|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
13-03-2016, 02:01 AM
|
|||
|
|||
ساعدووووني- شكوى طالبة ثانوية عامة
[بسم الله الرحمن الرحيم ]
انا في 3 ثانوي ادبي .. نفسي اجيب اي رقم فالتسعينات .. انا دايما بجيب في اواخر السبعينات او اول التمانينات .. ده اول يوم ليا هنا اصلا .. و دخلت عشان تساعدوني .. ناقص بس 84 يوم.. كنت بذاكر في الاول .. و دلوقتي مش اوي يعني .. نفسي من جوايا اذاكرعشان بابا و ماما الي تعبو معايا .. بس مش قادرة .. حاسة اني خلاص مافيش جوايا طاقه نهائي للمذاكرة .. لدجه اني خلاص عايزة امتحن واخلص و زي ماتيجي تيجي مع اني مش مستعدة .. بس السنة دي بذاكر عن السنين الي فاتو عشان اصلا ماكنتش بذاكر قبل كده .. هدفي اجيب مجموع و اشرفهم .. بس بجد تعبت .. كل ما بنبقا متحميس المدرسين بيحبطونا .. غير ان وقتي بقا مزحوووووووم اوييييييييييي.. مش ملاحقه اعمل حاجه .. انا كل مشكلتي اني عايزة اذاكر بس خلاص مش قادرة جبت اخري .. فا please ماتتأخروش عليا فالرد و ياريت حد يقولي احفظ بسرعة ازاي عشان مباقتش بحفظ بجد و باخد وقت و بزهق .. اصبر نفسي ازاي لحد النتيجة.. انا حتى ناسيه ان في حياة بعد ثانوية .. موقفه حياتي كلها عليها .. خصوصا اني وحيدة بابا و ماما بجد ساعدوني معنديش حد غيركو 
|
|
#2
13-03-2016, 12:42 PM
|
||||
|
||||
اهلا وسهلا بك رانا
ان شاء الله موفقة وباعلى الدرجات بصى يا قمر انتى موترة نفسك جدا وده مش كويس عشانك انتى قلتى انك بتذاكرى وملتزمة من اول السنة طيب انتى خوفك عشان تفرحى بابا وماما انتى كده حتتوترى اكتر اسمعينى يارنا اهم حاجة فى الفترة الجاية وانتى حاسباها بالايام هو التخطيط الصح لوقتك وتسيبيها على الله انتى حتعملى كراسة صغيرة حاليا حتسميها التخطيط او ادارة وقتى او تسميها انا رنا من باب المرح مع نفسك حتقسمى الكراسة نصفين الاول ابدأى بعمل خطة طويلة حتى موعد المتحانات وفيها جدولى كل مراجعاتك بالايام وبالفصول حسب كل مادة حتى لو حتقسمى كل مادة فى صفحة لوحدها ((المادة - الايام اللى حتراجعيها فيها - تقسيم الفصول حسب ما خلصتى)) واعملى حسابك وانتى بتقسمى تراعى الاتى وقت دروسك - وقت ترفيهك (لا تهملية )حطى كل اللى بتحبى تعملية بالاصول يعنى وقت محدد مش مفتوح ده بالنسبة للخطة الطويلة لحد الامتحانت وارجعى اعملى كل اسبوع خطة يومية لمذاكرتك فى كل ايام الاسبوع بالوقت والساعة من غير وقت دروسك العبرة مش بعدد ساعات مذاكرتك - انما بتركيزك فى المذاكرة وتحصيلك للمادة الخطط اللى بتعمليها دى حتريحك نفسيا لانك بترمى حملك على الكراسة دى ياقمر التخطيط اهم شىء واتباع الخطط مهم جدا - لذلك كونى مرنة وانتى تضعى الخطة لا تحملى نفسك اكثر من طاقتك حتى تستطيعى التنفيذ اما الجزء الثانى من الكراسة اجعليها لمصارحة نفسك- يعنى استخدميها للفضفضة وحاسبى نفسك يوميا - هل حققتى ما خططتيه كما يمكنك التعود فيها على عمل خطط لكل جوانب حياتك خارج المذاكرة جربى ياقمر وقولى لى النتيجة لا تخافى ولا تتوترى ورددى دائما لنفسك انك قادرة على انجاز التخطيط اللى وضعتية وانها مجرد سنة دراسية تحتاج فقط التركيز واجادة العمل ماتخافيش - ماتخافيش - ماتخافيش ثقى بنفسك وحققى ماخططتيه واتركى الباقى على الله فلن يضيع تعبك وتحت امرك ياجميلة فى اى شىء تحتاجيه من دعم معنوى ونفسى وفقك الله وحماك انتى وكل ابنائنا
__________________
|
|
#3
13-03-2016, 12:44 PM
|
||||
|
||||
|
يتم النقل لقسم اجتماعيات طالب بواسطتى
__________________
|
|
#4
13-03-2016, 07:08 PM
|
|||
|
|||
|
جزاكي الله خيرا علي هذة النصائح القيمة
__________________
Minds, like parachutes, only work when opened
|
|
| العلامات المرجعية |
| الكلمات الدلالية (Tags) |
| #ثانوية_عامة 2016 |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:43 PM.
