المدرسين بيتدلعوا....

[أميرة الورود]

بسم الله الرحمن الرحيم

اسفة على العنوان المستفز بس عاوزة اعرف كل اراء المدرسين الأفاضل اللي منورينا في المنتدى
أساسا أنا داخلة أولى طب عين شمس وكنت السنة اللي فاتت أكيد في 3 ثانوي
و كنت جايبة 99.6% و بعترف اني مستفتدتش اي حاجة من مدة دراسة 12 سنة في المدارس المصرية الا اقل القليل
بس أنا مش عارفة المدرسين متضايقين ليه؟ هي الامتحانات إهانه؟؟!!!
ده معناه اننا من 12 سنة بنتهان في المدارس
مش عيب ان حضراتكم تمتحنوا
وايه التدريب او التمهيد اللي المدرسين عاوزينه؟
هو هم بيتدربوا قبل ميشرحوا؟؟
محدش ينكر ان الثقافة العامة لمدرسين مصر أو لاغلب المدرسين منخفضة
التخصص قتلهم انا مدرس العربي بتاعي كان عبقري عربي مفيش جملة بيكتبها غلط وميعرفش اي حاجة عن الفيزيا و الانجليزي و مدرس الفيزيا اللي ممكن يتقال علية عالم فيزياء كل الجمل العربي محتاجة مدقق لغوي حتى بعض الحروف بتقع في النص
ليه ميكنش المد\رس شامل صحيح متخصص في فرع هو جامد جدا فية و في نفس الوقت ملم بالعلوم والمواد الأخرى لم أقابل هذا المدرس طول ال 12 سنة غير مدرس الاحياء الله يكرمه بجد
ده غير ان كتير من المدرسين مش نافعين في تخصصهم أصلا
في ناس كويسة جدا ودي مش هيضرها الامتحان لانهم مثقفين أصلا
آسفة بس اللي هيزعل من الامتحانات هو اللي خايف ميعديش
من سنين والمدرسين بيتهموا من لا يتجاوز امتحان بانه فاشل
الان أنتم من يمتحن و يجب ان تعلموا ان من لايتجاوز الامتحان ليس فاشل لهذه الدرجة
بغض النظر عن فاعلية هذه الامتحانات لكني اعترف أن التعليم في مصر فااااشل
و ان هناك العديد من المدرسين الذين لا يصلحون الا للجلوس على القهوة
و في ايضا مدرسين يستحقون أن نرفع لهم القبعة و ننحني لهم احتراما و فعلا مكانهم مش هنا
لذلك يجب التفرقة بين النوعين لكي لا يضيع حق العظماء
و أتمنى ان ارى ردا من كل المدرسين هل هم موافقون أم رافضون؟و لماذ؟

[محمد وادنجي]

حرام عليكي ضيعتي الدنيا بكره تكبري وتفهمي

[abo samaa]

ياطالبة اعداد الطباذا قصر الطبيب فى عمله فالضحية فرد واحد اما اذا قصر المدرس فى عمله فالضحية مجتمع بأكملهوعلى الله تفهمى!!!!!!!!!

[awawa1234]

روحي نامي يابنتي وشدي اللحاف عليكي كويس السهر مش حلو علشانك

[manar aly]

السلام عليكم لأهل المنتدى الأفاضل لقد ساءنى كثيرا رد المدعو عزمى سامحه الله ولا أستطيع أن أتخيل للحظة أنه ينتمى إلى فئة المعلم بأى صورة من الصور

[khaled_ibrahim]

ده سلوك موش حضارى يا استاذ
فى حرية راى وكل واحد يقول الى هو عاوزه و نتناقش بهدوء

[محمد البياع]

بصراحة مش وقت فلسفةالناس مش ناقصة ياريت اللى عندة او اللى عندها كلمة حلوة تقولها ماعندهاش تتفرج على خيبتنا وتسكت ربنا ينتقم من السبب الاساسى فى اللى خلى كل من هب ودب يهين فينا

[abo samaa]

ياطالبة اعداد الطب اذا قصر الطبيب فى عمله فالضحية فرد واحد اما اذا قصر المدرس فى عمله فالضحية مجتمع بأكمله وعلى الله تفهمى!!!!!!!!!
وعلى الله تفهمى!!!!!!!!!

