|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
20-10-2006, 09:47 PM
|
||||
|
||||
<div align="center">
خرج ابن آدم من العدم قلت : ياه رجع ابن آدم للعدم قلت : ياه تراب بيحيا ... وحي بيصير تراب الأصل هو الموت و الا الحياه ؟ عجبي !!! أنا شاب لكن عمري ألف عام وحيد لكن بين ضلوعي زحام خايف و لكن خوفي مني أنا أخرس و لكن قلبي مليان كلام عجبي !!!! ليه يا حبيبتي ما بيننا دايما سفر ده البعد ذنب كبير لا يغتفر ليه يا حبيبتي ما بيننا دايما بحور أعدي بحر ألاقي غيره اتحفر عجبي !!! ورا كل شباك ألف عين مفتوحين و انا وانتي ماشيين يا غرامي الحزين لو التصقنا نموت بضربة حجر و لو افترقنا نموت متحسرين عجبي !!! أعرف عيون هي الجمال و الحسن و اعرف عيون تاخد القلوب بالحضن و عيون مخيفة و قاسية وعيون كتير وباحس فيهم كلهم بالحزن عجبي !! جالك أوان ووقفت موقف وجـــود يا تجود بده يا قلبي يا بده تجــــود ما حد يقدر يبقي علي كل شـــــــئ مع إن – عجبي – كل شئ موجود عجبي !!! أنا كنت شئ و صبحت شئ ثم شــئ شوف ربنا .. قادرعلي كل شـــــــئ هز الشجر شواشيه ووشوشني قال : لابد ما يموت شئ عشان يحيا شئ عجبي !! دخل الشتا وقفل البيبان ع البـــيوت وجعل شعاع الشمس خيط عنكبوت وحاجات كتير بتموت في ليل الشــتا لكن حاجات أكتر بترفض تمــــــوت عجبي !! سمعت نقطة ميه جوه المحيـــــــط بتقول لنقطه ما تنزليش في الغويط أخاف عليكي م الغرق .. قلـــــت أنا ده اللي يخاف م الوعد يبقي عبيط عجبي !!! حاسب من الاحزان وحاسب لها حاسب على رقابيك من حبلها راح تنتهى ولا بد راح تنتهى مش انتهت احزان من قبلها عجبى يأسك وصبرك بين ايديك وانت حر ايأس ما تيأس الحياة راح تمر انا دقت من ده ومن ده عجبى لقيت الصبر مر وبرضك اليأس مر عجبى يا طير يا عالى فى السما طظ فيك متفتكرش ربنا مصطفيك برضك بتاكل دود وللطين تعود تمص فيه يا حلو ويمص فيك أنا كان لى أب وكان رئيس محكمة ستين سنة فى قضية واحدة ارتمى بعد المداولة كشفت وجهه قريت حلوة الحياة ومضحكة ومجرمة عجبى إيش تطلبى يا نفسى فوق كل ده حظك بيضحك وانتى متنكدة ردت قالتلى النفس قول للبشر ما يبصوليش بعيون حزينة كده عجبى يا خالق الكون بالحساب والجبر وخالقنى ماشى بالاختيار والجبر كل اللى حيلتى زمزمية أمل هتكفى ايه دى غير لحد القبر ضريح رخام فيها السعيد اندفن وحفرة فيها الشريد من غير كفن مريت عليهم قلت يا للعجب لاتنين ريحتهم ليها نفس العفن عجبى عيد عيد والعيال اتنططو ع القبور لعبو استغماية ولعبو بابور وبالونات ونايلونات شفتشى ولا تختشى يا موت قصاد الحضور!!!!!! عجبى يا ملونين البيض فى شم النسيم لون الحنين والبين وخمر النديم ما تعرفوش سايق عليكو والنبى تلونو الأيام بلون النعيم عجبى غمض عينيك وارقص بخفة ودلع الدنيا هى الشابة وانت الجدع تشوف رشاقة خطوتك تعبدك لكن انت لو بصيت لرجليك تقع عجبى ولدى اليك بدل البالون 100 بالون انفخ وطرقع فيه على كل لون عساك تشوف بعنيك مصير الرجال المنفوخين فى الصدرة والبنطلون عجبى لا تجبر الانسان ولا تخيره يكفيه ما فيه من عقل بيحيره اللى انهارده يطلبه ويرضاه هو اللى بكرا حيشتهى يغيره عجبى رقبة قزازة و فيها قلبي انحشر شربت كاس و اتنين و رابع عشر صادفت ناس من الخمرة ترجع وحوش و ناس من الخمرة ترجع بشر يا باب يا مقفول امتي الدخول؟؟؟ صبرت كتير و الي يصبر من الي يصبر ينول دقيت علي الابواب قالوا مين؟؟؟ لو اعرف مين انا مش كنت اقول ولدي نصحتك لما صوتي اتنبح ما تخافش من جنية ولا من شبح و ان هب فيك شبح قتيل اسألة ما دافعش لية عن نفسة يوم ما اندبح أيوب رماه البين بكل العلل سبع سنين مرضان وعنده شلل الصبر طيب صبر ايوب شفاه بس الأكاده مات بفعل الملل لو فيه سلام فى الأرض وطمان وأمن لو كان مفيش ولا فقر ولا خوف وجبن لو يملك الإنسان مصير كل شىء أنا كنت أجيب للدنيا ميت ألف ابن يومى على الله تنتهى وتغيب الشمس وتعود تانى يوم لهاليب زى الحياة مأساة ومن كترها بقى لا انتهائها ولا ابتدائها عجيب</div> منقول طبعا وبليز اللى يعرف قصه ( عجبى ) يلحقنى بيها لانى مستغربه ليها
__________________
*الإنسان حين التغيير يصبح هو قطعة الرخام وفي نفس الوقت هو النحات فحتما سيتبع هذا التغيير ألم .... ولكن في النهاية تبرز ملامح الانسان الصالح الجديد بكل روعه وجمال .
