|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
11-07-2008, 09:00 PM
|
||||
|
||||
I.A.M .... love station
بسم الله الرحمن الرحيم ازيكم ياجماعة هنا نقدر مع بعض نناقش مشكلات الحب ...... ونقدر نتعاون مع بعض علي حلها يقدر اي حد عنده مشكلة في الحب يتكلم عنها ويقولنا اسبابها ومعالمها واحنا نقدر نساعده . وممكن للاعضاء برضه انهم يردوا برأيهم علي العضو اللي عنده مشكلة وبكده نقدر نجمع اكبر قدر ممكن من الحلول ونقدر نناقشها ونوصل للحل الافضل . اتمني ينال الموضوع اعجابكم ...... وفي كل يوم هنناقش قضية جديدة في الحب بحيث ان كل واحد يقدر يعبر عن رأيه بكل طلاقة ومرونة. |
|
#2
11-07-2008, 09:27 PM
|
||||
|
||||
بسم الله الرحمن الرحيم
__________________
الأماكن زي البشر .. بعضهم بيبقى عايزك و مش عايزك تمشي وبيحببك فيه عشان تفضل.. والباقي بيكون مش عايزك و بينفرك منه عشان تسيبه
|
, و كاتمه جوايا كلام كتير اوي اوي , محدش يعرف حاجه عنها ولا حتى أقرب صديقه ليا .. مش عارفه ليه بحاول اخبيها عن كل الناس و كل لما اقعد عن نفسي و افكر فيها بلاقي نفسي انهرت في عياط جامد اوي|
#3
11-07-2008, 11:29 PM
|
||||
|
||||
|
اقتباس:
اهلا بيكي آنسة بوسي معانا ...طبعا تقدري تشاركي معانا يالمشكلة بتاعتك وايضا بالرد بتاعك علي اي مشكلة تانية لاي عضو اخر...... واتفضلي اعرضي المشكلة بتاعتك وان شاء الله تلاقي الرد علي مشكلتك .....وانا بصراحة باعتبر الموضوع ده عبارة عن فضفضة يمكن ترتاحي معانا وتلاقي الحل .. اوكي مستنيينك . |
|
#4
12-07-2008, 01:14 PM
|
||||
|
||||
|
بسم الله الرحمن الرحيم
اسمح لي اتكلم و اطول شويه بص انا قصتي دي بدأت من أكتر من 4 سنين , انا حبيت واحد جارنا من كل قلبي , و اتعلقت بيه اوي بطريقه محدش يقدر يتخيلها , اخويا يبقى صاحبه اوي يعني , المهم انا كتمت الحب ده جوايا كتير اوي , و اتعذبت بيه كتير اوي , و الحب ده الحمد لله مش عطلني لا عن دراستي ولا عن شغلي , بالعكس الحب ده كان بيحفزني للمذاكره و للشغل , بحس دايماً باللي بحبه ده و هو معايا او مش معايا , المهم وصلت لدرجة اني مش بقيت قادره اكتم جوايا اكتر من كده , فرحت -بكل غباء- و صارحته بمشاعري دي , فقالي ان اخويا صاحبه و هو مش يقدر يخون صاحبه , مش فهمت هو قصده ايه , يعني هو الحب ده من طرف واحد ولا هو كمان بيحبني بس مش عايز يخون اخويا و صاحبه !! , انهرت بعدها اوي اوي و دخلت المستشفى و اهملت في نفسي اوي , فواحده صاحبتي من اللي بيكلموا ولاد و كده راحت و كلمته و عملت نفسها هي اللي بتحبه قالها انا بحب واحده و مش راح اقدر اقولك مين دي , مع العلم انه هو عارف انها صاحبتي , لإنها كلمته من رقم موبايلي و قالت لي اني معاها هتقولي طب المشكله فين يعني؟ المشكله اني بجد متعلقه بيه اوي , و دايماً بتمنى انه يكون معايا و نعيش مع بعض باقي عمرنا , انا مش عارفه انساه و مش متصوره حياتي من غيره , و مش عارفه هو بيحبني ولا لأ , انا مش عايزه اروح اكلمه تاني , لاني بجد عارفه اني اغضبت ربنا بكده , و انا كان نفسي الحب الجميل ده يكمل بس للأسف بيس كل مايتمناه المرء يدركه , انا حاسه اني حكايتي معاه دي هتنتهي بالموت .. مش قادره بجد , انا حاسه اني بموت من غيره في اليوم ألف مره , و هو عمره ما حس بيا ولا هيحس بيا , انا فقدت الأمل في الحب ده , و انا مش عارفه ازاي افقد الأمل و انا اللي شغلتي اني احيي الأمل في قلوب الناس , لإني بشتغل في مجال مكافحة المخدرات مع عمرو خالد (حملة حمايه - حماة المستقبل) , بحاول عشان انساه اني بكتر من شغلي , و بروح احضر دروس في المساجد و مشتركه في انشطه رياضيه , بس برضو مش عارفه انساه , تفتكر اعمل ايه , انا بشتاق له بطريقه غريبه اوي , بستغرب منها انا ساعات ! , انا عايزه انساه لإنه مش ليا , صعب احب واحد مش ليا و المشكله اني عارفه كده و مستمره في حبي ليه , و حبي ليه بيزيد يوم بعد التاني انا حاسه اني في دوامه و محتاجه اي حد يساعدني و بسرعه , انا حاسه ان الموت اقرب لي منه .. !!!
