أسئله مش عارفاها ع الفصل الاول..........

[Bent 3bdo]

السلام عليكم ورحمه الله وبركاته

ــــــــــــ

كل سنه وانتو طيبين

_________-


عاملين ايه ف الفيزياء

؟؟؟؟؟؟؟

____-


انا مش عارفه إحنا طبعا لسه مستلمناش كتب المدرسه

ذاكرت الفصل الاول من ملزمه المستر

حسيت ان الفيزيا حلوة وحليت الواجب وكلو تمام الحمد لله

وبعدين
عندى انا كتاب الماسى شرح

قولت أحل اسئله منه هو قديم بتاع 2007

لقيت حجات غريبه

مسمعتهاش م المستر
ولا قريتها ف الملزمه



مش عارفه بقى هى اللى اتلغت ولا الكتاب جايب حجات زياده

ولا هى ف كتاب المدرسه والمستر مش جايبها

مش عارفه


انا هكتب الاسئله

وانتوا بقى تقولوللا خدتوها ولا لا


((طولت عليكم معلش))

بس أصلى قلقانه لا يكون المستر بيختصر هيودنى ف داهيه

الاسئله

(1)اكمل::

• عند حدوث تغير ف الطاقه الميكانيكيه(الوضع_الحركه)تنتشر الموجه.....................................
• النبضه هى.......................

بينما الموجه المرتحله

(اهو المستر مش جابلنا سيره الموجه المرتحله ولا النبضه خالص)

(2)بم تفسر (أول مره أشوفهم)

• رغم ان تردد الامواج الكهروماغناطيسيه مختلف الا ان سرعتها ثابته وهى سرعه الضوء؟؟

• الموجات المستعرضه أو الطوليه تمثل بمنحنى جيبى؟؟؟

(3) صح أم خطأ مع التصويب (ولا سمعت عنهم )

• سعه الاهتزازة لجسم مهتز تمثل ضعف الازاحه(...)

طب الازاحه دى بقى قد ايه عشان نقول ضعف ولا لا

• عند اهتزاز مصدر بتردد معين فان جزيئات الوسط تهتز بتردد يساوى تردد المصدر(...)

• اذا علق زنبرك رئسيا وحدث اهتزاز فانه يمثل اهتزاز منحنى جيبى(..)

• اذا تتحركت نقطه بسرعه معينه منتظمه ع محيط دائرة فان مساقطها تسير بنفس السرعه ع القطر الثابت بها.(,..)

• إذا اتفقت نقطتان ف اتجاه واحد والسعه ومختلفين ف التردد فان ذلك اتفاق ف الطور(,..)

• يمكن إحداث موجه مرتحله اذا تم تحريك حبل مشدود افقيا ثم احداث نبضه باليد ف الحبل(,..)

• اهتزاز زنبرك ف نهايته كتله موضوعه على نضد افقى فان ذلك يمثل حركه توافقيه بسيطه(,..)

ياريت اللى يعرف حاجه يقولى

[naughty girl]

اوك بصى ياقمر
انا فى حاجات اعرفها وفى حاجات لاء
انا هبتدى معاكى

1- عند حدوث تغير فى الطاقة الميكانيكية تنتشر موجات ميكانيكية (تعريف الموجات الميكانيكية )
2-النبضة هى اضطراب فردى لا يتكرر يحدث من المصدر
3-الموجة المرتحلة هى اضطراب فردى يحدث وينتقل خلال وسط .
علل دى انا مش عارفاها خالص
4- صح او غلط
هيا غلط علشان سعة الاهتزازة تمثل ربع الاهتزازة الكاملة

5-صح علشان تردد جزيئات الوسط تساوى تردد الجسم المهتز
6-صح يمثل منحنى جيبى علشان هتنطلق موجة واى موجة طوليه او مستعرضة تمثل بمنحنى جيبى
اللى بعدها مش عارفاها
7-صح اعتقد
8- صح
9-صح

[Golden Eagle]

