نصائح قبل الامتحانات

[شنطة حمزه]

الأولى : تاكلوا وتناموا كويس .
لو قرأت ساعه واحده وانت مستريح احسن من 4 ساعات وانت مجهد
وهتفتكر ان الدرس دخل دماغك لكن ع العكس تماما ..

و الثانية: لازم تعرف نفسك الاول .
بمعنى انك تشوف نفسك من النوع السمعى ولا البصرى .
يعنى لما تقرأ الدرس(تشوفه) المعلومات تثبت ولا لما حد يشرحهولك (تسمعه)
وعشان تعرف انت مين فيهم
خلى حد يقولك10 كلمات مختلفين ( كتاب ، مئذنة , سبعة عشر, هارون الرشيد ... )
ويكتب 10 كلمات تانيين برضه مختلفين و تقرأهم
وانت تحاول تكتب اللى فاكره فى كلا الحالتين
وبعد كده تشوف ايه الطريقه اللى ثبتت فى دماغك اكتر .

والثالثه :نوع فى المذاكره .
، فإذا تعبت من ماده علميه بدلها بماده ادبيه والعكس
واحسن طريقه للمذاكره انك تقرأ الكتاب كله مره واحده
وبعد كدهتقرأ فصل فصل
وبعد كده تقرأ كل جزئية بتركيز وتخطط ع المهم .


والرابعة: متخافش م الامتحانات,
زى اللى عايز يمشي من بيته للشغل فى ساعتين فلو قال لنفسه انا هوصل ازاى ؟ انا استحاله اوصل او قعد مش هيوصل ابدا ،
وإن قسم الوقت وقال لنفسه : انا لازم امشي 100 خطوه كل دقيقه
هيمشى مطمن وهيوصل ان شاء الله .

والخامسة:
ساعات يجي الطلبه قدام اللجنه ويحاولوا يفتكروا كل المنهج مره واحده فميفتكروش حاجه وساعتها يعتقدوا انهم نسوا كل حاجه ويخافوا ومايعرفوش يحلوا .
زى لما تحاول تفتكر كل اسماء صحابك مره واحده
طبعا استحاله هتعرف
لكن لو عدى من قدامك واحد منهم هتقول ده فلان بالظبط زى المذاكره .


والسادسة : بعد كل حاجه تذاكرها ريح شويه .
فى طلبه تذاكر الدرس كويس جدا وبعدين تراجع عليه تانى وتالت فى نفس الوقت وهو فاكر ان ده صح .
لكن مع الاسف هو عامل زى اللى بياخد صوره وياخدها تانى وتالت من غير ما يدير الفيلم فتبوظ الصورتين .


فيا أيها الطالب إذا أكملت استعدادك وعملت كل ما تقدر عليه ، فتوجه إلى الله وقل : يا رب , أنا عملت ما أستطيعه , وهناك أشياء لا أستطيعها ، أنت وحدك تقدر عليها , فاكتب لي بقدرتك النجاح , ولا تجعل ورقتي تقع في يد مصحح مشدد لا يتساهل , أو مهمل لا يدقق , أو ساخط أو تعبان لا يحكم بالحق .

وانظر قبل ذلك ، فإن كنت على معصية في سلوكك وفي عملك فتب منها ، وإكنتِ أيتها الطالبة على معصية في ثيابك ولباسكِ وسترتكِ وكنت على مخالفة لحكم الشرع فارجعي عنها ، وإن كان منكم جميعاً تقصير في حق الله ، فدعوا التقصير ، وأقيموا الفرائض ، واجتنبوا المحرمات ، فإن هذا هو طريق النجاح .

شَكَوْتُ إلَى وكيعٍ سُوءَ حفظِي --- فأرشدَنِي إلى تركِ المَعَاصِي
وقَال بأنّ هذَا العِلم نـُور --- ونور الله لا يـُهْدَى لعَاصِي