__________________
الأماكن زي البشر .. بعضهم بيبقى عايزك و مش عايزك تمشي وبيحببك فيه عشان تفضل.. والباقي بيكون مش عايزك و بينفرك منه عشان تسيبه
|
|
#5
12-07-2008, 03:47 PM
|
||||
|
||||
|
اقتباس:
اهلا بيكي ياآنسة بوسي معانا مرة تانية .... وبأشكرك علي مشاركتك معانا .... واحب اقولك انه من الصعب ان الواحد ينسي اي حد بيحبه بسهولة وخاصة لو كان زيك كده بيحبه اوي وبيزيد حبه كل يوم عن اللي قبله .... انا الحكاية ده حصلت معايا انا شخصيا ..... كنت بحب واحدة وحب اخر حاجة ولسه لحد الوقتي بحبها ولمدة اربع سنين بس عمري ماكلمتها ... لكن في سااعات احس انها بتحبني اوي وساعات تانية احس انها مطنشة ..... وبعتلها ناس كتير اوي وكانت بتقولهم لا انا مش بحبه .... وساعتها بس حسيت نفس الاحساس اللي انتي بتمري بيه وحسيت اني في دوامة وصرحت لكل اصحابي انهم يساعدوني بس ماحدش قدر يساعدني .......... لكن انا هاحاول اساعدك .......... هنحاول كلنا كل الاعضاء يشاركونا بآرائهم وبجد هنقدر نناقش الاراء ده ونقولك علي افضل حل ...... عالعموم انا عاوز اسألك سؤال .... ياتري انتي حاسه من ناحيته هو بأي حب او حتي اعجاب يعني هو لما قال لصاحبتك انه بيحب واحدة تانية كلامه ده كان علي حد تاني خالص والا كلامه ده كان عليكي...؟ ياريت تفيديني بالاجابة علي السؤال علشان اقدر اساعدك ...... واقولك رأيي |
|
#6
12-07-2008, 05:15 PM
|
|||
|
|||
|
على فكرة يا حبيبتى
هو بجد ممكن و احتمال كبير فعلا يكون بيحبك انتى تستنى لانه لو بيحبك لازم هيقولك او يتقدملك لكن صدقينى اوعى تكلميه تانى لانك كده بترخصى نفسك فى نظره و ربنا كاتبلك الأحسن انا عارفة شعورك لانى عايشاه حاليا بس برده لازم تصبرى ولو عايزة اجمل حاجة صلى صلاة استخارة هل تفضلى تحبيه او خلاص تحاولى تنسيه و صدقينى اكيد ربنا كاتبلك الأحسن
__________________
(( سبحان الله ... لا تبكى نفسى على شىء قد ذهب .. ونفسى التى تملك كل شىء ذاهبة ))
|
|
#7
12-07-2008, 05:21 PM
|
|||
|
|||
|
انا هضيف مشكلتى بس مش دلوقتى علشان مفيش وقت
بس صدقنى لازم افضفض
__________________
(( سبحان الله ... لا تبكى نفسى على شىء قد ذهب .. ونفسى التى تملك كل شىء ذاهبة ))
|
|
#8
12-07-2008, 05:53 PM
|
||||
|
||||
|
الحقيقة ربنا يكون في عونك
انا هحاول اقدم حل بس مش عارف اذا كان هيبقى كويس ولا لأ لأني محبتش قبل كده متهيألى ان انتى لازم تقربي من ربنا اكتر من كده تقربي بجد كتري من السنن والنوافل احكي لربنا واشكيله في صلاتك حاولى تكتري من قيام الليل والصوم اتمن انك تستفيدى من الرد وربنا يثبتك
__________________
{والذين جاهدوا فينا لنهدينهم سبلنا وان الله لمع المحسنين}
باستطاعة الرجل ان يبنى امة لو صحت رجولته |
|
#9
12-07-2008, 08:24 PM
|
||||
|
||||
بسم الله الرحمن الرحيم
اقتباس:
و بعدين هي قعدت ترن عليه من موبايلها و كده , و هو عصبي حبتين , فاتصلت بيه فراح مزعق و قالها إيه قاعده ترني ترني انا صدعت و مش هقولك انا بحب مين و ياريت مش تتصلي بيا تاني و مش اتصلت بيه تاني عشان مش تخنق عليه يعني أنا عارفه اني بتعبك معايا , بس بجد ربنا يجزيك خير على مساعدتك دي , و يارب يقدم اللي فيه الخير == حبيبتي مشتاقه لربي اقتباس:
انا عمري ما راح اكلمه تاني ,لإني مش عايزاه ياخد عني فكره وحشه , كفايه تهوري و بإني رحت صارحته و عموماً يا قمر اطرحي مشكلتك و ان شاء الله اقدر اساعدك بحبك في الله == thedreamer33 اقتباس:
و عارفه ان ده حرام , بس بجد ربنا يشيل عني و عن كل اللي زيي ربنا يكرمك لمساعدتك و يسعدك يارب 
__________________
الأماكن زي البشر .. بعضهم بيبقى عايزك و مش عايزك تمشي وبيحببك فيه عشان تفضل.. والباقي بيكون مش عايزك و بينفرك منه عشان تسيبه
|
|
#10
13-07-2008, 01:25 AM
|
||||
|
||||
|
[QUOTE=bo$y;569143][CENTER][B][FONT="Comic Sans MS"][SIZE="4"][COLOR="DarkOrchid"]بسم الله الرحمن الرحيم
هي قعدت تتحايل عليه و ترخم فقالها انا هقولك مين دي , بس بشرط مش تقولي لبوسي , و انا كنت قاعده معاها و سمعت الكلمه دي منه , و قفل معاها عشان كانت مامته جنبه و بعدين هي قعدت ترن عليه من موبايلها و كده , و هو عصبي حبتين , فاتصلت بيه فراح مزعق و قالها إيه قاعده ترني ترني انا صدعت و مش هقولك انا بحب مين و ياريت مش تتصلي بيا تاني و مش اتصلت بيه تاني عشان مش تخنق عليه يعني أنا عارفه اني بتعبك معايا , بس بجد ربنا يجزيك خير على مساعدتك دي , و يارب يقدم اللي فيه الخير اهلا ياجماعة بس بجد انا باشكر اي حد تكرم واشترك معانا برأيه ونحب نقول ان كل رأي بيطلعنا لخطوة جديدة ولعلنا استفدنا منه ..... بالنسبة ليكي ياآنسة بوسي .... انا عاوز اقولك انك بجد صعبانة عليا اوي .... علشان بجد الحالة ده انا وصلتلها في يوم من الايام لكن بجد اتمني ان احنا نجمع اكبر قدر من الاراء ونقدر نحللها علشان نوصل لافضل حل ......... وبجد انا باحاول اقرا آرائكم كلها وافكر في كل رد كويس علشان اقدر اوصل لحل كويس واتمني باقي الاعضاء يشتركوا معانا بآرائهم ومشكلاتهم علشان نقدر نوصل لحلول جامدة آخر حاجة.. لكن بجد يابوسي ..... اولا ... انا عايزك بجد تقدري تقعدي مع نفسك اكتر من مرة وتحاولي تفكري في اللي انتي بتحبيه ده اوي ... وتحاولي تعرفي توصلي لكل شئ عنه وتعرفي اي حاجة عنه واي سر من اسراره .. ازاي ؟؟ ممكن تقولي لصاحبتك اللي تقدر تكلم صبيان وعادي تسال عنه اقرب اصحابه وتعرف عنه كل حاجة ده لو انتي بتحبيه بجد وتحاول تركز انها تعرف اي صفة من صفاته وايه اهم مميزاته وايه اهم عيوبه .... والاهم انها تعرف اذا كان ليه علاقة بحد قبل كده وهل مازال له علاقة بحد وهل هو كويس والا من الشباب اللي هم مدينها طناش وبيلعبوا بمشاعر البنات ..... ياريت تعرفي ده كله . ثانيا .... عايزك تقعدي مع نفسك تاني بعد كل اللي عرفتيه عنه وتسألي نفسك سؤال وحيد هل حبك ليه قبل ماتعرفي عنه الحاجات ده اقل من حبك ليه بعد ماعرفتي عنه حاجة والا لا ؟؟ وتردي علي نفسك بجد ثالثا .... لو بجد حسيتي ان حبك ليه زاد .... اقدر اقول ان الولد ده كويس وممكن يكون بيحبك لدرجة كبيرة اوي ..... وتبدأ رابع خطوة ... رابعا.... تقدري بعد كده تحسي بمشاعره ناحيتك وتشوفيه هل هو مهتم بيكي والا لا ؟؟ لو هو مهتم تبدأ الخطوة الخامسة ... خامسا ... تبدأي انك مرة مثلا تبينيله انك مهتمة اوي وده بالنظرات والابتسامات ... ومرة تبينيله انك مش مهتمة بالموضوع اساسا وده مثلا تشوفيه تبصي الناحية التانية وماتبديلوش اي اهتمام .... مرة كده ومرة كده ......... وبجد لو هو مهتم بقي هتلاقيه يبدأ يسأل نفسه هي بتحبني والا لا ؟ طب لو كانت بتحبني ليه ساعات بتبين انها مش مهتمة .... لا بس ده بتبينلي في ساعات انها بتحبني .؟؟ والله مانا عارف .. ويبدأ يحتار وهيتشقلب حاله وحياته كلها .... ويبدأ يسأل عنك كل قريب وبعيد هل انتي بتحبيه والا لا ؟؟ .... وهنا بقي تبدأي تحاولي تصلحي غلطتك الوحيدة اللي هي انك كلمتيه وقليتي في نظره بس انا مااقدرش الومك علشان اللي بيحب حد بيحاول يوصله بأي طريقة وبيبقي نفسه يقوله ويقول العالم كله .... لكن تبدأي بقي تصلحي من وضعك ازاي؟؟؟ هو ممكن يبدأ يحاول يكلمك او يبعتلك حد يقولك انه مثلا عاوز يتكلم معاكي ... انتي هنا تبدأي مش ترفضي انك تكلميه .... لا تسكتي وماتتكلميش وماترديش بالقبول او بالرفض تبدأ تزيد حيرته اكتر ويزيد حبه ليكي اكتر وممكن بعد ماتتاكدي من حبه انك توافقي تتكلمي لكن مش المقابلات والحاجات ده ممكن تخلوا في رسول يوصل الرسايل بس ..... سادسا .... نرجع بقي لقبل كده طب لو هو مش مهتم ولا حصل كل اللي فات .... بجد بجد بجد هو مش بيحبك ولازم تحاولي تنسيه فورا .... ازاي ؟؟؟ ( مع انه من الصعب ان الواحد ينسي اللي بيحبه بسهولة وخاصة لو كان حب جامد اخر حاجة زيك كده ) لكن مافيش حاجة مستحيلة ... النسيان.... ممكن تنسيه لو قدرتي تقعدي مع نفسك وتفكري وتقولي لنفسك ازاي احب واحد مش قادر يفهمني ويحسني انا لازم انساه وتحاولي تحطي اوحش صور واوحش صفات واوحش معالم ومواقف ليه وبجد انا متأكد انك هتكرهيه وهتنسيه بكده النسيان ايضا .... ممكن بحب آخر .... ياريت تقدري تفكري في كل اللي حواليكي وتفكري وتلاحظي اوي مين اكتر واحد حاسس بيكي وبيحبك اوي وتحاولي تحطي مميزاته قدام عينيكي وتفكري فيه كتير وبكده يكون في حياتك حب اخر ينسيكي الحب القديم... ( لايمكن ان ينسي الانسان حبا عزيزا الا بوجود حب اخر في حياة الشخص) ( اذا اردت شيئا فاطلق سراحه .. فان عاد لك فهو ملكك للابد ..وان لم يعد فهو لم يكن ملكك من البداية) وفي النهاية احب اقول ياريت اسمع ردودكم ونحاول مع بعض نعالج اي مشكلة مع بعض ........................ |
|
#11
13-07-2008, 02:16 AM
|
||||
|
||||
|
[CENTER][B][FONT="Comic Sans MS"][SIZE="4"][COLOR="DarkOrchid"][QUOTE=happiness_sadness7;569998]
اقتباس:
مانا أكمل لك الحكايه انا فعلاً خليت صاحبتي تكلمه و الكلام ده كان من شهر 5 كده كلمته تاني وقالت له الحقيقه كلها واني انا اللي بحبه مش هي و قالت له مش تزعل و حصل خير و قالها انا مش زعلان خلاص و سألته "هو مافيش امل تحب بوسي يعني؟" قال لها "بصي انا بصراحه بحبها و كل حاجه , بس أنا مش عايز اخون صاحبي اللي الصبح بقعد اخرج معاه و اهزر و بعدين آجي بالليل و اكلم اخته على إني بحبها , كده هخونه و انا مش عايز اطعنه في ضهره و هو مش يستاهل مني كده" و قالها انه متضايق عشان انا جيت وصارحته و كده و بعدين كلمها بعدها بكام يوم و قال لصاحبتي انها ممكن تكون حلقة الوصل بيننا و اهو كده خبط عصفورين بحجر بإنه فضل معايا و كمان مش خان اخويا .. هي قالت لي يا بوسي بصراحه انا ساعات بحس انه بيحبك اوووووي و ساعات بحس انك بيس يعني مش مشكله , فقلت لها خلي الأيام تورينا الحقيقه مش تستعجلي , و فعلاً كان بارد اوي في كلامه و مره خليتها تقوله اني حاسه باني مش فارقه معاه فرد على صاحبتي و قالها"يعني انا بكلمك ليه يعني؟؟ مش عشانها؟ و هي يعني لو مش فارقه معايا كنت هكلمك اصلاً؟؟,خليها تبطل التفكير ده" اتضايقت اوي من نرفزته دي , و من بروده و قعدت أعيط , و بعدين يوم امتحان الانجليزي كان وحش اوي فخرجت منهاره و خبطتني عربيه و بقيت ماشيه بعرج , فهي راحت وقالت له بوسي اتخبطت و وصفت له حالة الإنهيار اللي كنت عليها , فقالت لي بصراحه انه زعل اوي و قعد يقولها خليها تخلي بالها من نفسها مش عشان امتحان جه صعب تعمل في نفسها كده و قالت لي لأول مره اشوفه زعلان يعني كده المهم انا تعبت اوي من بروده ده و قلت خلاص no way الواد ده مش بيحبني فقلت لصاحبتي قولي له اني هسيبه عشان انا حاسه انه متكبر (و هو فعلاً بحس بكده انه متكبر و متعنطز اوي) و راحت قالت له كده وقبل ماتكمل كلامها الكريدت فصل منها فاتصل بيها و قالها كلميني انا كمان مش معايا كريدت.. فقولت لها طنشي خلاص هو بيكلمك عشان يعرف بس انا هسيبه له , فاتصل صاحبه اللي كان معاه بصاحبتي و قالها كلميه حالاً لإنه واقف في نص الطريق بالعربيه و بيرجع و تعبان اوي , فصاحبتي شحنت و كلمته و فهمته , قالت لي والله العظيم عيط و قالها انه هيحاول يغير من طريقته بس انا مش اسيبه و قالها انه ماصدق لقاني و كلام غريب كده المهم فعلاً بدأ يغير طريقته , و خلى مامته تكلمني بعدها بفتره وقالت لي انها بتحبني اوي و قالت لي انها اول مره تحس ان ابنها بيحبني اوي كده و قالت لي على فكره هو فيه حاجات كتيره فيه اتغيرت للأحسن من يوم ما حبك و كده , و انا واثقه فيكي و بعدين انا من كام اسبوع كان لازم اخضع لعلميه جراحيه و عملتها و صاحبتي طبعاً (الرويتر) قالت له ان بوسي بتعمل عمليه , قالت لي فضل قلقان عليا و بيتصل بيها كل شويه عشان يطمن عليا , لحد ما قومت بالسلامه , و الإسبوع اللي فات كان مطلوب مني في شغلي اني اروح مشوار صعب اوي اوي كنت متشائمه منه و حاسه اني مش هرجع وقلت لصاحبتي اني لو حصل لي حاجه قولي له اني مسامحاه على كل العذاب اللي عذبهولي و التطنيش اللي طنشهولي و كده , فراحت قالت له عالمشوار و تفاصيله و قالت له احتمال بوسي مش ترجع و مش تشوفها تاني , قالت زعل اوي و قالها لأ ان شاء الله ترجع , ماتقوليش عليها كده هي هترجع و هتبقى ليا ان شاء الله و هنكمل مع