يسري الجمل: لا توجد درجة معينة للنجاح في اختبارات الكادر.. وتحديد الناجحين عملية فنية

[احمد وحش]

يسري الجمل: لا توجد درجة معينة للنجاح في اختبارات الكادر.. وتحديد الناجحين عملية فنية 01/09/2008 إعلان النتائج يبدأ في 15 سبتمبر.. والمعلم الذي لم يتقدم للاختبار هو الخاسر الوحيد
كتب: علي البدراوي
قال يسري الجمل وزير التربية والتعليم إن كل من تقدم لأداء الاختبار سوف يتلقي خطاباً من الأكاديمية المهنية للمعلمين في حالة اجتياز المستوي المطلوب في المجالات الثلاثة التي تم الاختبار فيها ويتضمن هذا الخطاب تهنئة باجتياز الاختبار، وتسكينه في المستوي الذي تقدم إليه وفق سنوات خبرته، ودرجته المالية. جاء ذلك خلال اجتماعه باللجنة العليا المشرفة علي تطبيق كادر المعلمين ومدير الأكاديمية المهنية لبحث خطوات تطبيق المرحلة الأولي للكادر علي معلمي مدارس التعليم الخاص علي أن تبدأ المرحلة الثانية في العام الدراسي القادم 2008/2009.
كما ناقش في اجتماعه الخطوات التالية التي سيتم اتخاذها في المرحلة التالية لاختبارات الكادر وتحديد دور الأكاديمية في منح شهادة الأكاديمية لمن اجتاز الاختبارات.
وأضاف أن من لم يجتز المستوي المطلوب في المجالات الثلاثة سوف يتلقي خطابا بالمجالات التي اجتازها وموعد حضور الدورة التدريبية في المجالات التي ليم يجتز الاختبار فيها لكي يتقدم إلي الاختبار مرة أخري في أغسطس القادم.
وأضاف الجمل إن الخاسر الوحيد هو المعلم الذي لم يتقدم لتلك الاختبارات، وأضاف أنه بالنسبة للتصحيح والنتيجة فإنه ليس هناك درجة أو نسبة 50% للنجاح، ولكن هناك حسابا مبنيا علي جمع كل مادة، وكل سؤال ومن خلال التجميع سوف نحدد من اجتاز الاختبار، وهي عملية فنية، وليست بنسبة مئوية، وتتم وفق جدول زمني محدد يبدأ في 15 سبتمبر، ولمدة 18 يوماً بتنقية البيانات ثم يتم المسح الضوئي لهذه البيانات لمدة 11 يوماً، ومعالجة البيانات والتحقق من سلامة الملفات الناتجة 7 أيام والتحليل الإحصائي لنتائج الاختبارات، وتحليل الاستجابة للمفردة لمدة 19 يوماً، ووضع المعايير 4 أيام وإعداد النتائج للعرض علي الوزارة لمدة يوم واحد، وإعلان هذه النتائج من قبل الوزارة والأكاديمية في يوم واحد أواخر أكتوبر.
وأكد الجمل أن عملية التصحيح سوف تتم وفق معياريين أولهما المسح الضوئي الذي يتطلب مواصفات خاصة ولذلك تم اختيار أداء الأمتحان بالقلم الرصاص وهو ليس تقليلاً من شأن المعلم أما المعيار الثاني فهو التظليل الذي يعطي للمعلم فرصة لمراجعة الأجابة وتعديلها ومسح التظليل وإعادة التظليل مرة أخري.
وأشار الجمل إلي أنه سوف يتم تطبيق الكادر علي كل من يعمل في وظيفة تعليمية طبقاً للقانون 155 لسنة 2007 الخاص بأكاديمية المعلمين في مادته رقم 70

[احمد وحش]

الخبر ممكن يكود مفرح لو راجع الوزير نفسه وحب يهمش الأسئلة القراقوشية فى العربى والتربوى ,يعنى سؤال ذى الموهوب ذكى والا الذكى موهوب والا سؤال معنى زاه يعنى ساطع والا بيبرق والا منير
لكن بينى وبينكم انا خايف برضه

[مصطفى الباجورى]

ايه المصدر يا استاذ أحمد

[احمد وحش]

المصدر جريدة البديل

[ledo2005]

هناك حسابا مبنيا علي جمع كل مادة، وكل سؤال ومن خلال التجميع سوف نحدد من اجتاز الاختبار، وهي عملية فنية، وليست بنسبة مئوية،
حد فاهم حاجة؟؟

[ledo2005]

جدول زمني محدد يبدأ في 15 سبتمبر، ولمدة 18 يوماً بتنقية البيانات ثم يتم المسح الضوئي لهذه البيانات لمدة 11 يوماً، ومعالجة البيانات والتحقق من سلامة الملفات الناتجة 7 أيام والتحليل الإحصائي لنتائج الاختبارات، وتحليل الاستجابة للمفردة لمدة 19 يوماً، ووضع المعايير 4 أيام وإعداد النتائج للعرض علي الوزارة لمدة يوم واحد، وإعلان هذه النتائج من قبل الوزارة والأكاديمية في يوم واحد أواخر أكتوبر


