ما بين الجهاد والارهاب؟؟؟؟

[withoutname2100]

السلام عليكم ورحمه الله وبركاته ,,ازيكم يا جماعه يارب تكونوا كلكم بخير وكل سنه وانتم طيبين ورمضان مبارك اكيد كلنا عارفين ان في فرق كبير جدا بين الجهاد والارهاب...اكيد الجهاد فريضه واللي يموت شهيد بيدخل الجنه..ومعروف ان الاديان كلها رافضهالارهاب..من هنا جه الفرق الكبير بينهم..بس المشكله دلوقتي ان حصل لبس بين المعنين وبقينا نقول عالجهاد ارهاب والارهاب جهاد..يعني لو فدائي ففلسطين او اي مكان بيدافع عن ارضع وعرضه يقولوا عليه ارهابي..ولو واحد بيستتر ورا الدين عشان يحقق اغراضه السياسيه بيقولوا عليه ارهابي..كلنا طبعا عارفين اسامه بن لادن ونوارده{دا رأي}مع امريكا..فهل يا تري اسامه بن لادن ضمن صفوف المجاهدين في سبيل الله ولو مات وهو بيادي عمليه من عملياته يدخل الجنه مع الشهداء..ولا نظام الرعب اللي بيستعمله دا يخليه ضمن صفوف الارهاب؟؟؟اكيد كلنا بنكره امريكا وكمان حبيبتها اسرائيل ورافضين سياستهم مع العرب والدول الناميه من احتكار وتحكم وهيمنه الخ..بس هل الرعب والارهاب هما دول الطرق اللي هترجع للمسلمين مكانتهم ..وهتوقف امريكا عند حدها..وهل دي تعاليم ربنا ورسولنا الكريم صلي الله عليه وسلم..هل رسولنا قلنا اننا نقتل ابرياء من الاطفال والنساء والشيوخ..اكيد لا..ازاي ورسولنا الكريم نهي عن كدا وحذر الصحابه حتي من اقتلاع الاشجار والنخيل..في كتير من الناس بيايدوا اسامه بن لادن وبيعتبروه مجاهد يجب ان ترفع له القبعه..وهما مفكروش ابدا ان عمليات اسامه بن لادن دي اغلب ضحاياها مواطنين ابرياء ولا ليهم دعوه بسياسه ولا حكومه بالعكس ممكن يكونوا ضد حكومتهم..ومفكروش ابدا ان عمليات اسامه بن لادن دي ممكن يكون ليها اثر سلبي علينا ..كفايه ان عامل رئيسي في تشويه صوره الاسلام..وربط فكره الاسلام بالارهاب..بدل مايتربط فكره الاسلام بالتسامح..اسامه بن لادن دا لو فكر مره واحده انه يستثمر الملاين اللي بيصرفها علي الدمار الاسلحه..كان بعت مساعدات للعراق ولا لفلسطين ساعدهم في بناء دولتهم من جديد..هتقولوا امريكا واسرائيل هتقف ضده..طيب ما العالم واقف كله ضده دلوقتي..طيب كان فتح مجمعات للابحاث فمصر ولا في اي بلد عربي..كان قدر شببنا يخترع دوا يعالج مرض بدل ما يتعلم ازاي يشتال سلاح..كان شببنا ازاياتعلم يستصلح الصحرا وازاي نحقق اكتفاء ذاتي بدل ما رقبتنا تحت ايد امريكا..عالعموم انا خصيت كلامي للحديث عن اسامه بن لادن بس انا استخدمته كرمز للارهاب عامه وكافه طوائفه وجماعاته{ربنا يستر عليا وميغتالنيش}بجد نفسي كلنا نرفض الارهاب..ونسيب فكره الانتقام..لان اللي هنعمله فامريكا هيتردلنا ميه..لكن بالعلم وواننا كعرب نبقي كلنا ايد واحده نقدر ننشر تعاليمنا ونحسن صورتنا ونثبت للعالم اننا عندنا حضاره بدات من مئات السنين ولسه مستمره..واننا بنعتمد عالعلم والايمان..مش علي السلاح..وفعلا الهيمنه اللي سايده العالم دلوقتي هيمنه علميه وبالتالي اقتصاديه..ومننساش ان ربنا خلقنا عشان نعمر مش ندمر..واننا مش فالغابه عشان البقاء يبقي للاقوي..ولو احنا فعصر القوه ياريت نبقي احنا فمقدمه الدول الاقوي..الاقوي بالعلم والايمان.وياريت نبطل دعم الارهاب وتايده لان ممكن الدعم دا يكون عن طريق تشجيعك واقتانعك بيهم ولو بكلمه حتي..لازم نقول لأ احنا دين سلام مش دين ارهاب..ورجاء اخير منخلطش بين الجهاد والارهاب..واحب اسمع ارائكم..ولو في حد يؤيد اسامه بن لادن..