الاعتذار مرفوض يا تريكة

[الضوء الشارد]

!

نعم لا أقبل اعتذارك لأني أهلاوي ولأني لا أر منك شيئا يستحق الإعتذار.

أغضبتهم إشارتك التي رددت بها على السباب الجماعي لأن معناها "اسكتو"، فماذا تعني أهدافك التسعة في مرمى الزمالك إلا أن يسكتوا عن مهاجمة نادينا العظيم ويكتفوا بتشجيع لاعبيهم الذين يحتاجون إلى معجزة لضمان التأهل للمربع الذهبي الذي كنا أول من كتب اسمه فيه.

لماذا تعتذر؟ هل لأنك وضعت قدميك بين قدمي محمد أبو العلا في قلب منطقة جزاء الزمالك وكنت ستتسبب في احتساب ضربة جزاء تصيب هؤلاء الملائكة البيضاء مشجعي الأبيض بالحزن لولا عدالة الحكم الذي أغمض عينه عن اللعبة الواضحة كالشمس للحفاظ على المشاعر المرفهة التي هتكتها بإشاراتك الفظيعة.

لماذا تعتذر؟ هل كان المفترض أن تذهب إلى الجمهور المنافس بعد تسجيلك هدف في مرمى فريقهم وتنحني أمامهم طالبا منهم الصفح عن اغتيال فرحتهم.

لماذا تعتذر لجمهور طالما رقص على أهدافك التي سجلتها بقميص منتخب مصر وها هو الآن يسبك ويسب أهلك لسبب واحد .. أنك أهلاوي مخلص تبحث عن الفوز لناديك.

أنا أعرف لماذا اعتذرت، اعتذرت لأنك محمد أبو تريكة، لاعب قلما تجد مثله داخل الملعب، وقلما تصادف شخصيته خارج الملعب.

لكن سامحني يا تريكة، لن أقبل الاعتذار، فلا أنت أخطأت من وجهة نظري، ولا مطلوب منك "الطبطة" على أكتاف منافسيك بعدما تكويهم بأهدافهك

ولكل من رأى في إشارة أبو تريكة "عيبا" عليه أن يتحدث إلى لاعبيه أولا عن معنى العيب .. وعليه أن يعيد التفكير في لوائح العقوبات ليدرك ماهية عقوبة الإشارات البذيئة سواء بالأصابع أو بالأحذية، والسباب اللفظي الذي تترجمه حركة الشفاه، والضربات واللكمات في قلب الملعب .. وبعد ذلك يتكلم عما هو عيب.

ما أفهمه كمشجع أن العلاقة بيننا وبين منافسينا علاقة ندية مبنية على الاحترام المتبادل لكنها أبدا لن تكن علاقة حب وغرام .. لذا نعم فلتصمتوا ولن تسمع إن شاء الله إلا سيمفونيات النصر الأحمر.

هل ترى أن تريكة فعل ما يستحق الاعتذار؟

[mostafa1991]

انا معاك 100فى100هما مصدقوا مش لاقينلو غلطة عايزين يغلطوة وخلاص\

[Dr.Nobel]

لا اله الا الله

خلاص ياجماعة ابو تريكة لا هو اول ولا اخر لاعب بيتشتم يعني

انتو مكبرين الموضوع اوى

وبعدين المقال بيقول ابو تريكة فرح جماهير الزملكاوية لما كان بيجيب اجوان بقميص المنتخب

مش ينفع الكلام ده

متهيالي ابو تريكة بيجتهد ويلعب بروح عالية عشان مصرعشان ربنا امره بكده وبس

وبعدين انا شايف ابو تريكة بيعتذر عن جماهير الاهلي مش عن نفسه لان جماهير الاهلي هي

السبب في شتيمة ابو تريكة

لان جمهور الاهلي شتم جمال حمزة في اول الماتش وكله عارف كده وطبعا جمهو الزمالك بيتعصب