حد مصدق الهجص ده؟؟؟

[احمد وحش]

اهم شىء روح التصحيح ,هل هى روح عدوانية تميل الى التصفية ,أم روح ايجابية تقصد الصالح العام

[amal_amm]

حسبنا الله ونعم الوكيل

[amal_amm]

عندى راى ياجماعه طالما العمليه كده كل واحد يجمع 7 خيوط مختلفه ويجيب بيضه فرخه سودا تكون متباضه يوم التلات وشويه من لبن عصفور يتيم وياريت ياريت يقدر يجيب شعرة من دقن عفريت كان متعرفت وتاب ويحرق كل دول مع البيضه فى فرن من بتوع زمان اللى انقرض وبعد جدة ياكل البيضا ومتسالنيش ايه اللى هيحصل كل ه باذن الله خير الساقط هينجح والفاشل هينجح وربنا هيعمى عين الحاسب وينجح كل المدرسين اتكلوا على الله

[ali fawzy]

انا فهمي بسيط



اللي فاهم يفهمنا لو سمحتوا يعني التصحيح بمزاجهم ولا له معايير ومقاييس محدده

[قلب صغير2]

هو التصحيح كمان عامل زى اسئله التربوى الغريبه مش مفهوم
الخوف لتظهر النتيجه كمان بعباره نحتار فيها وما نعرفش قصدهم ايه ناجحين ولا لا

[rouaa2007]

يا جماعة ليه اللعب بالاعصاب و دو خينى يا لمونة ما الوزارة فى الاخر بتعمل اللى هى عاوزاه واللى شيفاه صح واما بالنسبة للاخوة الى عاوزين يفهموا حاجة من المقال فانا بنصحهم بالصبر لانه الصبر مفتاح الفرج

[ابوعمرعايش]

احنا مش فاهمين حاجة

[ashrafnassr]

النتيجه عمليه فنيه معقدة؟؟؟؟؟؟ ماشاء الله يعنى محتاجين فنان فى كنترول الكادر بس فلاش الفنان فاروق حسنى كفايه عليه الثقافه و طبعا مش اى فنان ده لازم يكون فنان لعيب ينفع أبو تريكه مثلا؟؟؟؟ طيب فنيه وفهمناها لكن ليه مكلكعه ؟؟؟ و بعدين مافيش درجة نجاح يعنى العملية طبخه حسب الفلوس الموجوده ودى مش اول مره الوزارة تعملها .................افكركم :-
* الاكاديمية الورقيه فى الاول عملت الدرجه على اساس استلام العمل ( الناس زعلت و اتقمصت ) لان ناس كتير ضاع عليها سنوات خدمه ( ضم مده خدمه ) ودول نزلوا درجه فى سلم الترقيات اللى يستحقه المعلم () .
* الاكاديمية الورقيه غيرتها و خلت الاساس تاريخ التعيين وده عمل راحه للناس اللى مصدقين حكاية الكادر لان كل واحد طلع درجه فى السلم الوظيفى اللى عليه العين.......... وبكده ناس كتير طلعت لفوق درجه ( كل الناس اللى فى اواخر الدرجة الماليه اللى هم عليها) يعنى معلم بقى معلم اول و معلم اول بقى معلم اول بشرطه(أ) وهكذا..............
* لكن على مين دى حكومه ناصحه ومضئرمه بعد القرار السابق بالظبط بـ48 ساعه ضافوا شرط جديد وهو ربط الدرجه الادبيه بالماليه يعنى مثلا لازم يكون معلم اول بشرطه(أ) على الدرجه الاولى و مثلا اللى هيدخل درجة كبير لازم يكون عدى عليه قطر قصدى كذا سنه فى الدرجه الاولى وهكذااااااااااااااا وعلى فكره كله بالقانون اللى بيقول ان المرحلة التانيه تطبق فى موعد اقصاه 1/7/2008؟؟؟؟؟؟؟؟؟؟؟؟؟؟؟؟؟ لان القانون زى ما كلنا عارفين ينص ياربع ياتمن و مافيش قانون 100 جرام ابدا
* المحصله الناس نزلت مره تانيه درجه لتحت على طريقة حاورينى ياويكا ................
زى ما انتم شايفين كانت عملية التظبيط دى عمليه فنيه معقده (زى نتيجه الامتحان بالظبط) ودى ناس شغاله وشقيانه فى العمليه الفنيه المعقده دى دى فعلا ناس زى الشمعه اللى بتولع - يارب - عشان تنور للناس ( الناس هنا هى الوزارة او الحكومه )
و بكده نوصل لنتيجه واحده ان اللى بيظبطوا النتيجه هم نفسهم اللى سبق وظبطوا الدرجات و الترقيات بس السؤال هم كام واحد اللى بيعملوا كده؟؟؟ ياترى كان عددهم زى الموجودين فى المغارة المشهوره ...... ( مش مغارة على بابا عشان ماحدش يروح بفكره لحاجه وحشه ) انا قصدى مغارة الوزارة بتاعة الاستاذ أحمد رجب ولا عددهم زى ابطال فيلم العظماء السبعه ولا فيلم الكادر له ابطال لوحده؟؟؟؟؟؟
عموما الواضح فعلا انها عمليه فنيه مكلكعه لكن على مين كفاءات الوزارة وبطانه الوزير ادها و ادود ويمكن فى الأخر ماحدش يطلع يستاهل ينجح ( على حسب الفلوس اللى هتفضل بعد المصاريف و السبوبه و توزيع الانصبه فى نصبة ( ارجوك تقراها صح بمعنى النصيب ومش حاجه تانيه ) الامتحان.............
وكله هيهيص و يجعله عامر