المشاركة الأصلية كتبت بواسطة naughty girl

اوك بصى ياقمر
انا فى حاجات اعرفها وفى حاجات لاء
انا هبتدى معاكى

1- عند حدوث تغير فى الطاقة الميكانيكية تنتشر موجات ميكانيكية (تعريف الموجات الميكانيكية )
لا تعليق
2-النبضة هى اضطراب فردى لا يتكرر يحدث من المصدر
النبضه هي اللي في التجربه بتاعت وتر مشدود طرفه متصل بحلقه تتحرك علي قائم رأسي أو طرفه مثبت
( شكلها عباره عن قمه من غير قاع أو قاع من غير قمه )
3-الموجة المرتحلة هى اضطراب فردى يحدث وينتقل خلال وسط .
بصراحه عمري ما سمعت عنها
علل دى انا مش عارفاها خالص
و لا أنا
4- صح او غلط
هيا غلط علشان سعة الاهتزازة تمثل ربع الاهتزازة الكاملة

5-صح علشان تردد جزيئات الوسط تساوى تردد الجسم المهتز
6-صح يمثل منحنى جيبى علشان هتنطلق موجة واى موجة طوليه او مستعرضة تمثل بمنحنى جيبى
اللى بعدها مش عارفاها
7-صح اعتقد
8- صح
9-صح

بالنسبه للصح و الغلط naughty girl تعرف فيهم أكتر مني
و أنا إن شاء الله هاسأل المدرس بتاعي عليهم و أرد عليكي
يا رب تكون الصوره وضحت
سلام

[mena288]

المشاركة الأصلية كتبت بواسطة طالبه ثانويه عامه

السلام عليكم ورحمه الله وبركاته

ــــــــــــ

كل سنه وانتو طيبين

_________-


عاملين ايه ف الفيزياء

؟؟؟؟؟؟؟

____-


انا مش عارفه إحنا طبعا لسه مستلمناش كتب المدرسه

ذاكرت الفصل الاول من ملزمه المستر

حسيت ان الفيزيا حلوة وحليت الواجب وكلو تمام الحمد لله

وبعدين
عندى انا كتاب الماسى شرح

قولت أحل اسئله منه هو قديم بتاع 2007

لقيت حجات غريبه

مسمعتهاش م المستر
ولا قريتها ف الملزمه



مش عارفه بقى هى اللى اتلغت ولا الكتاب جايب حجات زياده

ولا هى ف كتاب المدرسه والمستر مش جايبها

مش عارفه


انا هكتب الاسئله

وانتوا بقى تقولوللا خدتوها ولا لا


((طولت عليكم معلش))

بس أصلى قلقانه لا يكون المستر بيختصر هيودنى ف داهيه

الاسئله

(1)اكمل::

• عند حدوث تغير ف الطاقه الميكانيكيه(الوضع_الحركه)تنتشر الموجه.....................................
• النبضه هى.......................

بينما الموجه المرتحله

(اهو المستر مش جابلنا سيره الموجه المرتحله ولا النبضه خالص)

(2)بم تفسر (أول مره أشوفهم)

• رغم ان تردد الامواج الكهروماغناطيسيه مختلف الا ان سرعتها ثابته وهى سرعه الضوء؟؟

• الموجات المستعرضه أو الطوليه تمثل بمنحنى جيبى؟؟؟

(3) صح أم خطأ مع التصويب (ولا سمعت عنهم )

• سعه الاهتزازة لجسم مهتز تمثل ضعف الازاحه(...)

طب الازاحه دى بقى قد ايه عشان نقول ضعف ولا لا

• عند اهتزاز مصدر بتردد معين فان جزيئات الوسط تهتز بتردد يساوى تردد المصدر(...)

• اذا علق زنبرك رئسيا وحدث اهتزاز فانه يمثل اهتزاز منحنى جيبى(..)

• اذا تتحركت نقطه بسرعه معينه منتظمه ع محيط دائرة فان مساقطها تسير بنفس السرعه ع القطر الثابت بها.(,..)

• إذا اتفقت نقطتان ف اتجاه واحد والسعه ومختلفين ف التردد فان ذلك اتفاق ف الطور(,..)

• يمكن إحداث موجه مرتحله اذا تم تحريك حبل مشدود افقيا ثم احداث نبضه باليد ف الحبل(,..)

