بالخطوات - كيفية قطع اجازة بدون مرتب ( لللإفادة)

[tahataha40]

منعا للاطالة :

أول شىء هتروح الادارة اللى فى جامعة الازهر - الحسين -
- الدور التالت - الاجازات - هتاخد منهم طلب وتختمه بختم النسر من الدور الثانى
- هتروح القطاع فى الحى السابع تاخد امضة وكيل القطاع والختم .
- تروح المشيخه جنب الجعفرية تاخد موافقة الامين العام ( بدون ختم )
- ترجع للادارة فى الاجازات تسلم الورقه وهيديك جواب تمضيه وتختمه وتروح بيه المنطقه بتاعتك تسلمه لموظف الاجازات .
- تلغى تصريح العمل بجواب من المنطقه لادارة التصاريح ( هيكلف حوالى سته جنيه )
- ترجع المنطقه تروح الاجازات هيديك جواب لقسم الملفات هياخد الطلب ويديك جواب للمعهد
- أهم حاجه تاريخ المباشرة والقيام بالعمل خللي بالك.
- تاخد مباشرة من المعهد وترجع المنطقه تروح المعاشات هيديك ورقه تروح بيها التامينات وتدفع يامعلم ( أنا دافع 3250 فى مدة سبع شهور وست ايام - الاساسي 250 )
- بتدى المباشرات ( أصول ) للمرتبات والعلاوات والتكافل
- فى بعض المشواير بس داخل المنطقه بس بتكون سهله .
- الف شكر لكل واحد ساعدنى لان انا من اسوان واتبهدلت ومش عاوز غيرى يتبهدل
دعواتكم