[شعاع أمل]

المشاركة الأصلية كتبت بواسطة ashrafnassr

النتيجه عمليه فنيه معقدة؟؟؟؟؟؟ ماشاء الله يعنى محتاجين فنان فى كنترول الكادر بس فلاش الفنان فاروق حسنى كفايه عليه الثقافه و طبعا مش اى فنان ده لازم يكون فنان لعيب ينفع أبو تريكه مثلا؟؟؟؟ طيب فنيه وفهمناها لكن ليه مكلكعه ؟؟؟ و بعدين مافيش درجة نجاح يعنى العملية طبخه حسب الفلوس الموجوده ودى مش اول مره الوزارة تعملها .................افكركم :-
* الاكاديمية الورقيه فى الاول عملت الدرجه على اساس استلام العمل ( الناس زعلت و اتقمصت ) لان ناس كتير ضاع عليها سنوات خدمه ( ضم مده خدمه ) ودول نزلوا درجه فى سلم الترقيات اللى يستحقه المعلم () .
* الاكاديمية الورقيه غيرتها و خلت الاساس تاريخ التعيين وده عمل راحه للناس اللى مصدقين حكاية الكادر لان كل واحد طلع درجه فى السلم الوظيفى اللى عليه العين.......... وبكده ناس كتير طلعت لفوق درجه ( كل الناس اللى فى اواخر الدرجة الماليه اللى هم عليها) يعنى معلم بقى معلم اول و معلم اول بقى معلم اول بشرطه(أ) وهكذا..............
* لكن على مين دى حكومه ناصحه ومضئرمه بعد القرار السابق بالظبط بـ48 ساعه ضافوا شرط جديد وهو ربط الدرجه الادبيه بالماليه يعنى مثلا لازم يكون معلم اول بشرطه(أ) على الدرجه الاولى و مثلا اللى هيدخل درجة كبير لازم يكون عدى عليه قطر قصدى كذا سنه فى الدرجه الاولى وهكذااااااااااااااا وعلى فكره كله بالقانون اللى بيقول ان المرحلة التانيه تطبق فى موعد اقصاه 1/7/2008؟؟؟؟؟؟؟؟؟؟؟؟؟؟؟؟؟ لان القانون زى ما كلنا عارفين ينص ياربع ياتمن و مافيش قانون 100 جرام ابدا
* المحصله الناس نزلت مره تانيه درجه لتحت على طريقة حاورينى ياويكا ................
زى ما انتم شايفين كانت عملية التظبيط دى عمليه فنيه معقده (زى نتيجه الامتحان بالظبط) ودى ناس شغاله وشقيانه فى العمليه الفنيه المعقده دى دى فعلا ناس زى الشمعه اللى بتولع - يارب - عشان تنور للناس ( الناس هنا هى الوزارة او الحكومه )
و بكده نوصل لنتيجه واحده ان اللى بيظبطوا النتيجه هم نفسهم اللى سبق وظبطوا الدرجات و الترقيات بس السؤال هم كام واحد اللى بيعملوا كده؟؟؟ ياترى كان عددهم زى الموجودين فى المغارة المشهوره ...... ( مش مغارة على بابا عشان ماحدش يروح بفكره لحاجه وحشه ) انا قصدى مغارة الوزارة بتاعة الاستاذ أحمد رجب ولا عددهم زى ابطال فيلم العظماء السبعه ولا فيلم الكادر له ابطال لوحده؟؟؟؟؟؟
عموما الواضح فعلا انها عمليه فنيه مكلكعه لكن على مين كفاءات الوزارة وبطانه الوزير ادها و ادود ويمكن فى الأخر ماحدش يطلع يستاهل ينجح ( على حسب الفلوس اللى هتفضل بعد المصاريف و السبوبه و توزيع الانصبه فى نصبة ( ارجوك تقراها صح بمعنى النصيب ومش حاجه تانيه ) الامتحان.............
وكله هيهيص و يجعله عامر