• اهتزاز زنبرك ف نهايته كتله موضوعه على نضد افقى فان ذلك يمثل حركه توافقيه بسيطه(,..)

ياريت اللى يعرف حاجه يقولى

الاسئلة التى لم تجاوب

.علل

• رغم ان تردد الامواج الكهروماغناطيسيه مختلف الا ان سرعتها ثابته وهى سرعه الضوء؟؟

لان سرعة انتشار الموجة = التردد * الطول الموجى

نعلم انة كلما زاد التردد قل الطول الموجى والعكس صحيح

التردد يتناسب عكسيا مع الطول الموجى

لنفرض ان التردد = s
الطول الموجى = m
s تتناسب عكسياا مع m

s = a * 1/m حيث a هو ثا بت

s*m=a

اذا حاصل ضرب التردد فى الطول الموجى = ثابت
مهما اختلف التردد او الطول الموجى

هذا ينطبق على الموجات الكهرو مغناطيسية فقط



2- لان المنحنى الجيبى يوضح العلاقة بين مركز ثقل الجسم عن موضع الاستقرار ( الازاحة ) والزمن


صج وغلط

1- (x) لان كل سعة اهتزازة هى ازاحة ولكن ليس كل ازاحة هى سعة الاهتزازة بمعنى ان الازاحة هى التحرك
فى اى جهة ولكن لي لاقصى ازاحة معروفة

[naughty girl]

بجد يا منة انتى جامدة
ربنا يكرمك
يااااااااااااارب تكون الاجابات وصلتلك وفمهتيها
لو عايزة اى حاجة انا تحت امرك

[arwaaa]

اذا حاصل ضرب التردد فى الطول الموجى = ثابت
مهما اختلف التردد او الطول الموجى

هذا ينطبق على الموجات الكهرو مغناطيسية فقط

طيب أنا مش فاهمة ليه أصلا حطينا ثابت وضربناه ف الواحد
حاجة من عندنا كده !!!! مش فاهمة

لان المنحنى الجيبى يوضح العلاقة بين مركز ثقل الجسم عن موضع الاستقرار ( الازاحة ) والزمن

لو سمحت أنا مش فاهماها أوي ممكن توضحها شوية حتى لو بكلام عادي عشان أفهمها... وألف شكر


ربنا يبارك فيكي يا منه ويكرمك يارب

[محمود حسن عبدالعال]

شكراااااااااااااااااااا

[أ / إيهاب]

موحة ميكانيكية "ناشئه عن حركة ميكانيكية "
النبضة فى الوتر " اضطراب ينتقل فى الوتر فى صورة قمة اوقاع نتيجة لحركة الحبل الى اعلى او الى اسفل"
الموجة المرتحلة اضطراب ينتقل وينقل الطاقة وترتحل "بتنتقل من مكان الى اخر فى الوسط" وقد تكون عدة امواج فيسمى قطار من الأمواج المرتحلة

سرعة اى موجة قيمة ثابتة فى الوسط الواحد السرعة= التردد * الطول الموجى
ويمكن لموجة الضوء ان تأخذ اى تردد طالما ان حاصل ضرب التردد فى الطول الموجى يساوى قمة ثابتة فجد اذا ذاد التردد قل الطول الموجى و العكس

لان الموجة المستعرضة والطولية ناشئه عن حركة ميكانيكية للجسم المهتز وتهتز جزيئات الوسط بنفس الطريقة ح" حركه اهتزازية " والتى تعتبر ابسط انواع الحركة التوافقية التى يميزها انها تمثل على محورى الأزاحة والزمن بمنحنى جيب
سعه الاهتزازة لجسم مهتز تمثل اقصى الازاحه
عند اهتزاز مصدر بتردد معين فان جزيئات الوسط تهتز بتردد يساوى تردد المصدر "صح"
وعندما ينتقل الأضطراب " الموجة " من وسط الى أخر فأن سرعتها تتغير بسبب تغير الطول الموجى وليس التردد
اذا تتحركت نقطه بسرعه معينه منتظمه ع محيط دائرة فان مساقطها تسير بنفس السرعه ع القطر الثابت بها "خطأ" ولن اعلل لانها بره خالص
إذا اتفقت نقطتانف اتجاه واحد والسعه ومختلفين ف التردد فان ذلك اتفاق ف الطور" صح"
والتعليل التعريف موضع واتجاه دقيقة من دقائق الوسط
يمكن إحداث موجه مرتحله اذا تم تحريك حبل مشدود افقيا ثم احداث نبضه باليدف الحبل(صح
اذا علق زنبرك رئسيا وحدث اهتزاز فانه يمثل اهتزاز منحنى جيبى "صح "
حركه اهتزازية والتى تعتبر ابسط انواع الحركة التوافقية التى يميزها انها تمثل على منحنى الأزاحة والزمن بمنحنى جيب

