مسئلة أستاتيكا مش هتقدر تغمض عنيك

[strawberry]

السلام عليكم و رحمة الله و بركاته
في الشكل إذا كان الجسم 200 متزن
إوجد قياس زاوية (ي) و قيمة (ق) بأكثر من طريقة
ملحوظة : عدد الطرق تتراوح بين 6:8 حلول و شكرا
الرسمة في المرفقات
شرح بسيط للرسمة : القوة ق جذر 3 عمودية على القوة ق

[غازى عبداللا]

هذا هو الحل الأول يا عم zolfa

[Its My Life]

ياريت يا مستر تقول باقي الحلول
وشكرا على الحل الاول

[Its My Life]

وشكرا ليكي يا زلفي على السؤال

[strawberry]

العفو يا بوسي
بس في أنتظار باقي الحلووووووووووول
جزاك الله خيرا يا أستاذ
بس أنا مش عارفة الحلول أنا عارفة 2 بس
بمثلث القوى و قاعدة لامي
و شكرا جدا للأهتمام

[strawberry]

الغفو يا بوسي
بس في أنتظار باقي الحلووووووووووول
جزاك الله خيرا يا أستاذ

[strawberry]

انا منتظرة الأجابة

[غازى عبداللا]

يا أخت زولفى انا حليت المسالة اللى انت بتقولى لها 8 حلول يعنى حل واحد يكفى الا اذا كنت عايزة تختبرى المدرسين وطالما قلت ان لها 8 حلول يبقى انت عارفاها وبتسالى بس كدة علشان تضيعى وقت

[Its My Life]

يا مستر الموضوع مش كده
الموضوع ان مدرس الدرس قال انها ممكن تتحل ب8 حلول وسايبها تفكر فيهم
فياريت حضرتك لو تعرف لها حلول تانيه متبخلش علينا بيهم

[غازى عبداللا]

ياحبيتى يا بوسى نحن لسنا فى مسابقة مع مدرس الدرس المسالة طالما اتحلت يبقى الموضوع انتهى و اذا كان هو عايز يكمل معاكو باقى الحلول يكمل أما احنا اتعرض علينا مسألة وتم حلها والموضوع انتهى وخلاص وسلمى لى على مدرس الدرس

[احمد الديب ( ابو زياد )]

مع اني دائما مع الطلبه في وجهات نظرهم ودائما احب انهم يكونو والله مبسوطين ومتفوقين لكن للاسف انا مع الاستاذ غازي ليس لمصلحه شخصيه ولا اي شيء

لكن انا اري انه علي حق

عموما هذا التمرين لايمكن حله بـ 8 طرق

وبعدين ايه حكاية من 6 الي 8 ده يعني همه لو 6 نقول سته ونسكت طيب لو 8 نقل 8 ونسكت حكاية من الي دول يعني مش مبلوعه خالص

وبعدين حل التمرين بـ 8 طرق مستحيل ونتحدي خالص

لكن هوه ممكن التلاعب في خطوات الحل باكثر من طريقه للحل وفي هذه الحاله لا تعتبر ابدا طريقه جديده

الطرق الممكن الحل بها


هي

الاولي قاعدة لامي وهي المحبذه جدا هنا

الثانيه هي مثلث القوي وهي مستبعده هنا تماما

والثالثه وهي بسيطه جدا وستدمر التمرين في خطوه واحده ويستحب بل ويفضل استخدامها هنا

وهي اعتبار ان احد الثلاث قوي محصله للقوتين الاخريين

وتطبيق اول قانون في المنهج بتاع محصلة قوتين متلاقيتين في نقطه واحده

الطريقه الرابعه هي طريقة التحليل

يعني سنعتبر الجسم هو نقطة الاصل

ونحلل القوي الثلاثه الي مركبتين مركبه سينيه ومركبه صاديه ونكمل

وهي طريقه ممكنه ايضا


هناك طريقه نوه لها كتاب الوزاره لكنها تعتبر مثلث القوي تماما لكنها ممكن نعتبرها طريقه جديده


او ممكن بئي نفضل نلخبط في نفسينا وندخل العزوم والازدواج والله ممكن ونعد طرق جديده ونتحدي بعض


وده طبعا مرفوض

انا أري ان الاربع طرق السالف زكرهم هم الاساس وخلاف ذلك تغيير في الخطوات وتبديل ومحاوله لعد الطرق

يعني هي اربع طرق فقط اساسيه خلاف ذلك تشتيت لذهن الطالب

اما عن نفسي ارجح استاذ غازي حل التمرين ده بفكرة المحصله كانت اسهل من كده بكتير وعموما طبعا حلك اكثر من رائع استاذنا العزيز

كما احب ان احيي سيادتكم علي طريقة عرضك للوورد


شكرا لكم جميعا

اخوكم احمد الديب ابو زياد

[Its My Life]

شكرا على الاجابات يا استاذ احمد

[XpertMan]

شكرا لأحسن اساتذة رياضة 2

عايزين نشوف مسائل حلوة كدة من عندكم

ويريت تكون صعبة لانى بموت فى حاجة اسمها تفكير حتى لو مش هحلها

فى انتظاركم.........

[strawberry]

شكرا كتيير على المجهود
وأنا كان قصدي أن الكل يحلها طلاب ومدرسين
و ده كان أول موضوع لييا
و شكرا لتعاونكم معنا

[غازى عبداللا]

والله يا أستاذ أحمد أنا عارف كل ما قلت ولكن أنا حليت بأحد الطرق وللأسف أحيانا بعض الأعضاء بيعرضوا المسائل بطريقة توحى بالتحدى واحنا بنراعى أن العمل ده لوجه الله لا نريد منهم جزاءًً ولا شكورا وبعدين الأخ أو الأخت اللى بيعرض مسألة المفروض بيطلب حلها علشان موش عارف واحنا بدورنا بنقوم بحلها بأى طريقة لكن يقول أن المسألة لها 6-8 طرق يعنى الكلام ده غير منطقى ويحمل فى طياته أمور أخرى وبعدين اذا كان مدرس بيقول هذا الكلام أعتقد أنه يريد أشياء أخرى لاأريد الدخول فيها 0نحن نعمل هذا العمل لوحه الله فقط