بعض عمرنا و قالت بجد كان قلقان اوي اوي و دمه محروق و مش طايق نفسه و انا لاحظت عليه كده فعلاً , و اخويا كل ما يكلمه يقوله انا مخنوق و مش بيقول لأخويا مخنوق ليه طبعاً انا برضو حاسه انه مش بيحبني و اني مش فارقه معاه , كتير اوي بحس بكده , بس انا والله بحبه و بحبه دلوقتي اكتر من الأول , ونفسي أوي افديه بروحي , انا بعشق التراب اللي بيمشي عليه و بغير عليه من نسمة الهوا , انا نفسي اتواصل معاه بطريقه شرعيه , نفسي أصاحب أخته الكبيره , بس مش عارفه اتصاحب عليها ازاي دي , ولا عارفه ادخل لها منين اصلاً , هي من النوع اللي مش بيحب يصاحب حد كتير اوي , و على فكره هو بيقول انه جه و كلم اخويا و قاله انه بيحبني و عايز يتجوزني و فعلاً اخويا لمح لي بحاجه زي كده , و انا اللي عملت فيها عبيطه مش عارفه انا محتاره اكمل معاه , مش حاسه انه بيحبني .. اقسم لك بإيه انه مهما وصلت درجة حبه ليا .. عمره ما هيعرف يحبني عُشر الحب اللي انا حبتهوله ولا عمره هيحس بالعذاب اللي انا بتعذبه كل يوم بسببه ولا بيفكر فيا زي مانا بفكر فيه قبل ما بفكر في نفسي و قبل ما انام بحلم بيه . و افكر فيه , و بدعي ربنا انه يجمعني بيه .. انا عارفه اني متعبه و رغايه بس سامحني
__________________
الأماكن زي البشر .. بعضهم بيبقى عايزك و مش عايزك تمشي وبيحببك فيه عشان تفضل.. والباقي بيكون مش عايزك و بينفرك منه عشان تسيبه
|
|
#12
13-07-2008, 05:24 AM
|
|||
|
|||
|
صدقينى هو بيحبك اووووووووووووىو يمكن زى ما انتى بتحبيه بس هو مش راضى يعترف والله يا بنتى الولد ده انا مجربة زيه وهو اللى انا عايشاه بالظبط
بس صدقينى هو بيحبك اووووووووووووى و بيبان فى الظروف الجامده زى مرضك و الحمد لله ان ربنا قومك بالسلامة بس انا رأيى انى طالما كلم اخوكى يبقى هو ولد كويس والله يا بنتى رأيى كملى معاه و ربنا يوفقك ووبجد هو بيحبك وان شاء الله تتأكدى و انا عن نفسى متأكده تماما
__________________
(( سبحان الله ... لا تبكى نفسى على شىء قد ذهب .. ونفسى التى تملك كل شىء ذاهبة ))
|
|
#13
13-07-2008, 05:58 AM
|
|||
|
|||
|
هحكيلكم حكايتى انا بقا
انا عندى 15 سنة فى 2 ثانوى و دخلت النت من 3 سنين اشتركت فى موقع للاهلى و بعدينن انا بحفظ قران و الحمد لله ربنا مدينى صوت جميل و كل اللى يسمعنى بيحب دايما يفضل يسمعنى لان الكل بيقولى كده وفعلا طول حياتى ما حبتش حد الا اعجاب و كله بخبى جوايا و مش بقول لحد المهم دخلت الموقع وانا اساسا طيبة وعلى نياتى والله و لقيت ولد كده و هو والله طيب بس متحرر اوى و بيعرف بنات كتييييييييرة اوى و بيفتخر بكده المهم اتعرفت عليهه بعد فترة شويه شويه بقينا اخوات وهو كان بيحب واحدة و احنا بنعتبر بعض اخوات مش اكتر وانا دايما كنت بدعيله يتجوز البنت دى بس للأأسف ما كانتش كويسة و سابته و دمرته بجد و هو كان ضعيف اووووووى و كان ممكن يعمل فى نفسه حاجة انا وقفت جنبه اوى و فعلا كل صحابة الأولاد اتخلوا عن انا فضلت جنبه لغاية ما قدرت انى اكسر الحزن اللى جواه لانه كان بيموت فيها