ما العمل فى النصاب الزائد

[فداك يارسول الله]

السلام عليكم

انا معلم اول اعدادى

و الموجه الاول يريد اسناذ 25 حصة لى

ما العمل ؟؟؟؟؟؟؟؟؟؟

[Azhar Aly]

وانا كمان كل سنة باخد 25 حصة بحجة العجز ومش عارفة ايه الاجراء القانونى السليم لعدم اخذ حصص اكتر م النصاب

[Nasr Fouad]

اذا كان فيه عجز على مستوى الادارة لا يجوز ان تعترض ولكن من حقك المطالبة باجر اضافي اسأل الحصة بتتحسب بكام للناس اللي شغالين بالحصة و يبقى كده انت بتدي 6 حصص زيادة يعني 24 حصة ف الشهر يتعمل بيهم استمارة

اما اذا كان مفيش عجز على مستوى الادارة من حقك رفض كل ما هو زائد عن النصاب
و الله اعلم

[كمال سامح]

اعمل استمارة بالحصص الزيادة

[Azhar Aly]

المشكلة مش ف الاجر الاضافى م عدمه ..المشكلة ف الضغط والفصول الكتير اللى بناخدها بتخلى عقل الواحد يتوه ومستويات الطلبة كلها مش قد كدا فيعتبر بنتعب ونستهلك طاقتنا اكتر م المطلوب ع الفاضى

[IMOUSTAFA]

صاحبة المشاركة رقم خمسة كلامها مظبوط وفى المليان

[Nasr Fouad]

المشاركة الأصلية كتبت بواسطة imoustafa

صاحبة المشاركة رقم خمسة كلامها مظبوط وفى المليان

انا معاك ان كلامها مظبوط و في المليان
لكن ايه الحل من وجهة نظرك ؟
يا ريت تشرفنا برأيك

[Azhar Aly]

شكرا لحضراتكم وياريت اللى عنده حل قانونى يفيدنا بيه

[IMOUSTAFA]

أستاذ ناصر حضرتك أعطيت الحل القانونى وهذه معلومه تفيدنا جدا لانى لم أكن أعرفها واعجابى برد الزميله فى جزئية مهمة وهى درايتها بواقع مرير نعيشه وهو أن المشكلة ليست مادية ولا حتى هروب من كمية العمل ولكنه هروب من المستوى التعليمى السئ والمحلى بقلة الادب ولكن كل من ينظر من المسئولين للمشكله يصفها بالهروب من العمل ذاته وهذا فهم قاصر

[Nasr Fouad]

ماشي يا افندم
كل عام وأنتم بخير

[معاذ ابراهيم رجب]

ربنا معاك ومعانا

[eager]

ارفض ما زاد على النصاب حتى ولو بمقابل

[Nasr Fouad]

المشاركة الأصلية كتبت بواسطة eager

ارفض ما زاد على النصاب حتى ولو بمقابل

هذا الكلام غير قانوني و يعرضك لمشاكل و هي
1 - الرفض في حد ذاته مخالفة ادارية تستوجب الجزاء في حالة وجود عجز
2 - اعتبارك غير متعاون مع ادارة المدرسة و ذلك يخفض درجات التعاون في تقريرك السنوي

يا ريت ما ننصحش الناس باي كلام احنا مش فاهمين نتيجته
تحياتي للجميع

[eager]

المشاركة الأصلية كتبت بواسطة nasr fouad

هذا الكلام غير قانوني و يعرضك لمشاكل و هي
1 - الرفض في حد ذاته مخالفة ادارية تستوجب الجزاء في حالة وجود عجز
2 - اعتبارك غير متعاون مع ادارة المدرسة و ذلك يخفض درجات التعاون في تقريرك السنوي

يا ريت ما ننصحش الناس باي كلام احنا مش فاهمين نتيجته
تحياتي للجميع

بيننا وبينهم قانون الكادر الذي حدد النصاب لكل عضو هيئة تدريس
والتعاون يكون في أشياء أخرى وليس بمضاعفة العمل فهذا ليس تعاون
كما أن الرفض سيد نصر ليس مخالفة إدارية
والموجه العام نفسه (عن تجربة) لم يجبر أحد على النصاب الزائد
بل الأمر اختياري فليس كل الناس يستطيعون العمل 25 و30 حصة!

[Nasr Fouad]

المشاركة الأصلية كتبت بواسطة eager

بيننا وبينهم قانون الكادر الذي حدد النصاب لكل عضو هيئة تدريس
والتعاون يكون في أشياء أخرى وليس بمضاعفة العمل فهذا ليس تعاون
كما أن الرفض سيد نصر ليس مخالفة إدارية
والموجه العام نفسه (عن تجربة) لم يجبر أحد على النصاب الزائد
بل الأمر اختياري فليس كل الناس يستطيعون العمل 25 و30 حصة!

سيدي الفاضل
فيه امور بتمشي بصفة ودية و بتعدي
لكن لو رئيسك المباشر كلفك بشيء في نطاق العمل و رفضت و سألك سؤال مكون من 3 كلمات (هل انت معترض) و رديت بنعم و اثبت ذلك بمحضر رسمي تاخد جزاء يومين او ثلاثة حسب تقدير محقق الشئون القانونية
و يا ريت تسأل في الشئون القانونية عن كده قبل ما ترد علي لاني انا بتكلم من واقع خبرة اكتر من عشرين سنة بالتربية والتعليم
و على فكرة انت ليك اتنين رئيس مباشر تعرف مين هما ؟