ظهرت النتيجة (( بس والله ظلم كبير ))

[المخلص]

ظهرت النتيجة طيب بعد ظهورها ايه اللي هيحصل نفترض اننا نجحنا جميعا ان شاء الله


بس بالله عليكم هندخل موال تاني هنحس فيه بالظلم (( واحد هيقول يا عم بس ننجح )) ان شاء الله هننجح ان مكنش السنه دي يكون السنه الجايه سبكوا من النتيجه وغيره بس شوفوا الكادر متفصل اذاي للكبار فقط يعني اللي بيقبض مرتب كبير هيكون ليه نصيب الاسد لكن الغلبان اللي لسه متعين يولع مش مشكله هيكون زيادة مرتبه ايه يعني 80 جنيه اما اصحبنا الحيتان هيكون مرتبهما بزياده 300 جنيه طيب دا عدل يعني الشاب اللي داخل علي جواز اللي عايز يكون بيت يموت يعني الله يكون في عون المدرسين الجدد بجد والله


شوفوا النكته دي

1- المعلم زيادة 50%

2-معلم اول 75%

3-معلم اول ((أ)) 100%

4-معلم خبير 125%

5- كبير معلمين 150%

طيب هيكون نصاب كل واحد من الحصص ايه الاخوه الحيتان هيكون نصبهم كام حصه والغلبان المعلم هيكون نصابه كام حصه بالله عليكم فيه ناس في الوزارة بتفنن اذاي ترفع الحيتان طيب ليه الزياده دي متكنش 150 % للجميع ليه وبردو الحيتان هتستفيد

بالتوفيق للجميع (( علي فكرة دا مش نق دا من كتر الارف ))

[المخلص]

ربنا يكون معانا

[فايز عويضه]

على فكرة ان كنت معلم فانت غير سوى حتى تتلاعب بلالفاظ وبالاعصاب فى عنوانك الكاذب

[الأستاذة هدى]

على فكرة المعلمين الكبار كانوا أقل حظا منا لأنهم كانوا يعملون بدون مكافأة امتحانات وكانت مرتباتهم أقل بكثير كذلك حوافزهم كانت أقل وهذا تعويض من الله لهم يستحقونه وربنا يبارك لهم فيه ولكن لو قاربت الوزارة المحترمة بين النسب كان أجدى لمساعدة الشباب على الزواج فعلا لكنها أرزاق والمهم البركة ادعى بالبركة فهى أفضل من الاف الجنيهات بلا بركة !!!!

[البنهاوى]

انت قعدت فى الخدمه قدهم كفايه ان هم المدرسين اللى علموك على فكره انا ع الدرجه الثالثه لكن الوفاء للاكبر وللمعلم شئ تانى ولما نبقى عندنا خبرتهم نبقى نبص للفلوس اللى بياخدوها

[Ro0oRa]

تظهر وبعدين ابقى احقد براحتك

وبعدين كل واحد بياخد حقه ونصيبه

[المخلص]

المشاركة الأصلية كتبت بواسطة فايز عويضه

على فكرة ان كنت معلم فانت غير سوى حتى تتلاعب بلالفاظ وبالاعصاب فى عنوانك الكاذب

طيب يا سوى يا محترم

[المخلص]

المشاركة الأصلية كتبت بواسطة ابلة هدى

على فكرة المعلمين الكبار كانوا أقل حظا منا لأنهم كانوا يعملون بدون مكافأة امتحانات وكانت مرتباتهم أقل بكثير كذلك حوافزهم كانت أقل وهذا تعويض من الله لهم يستحقونه وربنا يبارك لهم فيه ولكن لو قاربت الوزارة المحترمة بين النسب كان أجدى لمساعدة الشباب على الزواج فعلا لكنها أرزاق والمهم البركة ادعى بالبركة فهى أفضل من الاف الجنيهات بلا بركة !!!!

فعلا البركه افضل ربنا يبارك في مرتبك

[mahmood1888]

ياللى بتتكلم على المعلمين الكبار كان تعينهم كام واربعين جنيه وبدون مكافئه لو انت عشت ايامهم كنت طلبت فى وصيتك يعملو لك تمثال

[المخلص]

المشاركة الأصلية كتبت بواسطة البنهاوى

انت قعدت فى الخدمه قدهم كفايه ان هم المدرسين اللى علموك على فكره انا ع الدرجه الثالثه لكن الوفاء للاكبر وللمعلم شئ تانى ولما نبقى عندنا خبرتهم نبقى نبص للفلوس اللى بياخدوها

ايوة بالفعل لما نكون بخبرتهم صح كلامك صح

[yousri_2000]

دي ارزاق ومقسمها ربنا وارضي بنصيبك

[ناصر الفخرانى]

دا أقل تقدير ... لخدمة أعوام عديدة تساوى عمرك كله تقريباً .....
والله ليس كثيراً عليهم .....

لا تنس أن لديهم أبناء فى عمرك من يريد الزواج وبناء منزل ....

يا ريت تقتنع بما أعطيت .....

القناعة كنز لا يفنـــى

تحياتى لك ....

[الفارس الجريح]

لا تنسى أننا أصحاب مبدأ
( عدم العدالة في التوزيع )
و لا على ايه يا عم لأحسن أصحبنا يشدونا و لا حاجة
ههههههههههههههههه

[ahmed45]

لا وشوفو مصيبتى سحبوا منى سنه الخدمه العسكريه ونقصوا منى 60 جنيه من مرتبى عشان يخدوها باثر رجعى طب ليه مبيسحبوهاش من الكل او يضيفوا للكل بدل ميدوها لناس وناس لا هما وطنين تضاف لهم واحنا مش وطنين تخصم مننا لو انتم مكانى تفرحوا حتى بفرض يعنى انى يعنى نجحت ولا احزن على السنه الخدمه السحبوها من ونقصوا مرتبى والمكافاه والحوافز متفرحوش هيدوروا على اى حااجه فى مرتبكم ينقصوه تانى
مع العلم بان زميلى المتعينين معايا وضمين الخدمه العسكريه زى متسحبتش منهم وانا اقدم منهم فى كل حاجه تخرج وتعين واستلام

[العقرب القاسي]

قل اعوذ برب الفلق انت حاقد علي القديم يابني انا متعين من سنه 1960