بعدها قالى انه بيحبنى وكده انا مش صدقتش نفسى لانى برده كنت بحبه بس انا كنت عايزة اغيره للأحسن المهم فضلت معاه لغاية ما بطل سجاير و بطل يشوف بنات نهااااااائيا رغم انه كان كل كلامنا على الشات مش اكتر و بعدين كلمته على الموبايل لاول مرة فى حياتى و قالى قوليلى بحبك قولتله اسفة انا عمرى ما قولتها لحد و عمرى ما قولتها لولد قالى مش مشكلة و فضلنا مع بعض لغية 2 ثانوي يعنى السنة دىوعلى فكرة انا شاطرة اوى فى الدراسة انا جبت فى 2 اعدادى 278 ونص من 280 وفى تالتة اعدادى 271 و كنت ناقصة 5 رسم وفى اولى ثانوى جبت 295 ونص من 300 يعنى انا اصلا معروفة انى دحيييييييييييحة اوى و امووووووت فى المذاكرة بس هو بصراحة دبلوم و بيدخل الامتحانات بالغش و بينجح بالفلوس كالعادة ده كان مضايقنى بس انا كنت بحبه اوووى و بعدين فى 2 ثانوى قل جدا دخولى للنت و هو كان بيزعل بس مستحمل علشان مستقبلى جه فى الاخر قرف منى و حب واحدة تانيه كلهم قالولى انه باعنى و انه بنى ادم زبالة و انا قولت خلاص هنساه و تألمت على كده المهم البنت دى الى حبها سابته و رجع اتدمر تانى و هو حاليا بيكلمنى و عايز يرجع وانا قولتله انى مستحيل ارجعله لانه باعنى بس هو ما فقدش المل و بيكلمنى على طول على الميل وكده و انا سبتله الموقع اللى كنت مشتركة معاه فيه ده بالنسبه للأول بعدين انا لاحظت فى فترة كده ان فيه ولد جنبنا على طول بشوف كتير قدام بيتنا و انه مصاحب اخويا رغمفرق السن حوالى 4 سنين وهو ازهرى و بنى ادم محتررررررررررررررررررررررررم اوى بجد و حافظ القران و معروف انه زى البنات فى الطيبة و الكسوووف بيتكسف من خياله صدقونى بس هو كان بيقرب من اخويا و بيجيبه هدايا و هو قدى رايح 3 ثانوى ازهرى وبرده زى دحيححححححححححح اووى فى المذاكرة و انا بصراحة حبيته فعلا بعدين ما الأول سابنى لان الولد ده متمسك بيا اوووووووووى و بعدين هو كان بيرن على موبايل اخويا و مرة عن طري الغلط انا فتحت عليه و كلمته كده عدى كان بيسأل على اخويا و مرة تانى كلمنى قاصد فى الصبح لانه عارف انى بسهر اذاكر و هو كمان بيذاكر و كان بيرن االمهم انا احترمته لما راح كلم اخويا و قاله انا بحب اختك والله وانا اول ما شوفتها لقيت نفسى بحبها اووى زى فيلم من نظرة عين انا احترمته اوى لانه دخل البيت من بابه بجد هو انسان محترم اووى و كان بكتب فيا شعر و يوريه لاخويا و مرة حلم بيا قال لاخويا برده باختصار هما كانوا اصحااااااااااب اوووووى و انتيم جدا ومحدش فيهم بيخبى على التانى حاجة و هو بسببى وقع فى مشاكل بسبب الأولاد اللى فى الشارع بس هو ما هموش حاجة وانا فعلا حبيته اووووووووووووووى لدرجة انى لما بشوفه مش عارفة اقولكم ايه بحس انى طاااااااايرة فى السما و هو بجد بيحبنى اوووى و كل حاجة بتقول كده بس المهم انا اكتشفت ان صاحبتى بتحبه ودى صاحبتى الانتيم اوى و اعرفها من اكتر من 6 سنين انا ما عنديش استعداد اخسر صاحبتى علشان ولد و هى ما قالتليش انها بتحبه بس ده واضح و دايما بتحاول تلفت انتباهه ليها و المشكلة انه زكى اوووى و لاحظ كده و قال لاخويا ان صاحبه اختك بتحبنى و طلب منه انى ابعد عنها انا مش عارفة اعمل ايه بحب واحد صاحبتى بتحبه و واحد عايز يرجعلى وانا مستحيل ارجعله لانه خان و انا وهو متناقضين تماما هو ما يعرفش حاجة عن الدين و حياته كلها بالفلوس لكن التانى عكسه تماما و محترم اووى حد يفهمنى اعمل ايه علشان انا محتارة اوى