• هتزاز زنبركف نهايته كتله موضوعه على نضد افقى فان ذلك يمثل حركه توافقيه بسيطه(صح)
• مش عندنا التفريق بين الحركة فى مستوى افقى ورأسى
• وفوق كل ذى علم عليم
  

[naughty girl]

شكرا جدا جدا
يا مستر ايهاب
ربنا يكرمك

[mena288]

شكر ا لكم وشكراا للاستاذ ايهاب
اولا / انا مينا وليس منة




توضيح

للموجة الطولية انة يوضح العلاقة بين الازاحة والزمن وللشرح اكثر انظر معى الى المنحنى

لنفرض ان المحور السينى هو الزمن والمحول الراسى الازاحة ( مركز ثقل الجسم عن موضع الاستقرار)

ونجد ان الزمن كلما يزداد تزيد او تقل الازاحة ويرجع الى بعد مثلا الشوكة الرنانة عن الجسم ومعنى ان الازاحة بالسالب ان ان الموجة تتحرك حول موضع اتزانها اى تصل الى موضع ااتزان = صفى وتعدية من الجهة الثانية






الموجة المستعرضة لانة يوضح العلاقة بين الازاحة الراسية وبين المسافة التى تنتشر فيها الموجة

[الأستاذ أحمد الاسوانى]

سعه الاهتزازة لجسم مهتز تمثل ضعف الازاحه(...) x لان سعة الاهتزازة هى الازاحة
اذا تتحركت نقطه بسرعه معينه منتظمه ع محيط دائرة فان مساقطها تسير بنفس السرعه ع القطر الثابت بها.(,..) x لأن سرعة مساقط النقطة تختلف عن سرعتها

[mena288]

المشاركة الأصلية كتبت بواسطة الرائد الاسوانى

سعه الاهتزازة لجسم مهتز تمثل ضعف الازاحه(...) x لان سعة الاهتزازة هى الازاحة
اذا تتحركت نقطه بسرعه معينه منتظمه ع محيط دائرة فان مساقطها تسير بنفس السرعه ع القطر الثابت بها.(,..) x لأن سرعة مساقط النقطة تختلف عن سرعتها

شكرا على اجوبتك ولكنى اعترض على التصويب الاول

الاراحة هى المسافة التى يقطعها الجسم من موضع سكونة يعنى لا يهم المسافة
بينما سعة الاهتزازة هى اقصى ازاحة يعنى يجب ان تكون اقصى ازاحة

ولكن العلاقة كالتالى
كل سعة اهتزازة هى ازاحة وبكن ليس كل ازاحة هى سعة اهتزازة

[mena288]

و السوال دة مالة بالحركة الموجية ساحاول ان اشرحة بايجاز

اذا تتحركت نقطه بسرعه معينه منتظمه ع محيط دائرة فان مساقطها تسير بنفس السرعه ع القطر الثابت بها. (x)


ساعطى لكى مثال

نتخيل انى ماسك ولد من ايدة وبلفة فى دايرة

فهل سرعة الولد = سرعتى انا الى بلفة فى الهواء

الاجابة هى لا

لية لان كلما كبر محيط الدائرة زادت المسافة والزمن هو هو

اذا السرعة تتغير ( اى عند رجل الولد تصبح السرعة اكبر بكثير منى انا الى بلفة)

وهكذا هذا السؤال المساقط تختلف سرعتها بسب نقطها
ولذلك السرعة تختلف