بخصوص قسم جرس الفسحة (مطلوب دخول الاداريين)

[dr.saeed]

السلام عليكم ورحمة الله وبركاته
اولا ازيكم يا جماعة عاملين ايه
دلوقتى كنت عاوز اسئل كدة
كلامى ان شاء الله على قسم جرس الفسحة
اولا
ليه موضوعات مثبتة اكتر من اللازم؟
بمعنى
دلوقتى فيه موضوع قوانين القسم
ودى من اولها

قوانين قسم جرس الفسحه


==================


1 – ألا يكون المزاح الا حقا


قال رسول الله صلى الله عليه و سلم "ويل للذي يحدث فيكذب ليضحك به القوم ويل له ويل له "


" ممنوع وضع النكت لان معظمها كذب منهى عنه وكذلك القصص الكاذبة والغير واقعية "
علماً بأن المواضيع لن تحذف بأثر رجعى





2 – عدم الاستهزاء بالدين او بالملائكة او الرسل
قال تعالى :"وَلَئِن سَأَلْتَهُمْ لَيَقُولُنَّ إِنَّمَا كُنَّا نَخُوضُ وَنَلْعَبُ قُلْ أَبِاللّهِ وَآيَاتِهِ وَرَسُولِهِ كُنتُمْ تَسْتَهْزِؤُونَ"

اوك كدة كويس
نيجى بقى لموضوع مثبت اخر
قبل ما تنشر اى موضوع ادخل هنا

بسم الله نبدأ
ما حكم النكت في الإسلام ؟


النكت و الطرائف جائزة بشروط :

· ألا يكون فيها استهزاء بدين الله ، ألا يكون بها استهزاء بالقدر و الأمور الغيبيه فمن ساق شيئا ً مثل ذلك كفر بالله وخرج عن مله الإسلام و هو لا يشعر . · الثاني : ألا تكون كذبا محضا ً .. لقوله – صلي الله عليه و سلم – " ويل للذي يُحدّث الناس فيكذب ، ويضحك به القوم ، ويل له ، ويل له " رواه الإمام احمد و ابو داوود و الترمذي . · ألا يكون يحمل استهزاء الي طائفه معينه ( يعني مثلا النكت علي الصعايده .. النكت علي الهنود و الحاجات دي وطبعا كتير ) لقوله تعالي " ) يَا أَيُّهَا الَّذِينَ آمَنُوا لَايَسْخَرْ قَومٌ مِّن قَوْمٍ عَسَى أَنيَكُونُوا خَيْرًا مِّنْهُمْ وَلا نِسَاء مِّن نِّسَاء عَسَى أَن يَكُنَّ خَيْرًامِّنْهُنَّ وَلا تَلْمِزُوا أَنفُسَكُمْ وَلا تَنَابَزُوا بِالأَلْقَابِ بِئْسَالاِسْمُ الْفُسُوقُ بَعْدَ الإِيمَانِ وَمَن لَّمْ يَتُبْ فَأُوْلَئِكَ هُمُالظَّالِمُونَ( صدق الله العظيم .. · ألا تطغي علي الحديث فتكوت كل همه جمعا و تحدثا و مجالسه فبعض الناس تسيطر عليه هذه الامور .. واحنا طبعا شايفين من النوع الهايف ده كتير .. بدل ما يقراله معلومه طريفه بتحصل في العالم حقيقي او حقيقة علميه مثلا يقعد يسمعلي في نكت ..
والله اعلم
في الاخر نشوف مثال للمزح اللي علي حق
جاءت إمرأة تسأل عن زوجها فقال لها الرسول " الرجل الذي في عينيه بياض "
ولما كان الرسول – صلي الله عليه و سلم - قاعد مع سيدنا علي بن ابي طالب و بيكالوا تمر فسيدنا علي كان ياكل التمر و يحط النوي قدام سيدنا محمد من غير ما ياخد باله .. بعد ما خلصوا فسيدنا علي بيقوله ببتسامه أأكلت كل هذا التمر يا رسول الله .. فقاله و انت تأكل التمر بنواه يا على . ههههههه
اللهم صلي علي سيدنا محمد و علي آل سيدنا محمد و علي صحبه و من اتبع هداه يارب العالمين