__________________
(( سبحان الله ... لا تبكى نفسى على شىء قد ذهب .. ونفسى التى تملك كل شىء ذاهبة ))
|
|
#14
13-07-2008, 11:30 AM
|
||||
|
||||
|
[QUOTE=bo$y;570140]
اقتباس:
لا ماتقلقيش ياآنسة بوسي انا مش متضايق خالص علي فكرة وبجد بجد باحاول اجمع كل حاجة علشان اقولهالك واحاول افكر في كل حاجة واربط الخيوط ببعض علشان اساعدك ... وياريت اكون باقدر اساعدك او بتستفيدي باي حاجة ... علشان لو ماكنتيش بتستفيدي يبقي الموضوع كله مالهوش لازمة وابقي انا غلطان اني عملت الموضوع اساسا .. عالعموم .... كل واحد فينا بيحب حد اوي وبيخلصله اوي بيجي عليه الوقت وبيحس فيه ان الطرف الآخر مش بيحبه او بيتهيأله انه مطنشه وده طبيعي .... بس بجد من كلامك فهمت انه بيحبك اوي وبجد مايقدرش يستغني عنك ازاي ؟؟؟ بدليل انه اتضايق اوي لما صاحبتك قالتله انك هتسيبيه وكمان عيط ده يبقي وصل لمرحلة جامدة من الزعل وده دليل علي انه مايقدرش يستغني عنك .... وكمان غير من طريقته علشانك ومامته كمان ملاحظة كده ده دليل علي انه بيحاول يلبيلك كل طلباتك ... بس بجد هو بيحبك اوي ... وبعدين ده عايز يحافظلك علي كرامتك ومش عايزك تسقطي من نظره .... والدليل علي كده انه ماحاولش يكلمك انا عارف انه نفسه يكلمك وانتي نفسك تكلميه وعارف كمان انه بيجاهد نفسه علشان يحاول يحافظلك علي كرامتك بجد .... وكمان الدليل التاني انه راح كلم اخوكي وبكده يبقي مشي في الطريق الصح .... ووالله هو ده الولد اللي بيحبك بجد ومخلص لاخوكي وبجد كملي معاه .... وحاولي تعرفي كل حاجة عنه واللي بيحب حد لازم يعرف كل حاجة عنه ولازم تخلي روحك تتلائم مع روحه . ومش معني انك حاسه انه مش بيحبك يبقي خلاص مش بيحبك ... الحب ده افعال مش كلام ... وبجد انا شايف من افعاله انه بيحبك ... وكملي معاه عادي بس برضه احذري منه شوية يعني ماتديلوش كل حاجة مرة واحدة علشان مايبقاش في ملل في العلاقة بينكم وبرضه علشان تفضلي محيراه ليله ونهاره بيفكر فيكي ..... وزي ماقلتلك مرة كده ومرة كده ليه ماتخليهوش هو محتار زي ماهو محيرك برضه ... بصراحة ده رايي ........ ياريت يكون مفيد او حتي تستفيدي منه بجزء ولو بسيط ..... ولو عندك لسه كلام قوليه واحنا كلنا آذان صاغية وعقول مفكرة والسنه مرددة .... وماتتردديش انا عمري ماتضايق من صديق باحاول اساعده.... |
|
#15
13-07-2008, 11:41 AM
|
||||
|
||||
|
اقتباس:
اولا يا آنسة مشتاقة .....احب اشكرك اوي علي مشاركتك معانا ....وبجد بجد بأقدر آرائك اوي وبأحس انها اكيد بتفيد .... وياريت تشاركينا علي طول بالردود والمشكلات0. |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 05:56 PM.