وعلى الله تفهمى!!!!!!!!!

[السمراء]

احم احم....................انا برده طب بيطرى بعد اذن حضرتك...................ووالدى مدرس رياضيات حضرتك تعرفى الامتحان فيه ايه...............مفيش مشكلة قوليلى مدرس رياضيات درس لغة عربية من 30 سنة هيفتكر ايه وهم بيحاسبوا على الهمزات.........يعنى مثلا اد هتفرق ايه عن أد

[middle_march]

وزيرنا حبيبنا بيدلعنا
وان مكنش وزيرنا يدلعنا مين هايدلعنا
يا مدلعنا يا وزيرنا

[محمد عبد العال السيد]

المشاركة الأصلية كتبت بواسطة عزمى محمد

انت مالك بالمنتدى يا حيوانه

[see_mido]

انا معاكي في كل كلمة قلتيها "مع العلم اني مدرس ايضا" ولا اعترض علي شيء اطلاقا سوي ان الوزارة جهزت لنا امتحان بصورة غير منصفه فكليات مصر متباينه والدارسين فيها لا يدسوا كتب موحده فكيف تختبرنا كلنا اختبار موحد

واعتراضي الثاني هو اهانتنا فمجرد اجبار المدرس علي شئ هو يري انه خاطيء فهو في حد ذاته مهزلة

هذا ادي الي اهدار كرامة المدرس للدرجة اللي تخلي واحده زيك بشخه بتتكلم من غير ماتعرف ايه هي ابعاد المشكله

سؤال: هو انتي مدرسه ؟ الاجابه لأ




خلاص اخرسي!!!!!!!!!

[محمد عبد العال السيد]

ده سلوك موش حضارى يا استاذ

[omry3]

الى طبيبة المستقبل...........اللى بفضل مدرسنها الكرام و مواظبتها على الدراسة هتكون طبيبة لكن مش معنى ده ان ينطبق عليكى قول الشاعر علمتة الرماية و أول من رمى رمانى ......... الخ طبعا حدوتة الكادر انت مش فهماها اصلا لأن زعل مرسينك الكرام ليس من الامتحان فى حد ذاتة فالمدرس يمتحن يوميا من قبل الطالب الناظر المدير و بينجح ولا تهتز صورتة ثم لماذا لم تذكرى ان الاطباء اخدو الكادر من غير امتحان والعمال و غيرهم و لكن زعل المدرسين من حجات كتيرمنها ربط الكادر بدخول الامتحان و النجاح فية وبعدين انتى عايزة مدرس شامل معنى كدة ان انت بردة تبقى دكتورة بشر و بقر فى نفس الوقت مش كدة بردو اللى انت متعرفهوش ان كلما زاد التخصصتحديدا كلما زاد التفوق و الجادة يعى ياحببتى المدرسين مش زعلانين من الامتحان فى حد زاتة

[مستر// فيكتور بخيت]

ابنتى العزيزة

بعد ان تتخرجى ان شاء الله وتصبحى طبيبة اطفال او جراحة مخ واعصاب اعتقد انه من غير اللائق ان تختبرك وزارة الصحة فى

الهندسة المدنية مثلا او تكنولوجيا الدفع النفاث لانه بعيد عن تخصصك

موضوعك فكرته مقبولة وتنفيذه منك جانبه الصواب المتمثل فى نقدك لاستاذتك الذين ساعدوك الى الوصول الى كلية الطب بالاضافة

الى الكثير من الاخطاء اللغوية

بالتوفيق