ليه مش يبقى الموضوعين مدموجين؟

دى كانت ملاحظتى الاولى

التانية

من قوانين القسم

7-ممنوع منعاً باتاً وضع العاب العد

فلما سألت المشرفين كان دة رد الاخت شيرين

عشان كان الاعضاء كل يوم ينزلوا موضوعين تلاتة عد
و بقى القسم كله عبارة عن العاب عد
و هى العاب مالهاش قيمة
مفيهاش فايدة بالمرة

سؤالى
هل موضوع جرس الفسحة فيه موضوعات مفيدة
مثال
فايدة ايه موضوع قول رايك فى توقيع الى قبلك
مع العلم انك كل شوية هاتيجى لنفس التوقيع
او ايه رايك فى العضو الى قبلك
ايه رايك فى الصورة الرمزية للى قبلك
تعرف ايه عن العضو الى قبلك
وبردة ايه رأيك فى اسم الى قبلك
او موضوع كان مثبت واتحذف
بس بردة موجود زيه
تعالوا نخلينا فى بيت واحد
تدخله
تلاقى عاوز انام
عاوز اذاكر
عاوز كباية شاى
فياريت اعرف ايه هى الموضوعات المفيدة الى اقدر احطها فى قسم جرس الفسحة عشان مش احط موضوعات العد
مع العلم انها موجودة فى جميع المنتديات


فى امان الله

[Travel]

انا دخلت رغم ان العنوان مش ليا

بالنسبة لالعاب العد:
تقريبا ملهاش لازمة
لان كان كل يوم
عضو يحط لعبة عد
والاعضاء تفضل موجودة فى اللعبة
يمكن متقمش تاكل حتى
علشان دورها
علشان الرقم يجى عليها

وبالتالى باقى الاقسام كانت مهملة جدا
رغم انها هى الافيد

يعنى اللى اقصده
ان الحكاية مش ناقصة العاب العد
كفاية الالعاب اللى عاملة جذب اوى
وملهاش فايدة

اما بالنسبة للنكت والحاجات دى
انا سالت فيها برده
النكت المبالغ فيها هى اللى تحذف

واكييد كل النكت او اغلبها بتبقى كده

[dr.saeed]

شكرا يا ترافيل على ردك
وعلى فكرة سواء وجودها او لا (العاب العد)
ففيه اعضاء كتير جدا لا تخرج من هذا القسم
وطالما الكل شايف ان اصلا جميع المواضيع مالهاش قيمةوانها بتجذب اكتر وكمان الباقى افيد
فيبقى ليه اصلا وجود القسم
لانى زى ما بقول
العاب العد وغيرها موجودة فى جميع المنتديات
بس انا عاوز اعرف ايه الحكمة فى وجود حوالى 10 موضوعات بنفس الكيفية
ومنع موضوعات اخرى



ولكن؟

اين رد المشرفين ؟!

والله انا قولت اكتر من مرة القسم ده يتحذف
بس محدش سمع كلامى انا ساعات بدخله فعلا ابص بصه
او ارد رد وبخرج يعنى مش زبون مستديم فيه
بس امبارح لقيت كمية السمن والسكر فيه بين الاعضاء
زادة بشكل غريب
هو القسم محتاج سياسة جديدة وقوانين صارمة فى التعامل بين اعضاء دخل الموضيع
مش واحد يدخل يقول لوحده
ياقلبى ياعمرى ياحته من ودانى
عالم بتستعبط
زى ما قولت القسم محتاج قوانين تظبط التعامل فيه بين الافراد
ولو انى لسه عند رأى القسم يتشال
والمشرفين بتوعه يطلعه معاش