بسرعة فبدأو كمان يشتمو النجم بتاعكو ومين عندكو احسن من ابو تريكة؟؟؟؟؟؟؟؟؟؟؟

[Bent 3bdo]

لا معلش ابو تريكه غلط

[withoutname2100]

حضرتك جبت المفيد..وان اعتذار ابو تريكه بيدل علي شئ فهو بيدل علي كرم اخلاقه

[ملكة العرب]

انا في الاول ياضوء كنت دخله متنرفزه بس بعد ما قريت الموضوع فانا بقول ليك عندك حق

[Dr.mayson]

ايييييييييييييييييييوة حلو اوى كده خلى الاهلوية يكتبوا الموضوع ويردوا مع بعض وطبيعى ان الاهلوية يرفضوا اعتذار الاهلى ماهو ده بيدل على كرم اخلاقهم .............. وحكم
حركة ابو تريكة استفذت كل جماهير الزمالك مش بس اللى فى الاستاد وحكاية انوا اتعصب بقى هو متعصب وجماهير الزمالك ولاعيبة الزمالك والظروف اللى فيها النادى اعصابو هادية يا سبحان الله
وحكاية ان حركة ابو تريكة معناها اسكتوا مين قال كده دى مش معناها اسكتوا دى معناها مش عايز اسمع صوتك وتحدى صريح منوا انو مش عايز يسمع اى صوت للجمهور تحدى صريح للجمهور

لو انتو شايفين ان ابو تريكة مفروض مكنش يعتذر اوووووووووووووووك ممكن اكون معاكم بس بعد كده لا تقولوا متدين ولا خلوق ولا محترم ولا قدوة ولا الكلام الكبير ده
لان القدوة الكبير يتتبعها مسؤلية كبيرة وخلصت

[withoutname2100]

يا دكتر ميسون حضرتك بترجمي الحركه علي اساس ايه؟؟ هقل لحضرتك علي حاجه دلوقتي لو سين شتم صاد بدون سبب اكيد صاد دا ابسط واهذب طريقه يرد عليه ان يطلب منه ان بطل شتايم..فدا رد فعل طبيعي جدا ولو بتقولي ان الحركه نرفزت جمهور الزمالك ابو تريكه عمل الحركه للناس اللي كانوا فالاستاد وبيشتموا فياريت منعممش اكيد مش كل الجمهور كان هناك فابو تريكه اتشتم ورد علي جمهور الزماك بهدفه وقلهم يبطلوا شتايم مش يقصد انه مش عايز يسمع صوتهم لان الطبيعي انهم يشجعوا فرتهم هو يقصد يبطلوا شتايم وسب..ولو حضرتك متابعه كوره هتشوفي ان معظم لاعيبه العالم بيعملوا الحركه دي عادي جدا..لكن مش عشان حركه صغيره نقول دا مش قدوه ولادا متعصب..كفايه انه اعتذر..ودي معملهاش لاعب قبله ..وعلي فكره جمهور الزمالك او بالصراحه بعضهم لو هادي حضرتك مكنش شتم وطبيعي انهم يكونوا قلقين لانهم علي شفا حفره اما االاهلي كان بيلعب براحته لاننا متصدرين كدا كدا..وحضرتك تصريحات ابو تريكه سمعتيها فين او قراتيها فين؟؟؟وعالعموم اختلاف الراي لا يفسد للود قضيه..

[EnG.BeLaL]

يا جماعة ابو تريكة بيعتذر عشان هو محترم حس انه غلط في حق جمهور الزمالك مع إنه معملش حاجة غلط

ابو تريكة نفسه نسى الموضوع
مغلق تجنبا للمشاكل

[الاسطورة]

المشاركة الأصلية كتبت بواسطة _guide_

ابو تريكة نفسه نسى الموضوع

مغلق تجنبا للمشاكل

ههههههههههههه
تصور والله فعلآ