|
|
#3
23-10-2006, 07:02 PM
|
||||
|
||||
شكرا لمرورك يا ميدو
وصلاح جاهين غنى عن التعريف طبعا وكل سنه وانت طيب
__________________
*الإنسان حين التغيير يصبح هو قطعة الرخام وفي نفس الوقت هو النحات فحتما سيتبع هذا التغيير ألم .... ولكن في النهاية تبرز ملامح الانسان الصالح الجديد بكل روعه وجمال .
|
|
#4
23-10-2006, 07:25 PM
|
|||
|
|||
|
شكرا ليكي يا هند بجد رباعيات جامدة قوي بس المفروض تبأي في الشعر والخواطر
المهم دي أكتر واحدة بجد عجبتني مع انهم كلهم جمال جدا يا خالق الكون بالحساب والجبر وخالقنى ماشى بالاختيار والجبر كل اللى حيلتى زمزمية أمل هتكفى ايه دى غير لحد القبر |
|
#5
23-10-2006, 07:31 PM
|
||||
|
||||
|
شكرا لمرورك يا محمد
وقصاصه جميله واحسنت اختيارها 
__________________
*الإنسان حين التغيير يصبح هو قطعة الرخام وفي نفس الوقت هو النحات فحتما سيتبع هذا التغيير ألم .... ولكن في النهاية تبرز ملامح الانسان الصالح الجديد بكل روعه وجمال .
|
|
#6
24-10-2006, 01:59 PM
|
|||
|
|||
|
الله عليكي يا هند يا حبيبتي
ميرسي يا هند على الموضوع الهايل ده انا بجد بموت في صلاح جاهين
__________________
 شهد شاهدا مشهودا فشوهد و هو يشهد فأذا هو بشهد حد فاهم حاجه ..؟؟ انا مليش دعوه ..!! |
|
#7
25-10-2006, 11:06 PM
|
||||
|
||||
|
ميرسى لاحلى مرور يا جميله
__________________
*الإنسان حين التغيير يصبح هو قطعة الرخام وفي نفس الوقت هو النحات فحتما سيتبع هذا التغيير ألم .... ولكن في النهاية تبرز ملامح الانسان الصالح الجديد بكل روعه وجمال .
|
</div>
|
#9
08-11-2007, 12:30 AM
|
||||
|
||||
السلام عليكم
بجد انت رائعة شكرا جدا على الرباعيات دة والاستاذ الكبير صلاح جاهين كل رباعياتة رائعة جدااااااا واخير شكرا
__________________
 علمتنى الحياة إن اصعب أنواع البكاء هو الضحك وقت المحنة
|
|
#10
08-11-2007, 10:25 PM
|
||||
|
||||
|
يااااااااااااااااااااااه
ايمن فيرس فى المنتدى اخيرا؟ وشكرا للمرور مع ان الموضوع ده من زمان سحيق
__________________
*الإنسان حين التغيير يصبح هو قطعة الرخام وفي نفس الوقت هو النحات فحتما سيتبع هذا التغيير ألم .... ولكن في النهاية تبرز ملامح الانسان الصالح الجديد بكل روعه وجمال .
|
|
#11
27-02-2008, 09:47 PM
|
||||
|
||||
|
ههههههههههههههههههه زمن سحيق على العموم الف شكر انا بجد بحب صلاح جاهين جدا
__________________
علمتنى الحياة إن اصعب أنواع البكاء هو الضحك وقت المحنة
|
|
#12
23-04-2008, 06:33 PM
|
||||
|
||||
|
شكرا جدا.. رائع عمنا جاهين
__________________
 جايلك يا امريكا |
|
#13
24-04-2008, 12:06 PM
|
|||
|
|||
|
شكراااااااا
|
|
#14
09-08-2008, 08:34 PM
|
||||
|
||||
|
لا تجبر الانسان ولا تخيره
يكفيه ما فيه من عقل بيحيره اللى انهارده يطلبه ويرضاه هو اللى بكرا حيشتهى يغيره عجبى انتى اللى محيرنى ياعم جاهين واشكرك على الرباعيات الجميلة دى |
|
#15
23-03-2010, 03:54 PM
|
||||
|
||||
|
موضوع مكرر
__________________
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 05:22 PM.