[dr.saeed]

المشاركة الأصلية كتبت بواسطة _GUIDE_

والله انا قولت اكتر من مرة القسم ده يتحذف
بس محدش سمع كلامى انا ساعات بدخله فعلا ابص بصه
او ارد رد وبخرج يعنى مش زبون مستديم فيه
بس امبارح لقيت كمية السمن والسكر فيه بين الاعضاء
زادة بشكل غريب
هو القسم محتاج سياسة جديدة وقوانين صارمة فى التعامل بين اعضاء دخل الموضيع
مش واحد يدخل يقول لوحده
ياقلبى ياعمرى ياحته من ودانى
عالم بتستعبط
زى ما قولت القسم محتاج قوانين تظبط التعامل فيه بين الافراد
ولو انى لسه عند رأى القسم يتشال
والمشرفين بتوعه يطلعه معاش

والله يا اسلام ما عدت عارف اقول ايه
عندك مثلا قوانين القسم لا تسمن ولا تغنى من جوع
مثلا اخر القوانين ولا استاذ عصام ولا استاذ اشرف موافقين عليها
بس يالا الى عاوز يضيف مافيش مانع
على فكرة والله مثل هذة الاقسام بتعمل حاجات غريبة بين الاعضاء
ومش عاوز اتكلم فى الموضوع دة بالذات لانى والحمد لله جربته من قبل :D
اصلى استغربت من حاجة
الاخت شيرين قالت موضوعات العد ليس لها فائدة بالمرة
طب هاتولى حتى مواضيع المشرفين الى فيه
وقولولى ايه فايدته
ولو ان كل موضوعاته ما شاء الله
(اسطانبة واحدة)

مستنى رد مدير المنتدى

فى امان الله

[فراق]

المشاركة الأصلية كتبت بواسطة _GUIDE_

والله انا قولت اكتر من مرة القسم ده يتحذف
بس محدش سمع كلامى انا ساعات بدخله فعلا ابص بصه
او ارد رد وبخرج يعنى مش زبون مستديم فيه
بس امبارح لقيت كمية السمن والسكر فيه بين الاعضاء
زادة بشكل غريب
هو القسم محتاج سياسة جديدة وقوانين صارمة فى التعامل بين اعضاء دخل الموضيع
مش واحد يدخل يقول لوحده
ياقلبى ياعمرى ياحته من ودانى
عالم بتستعبط
زى ما قولت القسم محتاج قوانين تظبط التعامل فيه بين الافراد
ولو انى لسه عند رأى القسم يتشال
والمشرفين بتوعه يطلعه معاش

انا اؤيد الراى ده انا فعلا شاركت مرتينم تلاتة بسحسيت ان مفيش افادة ولا حاجة

[أسيل رزق]

أنا بصراحة مش موافقة على نظرية حذف القسم

لكن موافقة على حذف و منع الألعاب

وأولهم مواضيعى

::::::::::::

اللى فعلاً مبوظ المنتدى الألعاب عامتاً اللى فى القسم لكن القسم فيه مواضيع ظريفة كتير

و دى وجهة نظرى

[COoL HEaRT]

فى كتير مؤويدين لموضوع حذف المواضيع اللى من النوع ده بس هو مفيش حد بياخد خطوه ايجابيه ويشيله ليه انا تقريبا اول مره ادخل اشارك فى لعبه كده امبارح ..ماعلينا بس الصراحه بدل منعد نقول ونعيد الموضوع ده يخلص واعتقد ان المشرفين الاداريين هم اللى فى ايديهم الموضوع ده

