نداء هام الى جميع المتعاقدين من 2005 الى 2011

[ألشافعى]

بعد قرار الغاء ضم المده واعتبارها كان لم تكن السؤال الاهم هل مدة التامينات والمعاشات محتسبه من تاريخ بداية التعاقد ام من تاريخ التثبيت لاننى بحثت على الكمبيوتر فى التامينات على اشخاص كثيرون وانا منهم اخبرونى بان الأرقام التامينيه هذه ليس لها تغطيه فعلى كل من تم الغاء ضم المده له التوجه الى قسم التامينات والمعاشات فى المنطقه التابع لها والاستفسار منهم واخذ ورقه رسميه منهم باحتساب هذه المده كمستند مهم فى حالة المطالبه بالحق فيما بعد واذا اخبرنا بان هذه المده لم تحتسب فناخذ ورقه رسميه ايضا بذلك من اجل اللجوء الى القضاء لان هذه المده اذاقدر الله عز وجل وعشنا الى المعاش اللى يعيش يترتب عليها فوارق كبيره جدا جدا السنه فى التامينات والمعاشات الناس بتشتريها ب 5 الاف جنيه وفى جميع الاحوال على كل المتعاقدين ان يتظلمو من هذا القرار فى خلال ستين يوم حتى لا يسقط الحق ونتفق جميعا على محامى واحد ونعمل له توكيل حميعنا والاوراق كلها معنا التى تثبت حقوقنا نرجو جميع ان نتكاتف من اجل المطالبه بالحق وانا اقترح من الاشخاص المتخصصين فى النت بتفعيل جروب واحد للمنا جميعا على كلمة واحده وموقف واحد فما ضاع حق وراءه مطالب

[عبدالخالق عبدالحميد]

احنا كل مرة نقول كده ومنعملش حاجة انا جالي الغاء الضم امبارح وانا مش هسكت ولا هكون سلبي كالعادة ولا هستنا حد يوقف معي وهروح المنطقة الازهرية وهطالبهم بحقوقي بضم المدة والغاء تجريد العلاوات ووقف الترقيات او المساواه بمعلمي التربية والتعليم اللي بيذيدوا عننا في الاساسي حوالي 50 جنيه ومن غير ضم مدة ده احنا مبقناش بشر كل اللي بيعملوه فينا ده لاننا مستسلمين لهم في اي شيئ يعملوه انا قلتها قبل كدة ان المثبتين حديثا دول مفيهمش راجل محدش صدقني .

[أم الحسين]

احنا معاكوا ......قولولنا يوم بيوم ايه اللى مطلوب يتعمل رسميا ....انا تعاقد ٢٠٠٥ والله كارهة الدنيا كلها ومش قادرة اشتغل من ساعة ماعرفت سحب ضم المدة واصلا شايلة ٢١ حصة مش عارفة اشرح ولا حصة وقرفانة م المعهد والشغل كله ....اللى يعمل حاجة يعرفنا واللى هيبعت فاكسات او يعمل تظلمات يقوللنا هيبعتها على ايه او ازاى ....نورونا واحنا معاكو ...دى حاجة ميتسكتش عليها

[بنت الأزهـر]

طب هو أي حد يروح المنطقة يطلب حاجة ياخدها؟

[saidsamy10]

الفاكسات لمن نرسلها للى سرقونا وما زالوا يسرقونا ... التحرك يكون رفع قضايا مباشرة

[murad55]

الاحكام القضائية بيضربوا بها عرض الحائط و لا يتم التنفيذ

[murad55]

الازهر سيد قراره يظلم ابناءه و لا يستجيب لنداء مظلوم

[ahmdd12975]

جزاكم الله تعالى خيرا

[عبدالخالق عبدالحميد]

انتوا عارفين اساسي المعلم زميلنا بالتربية والتعليم تعاقد 2005 كام ؟
305 جنيه يعني بالمقارنة باساسينا نحن تعاقد نفس العام 254 يفرق 51 جنيه بعد الغاء الضم
طب منين وليه مدام واحنا علي قانون كادر واحد .
انتو عارفين ان مرتباتكم لو حزفنا منها علاوات الضم ومكافأة الامتحانات زيهم هتبقي كام ؟
هتبقي اقل من الف جنيه وخللي بالك انا بتكلم عن متعاقدي 2005 اللي ماشيين في السنه ال 11 خبرة
انتو عارفين انا لي طالب كان عندي في الفصل تخرج علي يدي وتعين بالتربية والتعليم حديثا بياخد كام .
بياخد اكتر مني انا وانا استاذه مبقدرش اقله انا مرتبي كام منعا للاحراج واتهرب من السؤال خللي المقامات محفوظة.
طب حد يفهمنا هو احنا في دولة تانية والا ايه ومدام احنا في دولة واحدة بقانون واحد ليه الظلم ده ؟
حسبي الله ونعم الوكيل .

[الاستاذة ايمى]

عرفونا نعمل اية انا تعاقد2005

[kl37]

احنا معاكم وقولوا لنا ايه المطلوب اول باول واحنا نعمله ولو وصلت نروح لشيخ الازهر او نوصل حتى صوتنا لرئيس الجمهورية (تعاقد 2006)

[الريس تريكه]

حسبي الله و نعم الوكيل

[حورس الجنوب]

لو مشينا ورا القضاء. يبقي نستني. لحد ميحكموا بعد كام سنه . واذا حكموا نستني لما يروح ادارة الازهر وياخد رقم واركن يا معلمي. يا اساتزة يا محترمين. هو حل من الاتنين.. في صفحة ع الفيس للاستاذ. .وكيل الازهر. عاوزين نقرف هذه الصفحة بموضوعه هذا تخيل لو كل واحد فينا كتب شكوي علي هذه الصفحة وكل يوم يكتب مرة واتنين وتلاته واكيد كل واحد فينا معاه صفحة ع الفيس. تخيل لو كله عمل شكوي ععلي هذه الصفحة. وبالتزامن ورا بعض. مهو يا حد عنده دم يستجيب لينا فيها. ياما حيقرفوا من كثره الشكاوي بتاعتنا ويقفلووها بقا. والحل الثاني. اننا ننتظر امتحانات اخر العام وهيا الي الاضراب دا لو عاوزين حقكم وشكرا.

[kamalsh]

انا اسف على كلامى دة بس احنا للاسف نستاهل كب الى بيحصل فينا يعنى اية قرار ضم المدة من اريع اوخمس سنوات واخذ الفروق من نفس الفترة تقريبا ويجى بعد كدة يقولك لادة كان اساسا خطا ولا بد من عودة تلك الاموال لكن هقول كلمة واحدة لوالقانون لم يتم الغائة بعد مرور شهرين من اصدارة يصبح ساريا ولايصح الغائة اطلاقا ودة راى القانون السليم لكن بالنسبة بقى لموضوع الاساسى فى المرتب اقول كلمة واحدة وهى ان كل موظفى الماليات بجميع المناطق الازهرية لايعلمون شيء بمعنى اصح لايوجد قاون واحد سليم جامع لكل الامور المادية وعلى فكرة فى كلام كتير جواى لوحابين والله ندعم صفحة على النت واذهب بالطلبات دى الى النيابة الادارية انا موافق

[omda2008]

حسبى الله ونعم الوكيل