شعبولا يغني لكادر المعلمين

[nahoous]

اخر خبر جاء في حريدة الدستور المصرية اليوم الثلاثاء 7/10/2008

لا حول ولا قوة الا بالله


تفاصيل الخبر كالتالي:

شعبولا يغني لكادر المعلمين: ماعرفش ليه امتحنونا ومبهدلينا ليه.. زيادة علم.. ولاّ عشان الـ100 جنيه؟!

كتبت - عبير عبد الوهاب:

يستعد شعبان عبد الرحيم بعد عيد الفطر لتسجيل أغنية جديدة عن كادر المعلمين. الأغنية من كلمات إسلام خليل والذي انتهي من كتابتها منذ يومين واتصل بشعبولا لإقناعه بتسجيل الأغنية بصوته في أقرب وقت. تقول كلمات الأغنية: «مبروك يا معلمين علي الكادر الجديد.. خلاص هتبنوا عماير وتجيبوا لبس العيد.. كل واحد مش قادر علي الفقر وعلي الغلا.. ناويين نعملّه كادر لزوم البهدلة.. قال إيه قوم للمعلم وفه التبجيلا.. ده كان زمان يا معلم دلوقتي بقت نيلا.. علشان شوية فكة ماعدش لينا مقام.. وقعدونا علي دكة زي التلامذة تمام.. أستاذ من دور أبويا كان بيعلمني زمان.. لقيته جنبي قاعد علي التختة في الامتحان.. زعلان علي اللي بيجراله علي آخر عمره اتهان.. وواحد من دور عياله واقف بيراقبه كمان.. ماعرفش ليه امتحنونا ومبهدلينا ليه.. زيادة علم ولاّ عشان المية جنيه.. أبويا كان معلم مثالي وله حكايات.. دلوقت بس بقول كويس إنه مات.. بس خلاص»، وبمجرد انتهائه من تسجيلها سيقوم شعبولا بتصوير الأغنية فيديو كليب لعرضها علي قنوات الأغاني في أقرب وقت.