اوك بلاش نحذفه
نقفل القسم وخلاص
اقسم بالله العظيم ان 100% من مواضيع القسم دى منقولة
ومفيش موضوع من ابتكار اى عضو
كل واحد يدخل على قهوة كتكوت
يسحب موضوع من هناك ويجى يرميه فى القمخروبة بتاعة جرس الفسحة
عمتا انا بجهز اقتراح هيرضى جميع الاعضاء وهيتعمل عليه تصويت

[dr.saeed]

ان شاء الله يا اخ اسلام الواجب المحتم علينا دلوقتى ان الكلام يوصل لبقية المشرفين الاداريين والمدريرن والاستاذ اشرف
حتى لا يكون هذا الموضوع مثل سابقه
نتكلم ثم يغلق
ثم يبقى الحال كماا هو عليه
فى امان الله

[dr.saeed]

عمتا انا بجهز اقتراح هيرضى جميع الاعضاء وهيتعمل عليه تصويت

كدة الكلام الصح
مستنينه يا اسلام بأذن الله
فى امان الله

[الاسطورة]

مستنيين اقتراحك يا اسلام ....

[فنكوشه المنكوشه]

انت حر ما لم تضر
انا عارفه انه قسم سخيف
بس كل واحد له عقليه
واحد بيحب القسم الادبي بيحب يقراء الشعر مثلا ويعد يرد ويحب في اللي كاتبين المواضيع
واحد بيحب البرامج عايش حياته كلها في تنزيل البرنامج دا وتحميل البرنامج دا
واحد بيدخل علي العام بيرد علي المواضيع
واحد بيرد وخلاص عشان يزود مشاركاته
واحد بيحب القسم الاسلامي يا اما بجد با اما عاوز يعمل فيها الواد او البت المتندينين
كل واحد داخل له هدف معين ومينفعش الاعضاء اللي داخلين كلهم ليهم هدف واحد
الحل فين بئا انك تسيب كل واحد براحته عاوزين يعملوا موضيع يعملوا عاوزين يهرجوا يهرجوا في جرس الفسحه والكلام اللي يقولواه يعيدوه عادي برضه كل واحد حر مادام محدش بيهين حد ولا بيجرح حد خلاص ودا دور مشرفين القسم مراقبه التهريج يمكن فيه ناس هتعتبر ان رائي سلبي بس اذا سبنا القسم سايح الناس هتعترض واذا قفلناه ناس كتير هتعترض وهتفضل مشكله فالاحسن كله يريح دماغه وخلاص

[عبقرينومان]

يا جماعة في سياسة لقسم جرس الفسحة بالذات وخطة هنعلنها للمشرفين على قسم جرس الفسحة بعد اجتماع القاهرة بأذن الله

وكمان الخطة اتكلمنا فيا انا واسلام والاستاذ عصام في اجتماع الفيوم

بس ما ينفعش نقولها الآن وهي هتكون مفيدة للجميع

بس سامحوني مش هينفع اقول عليها الآن لعدم اكتمال الفكرة بالشكل الكامل وهتكون جاهزة بعد اجتماع القاهرة بأذن الله وهترضي في المقام الأول التشريع الاسلامي وبعدها جميع اذواق الاعضاء والزوار

[الرهينه]

جرس الفسحه .. جرس الفسحه .. جرس الفسحه

والله قسم ولا ليه اى لزمه

وطلبوا قبل كده يتحذف وانا كنت مؤيده للقرار ده بس معظم الاعضاء اعترضوا وفى كتير منهم قال ان لو القسم اتقفل مش هيدخلوا تانى

ولما القسم ما اتحذفش قالوا يبقى نشيل العاب العد ودلوقتى بيعترضوا على ان العاب العد مش موجوده

وشويه يقولوا اه وشويه يقولوا لا

وكل واحد يدخل يتكلم سواء ليه او مالوش

بجد بقت حاجه تقرف

على العموم انا طلبت قبل كده انى اتشال من الاشراف عشان بجد قسم مالوش اى لزمه وجايبلى القرف كل شويه

وياريت بعد اذن الاداره طلبى يتنفذ