة التيار الكهربي بالأمبير x وحدة الزمن بالثانية
فتبقى الاجابة وحدة كمية الكهربية بالكولوم
لا تقلق يا ابني احنا يهمنا مصلحتكم واي حاجة بتكتبها حتي لو خطأ فنحن نراعي ذلك ( إلا في حالة واحدة أسئلة الاختيار من متعدد لا نعطيك الدرجة إلا إذا كانت صحيحة فلو كانت خطأ لا تأخذ أي درجات , هذه هي التعليمات )

والله شكرا جدا جدا يامستر
ريحتنى دنا كنت زعلان لحسن تتطلع كمية الكهربية بالكولوم غلط ويارب يسهل عليكو التصحيح فى هذا الشهر المبارك

[محمدخالدفتحي]

المشاركة الأصلية كتبت بواسطة الملك اسللم كبو

والله شكرا جدا جدا يامستر
ريحتنى دنا كنت زعلان لحسن تتطلع كمية الكهربية بالكولوم غلط ويارب يسهل عليكو التصحيح فى هذا الشهر المبارك

بارك الله فيك وجعلك من الاوائل والحاصلين على المراكز الأولى على مستوى الجمهورية
للعلم نتيجة الثانوية العامة 2015 من المؤكد ستظهر عقب عيد الفطر المبارك واحتمال بسيط اوي ان تظهر قبله