عمر المدرس يبدأ بعد الستين ، شباب علطول يا مدرس

[sadq7]

الأستاذ مصطفى مدير مدرسة خدمة 40 سنة (دبلوم معلمين) كان آخر مرتب قبضه قبل المعاش 3000 وبعد المعاش 1200 وعنده أولاد فى التعليم .. الأستاذ مصطفى ضغط وسكر لكنه مضطر للعمل بأى مبلغ فى أى مدرسة خاصة علشان يلاقى ياكل ويصرف على بنته.
الأستاذ أ. ع موجه أول طلع على المعاش اضطر يعمل فى مدرسة خاصة فى الباية احترموه وخلوه مشرف وبعد كدة بدأوا يعطوه احتياطى علشان يطفشوه.
الأستاذ ح. ع رحمه الله توفى بعد 20 سنة خدمة وله أولاد فى جامعات خاصة صرفوا لهم معاش 650 جنيه طبعا أنتم عارفين الباقى ، الغريب إن ولاده كانوا مخدوعين وفاكرين إن من حقهم إنهم يكملوا تعليمهم على أساس إن أبوهم أفنى عمره فى خدمة التعليم !!!
أما الاستاذ عبد الله فطلع أنصح من الكل حافظ على صحته ولا ضغط ولا سكر وبمجرد ما طلع على المعاش وقبض ال35 ألف اشترى بيهم عروق خشب وطلع على 6 أكتوبر واشتغل مقاول صغير ويبدأ حياته من الصفر .
نصيحة لكل معلم حافظ على صحتك واعمل زى الأستاذ عبد الله مش ضرورى تشترى خشب ممكن توكتوك أو عربية فول أو أى حاجة تبدأ بيها حياتك.

[أبو إسراء A]

المشاركة الأصلية كتبت بواسطة sadq7

نصيحة لكل معلم حافظ على صحتك واعمل زى الأستاذ عبد الله مش ضرورى تشترى خشب ممكن توكتوك أو عربية فول أو أى حاجة تبدأ بيها حياتك.

(آخر خدمة الغز علقة !) ضربت مثلا لنكران الجميل ، فبدلا من معاش محترم لمعلم أفنى عمره و صحته فى التعليم تكون معاملته عندما يحال للمعاش على هذا النحو .

[Soaad-532]

دولة الفساد

[sadq7]

أنا مرضتش أقول على التقيلة علشان محدش ينصدم:
كنا فى تدريب بقاعة المصادر بالإدارة ودخلت علينا سيدة مسنة تطلب المساعدةزى المتسولين ولما طردوها قال أحد الموجهين أنا أعرفها إنها الأستاذة فلانة كانت مديرة مدرسة وملهاش ولاد ومحتاجة فعلا لأن المعاش لا يكفى إيجار الشقة والعلاج .
أظن عيب قوى فى وش أى حكومة فى الدنيا لما ده يبقى حال معلمين أفنوا عمرهم فى خدمة التعليم.

[sadq7]

للأسف معظم المعلمين لا يشغلون بالهم بما سيئول إليه حالهم بعد سنوات قليلة بمجرد خروجهم على التقاعد فإن كانت ظروفهم الحالية سيئة فإنها ستكون بعد الخروج للتقاعد أشد سوءا وما لم يتحركوا من الآن لن يسمع بهم أحد غدا وعدم إهتمامهم بتلك المشكلة الجوهرية الخطيرة التى تمس حياتهم إن دل على شىء فإنما يدل إما على يأس أو فقدن وعى.