عبد الله مات ( المسابقة الشعرية الرمضانيه )

[adelredai]

عبد الله هو زميلنا فى كلية الطب سقط يوما فى كافتريا الكلية ومات ولم يتجاوز ال 22 عاما احكى فى هذه القصيده القصيرة ليس عن عبد الله كشخص خلوق مات ولكن عن فكرة موت الفجأة للشباب التى انتشرت بصورة مفزعه وهى قصيده عامية ...


. عبد الله مات
√ عبد الله مات.......أيوة مات
√ بقول لكل اللي انكسر أو جف صوته من السكات
√ بقول لكل اللي علي فراقك بيبكى
√ واللي علي الدنيا ملحقوش الممات
√ عبد الله مات
√ بقول لكل اللي ف سفر قاعد بيحسب بالساعات
√ بقولك انتى...... أيوة يا ست البنات
√ أيوة... عبد الله مات
√ جمع معايا يا صاحبي يلا كل اللي عدى واللي فات
√ جمع همومك فرحتك كل لحظة من حياتك....والذكريات
√ أيوة عبد الله مات
√ فاكر يا صاحبي واحنا لسه صغيرين
√ وكنت بقعد اقول لنفسي . هو انت مين؟
√ فقالي يومها شيطانى عبد. هتعيش سنين
√ تاكل وتشرب ويا طيرك ونجوزك بنت حلوة من البنات
√ بقولك انا دلوقتى اصحى....عبد الله مات
√ عبد الله مات
√ ولسه شايف ضحتك جوا عينيك
√ لسه شايف الامل جوا خدودك ودنيتك بتموت عليك
√ لسه فاكر ان بكرة مش هييجى وان لسه الدور عليك
√ عبد الله مات
√ زى اى شئ فاضيلك آخرتها موت. طب ليه السكوت؟
√ صمتك هيبقي ضحتك .فرحك.حزنك.هتبقي وحدك هيبقي صوتك .....اصل السكوت
√ عبد الله مات وكان صغير يوم ما مات
√ يدوب مكملش الهنا.... يدوب ده هما كام سنه
√ وقبل ما ابكى في يوم عليه لقيتنى ببكى عليا انا
√ وليه بقول اشمعنا انا
√ ده الزرع حتى ف قوته بيصير خراب
√ والأرض لما تحب أكتر ما يرويهاش غير التراب
√ عبد الله مات ومات معاه كل الألم
√ وصارت ضحكته ذكرى جميله
√ اياك تقول هعيش لليله
او اني هبقي 100 سنه
√ وإياك تقول .........اشمعنا انا
-