|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
03-11-2008, 10:51 PM
|
||||
|
||||
لو سمحت ... عاوز جثتك !!!! ... ممكن ؟؟؟؟؟؟؟
انا قريت خبر اول امبارح وشدني اوي وحعلق بعد ما تقروه
أساتذة الطب تبرعوا بجثثهم بعد الوفاة تبرع عدد من أساتذة طب عين شمس بأجسادهم بعد الوفاة لقسم التشريح ومنهم أحد أساتذة الجراحة المشهورين لحل أزمة ندرة الجثث..أعلن د. أحمد إبراهيم نصار عميد الكلية أن الأساتذة ضربوا مثلا يحتذي من خلال أداء واجب قومي للمساهمة في العملية التعليمية.أضاف أنه يجري حاليا عمل اقرارات مكتوبة وتوثيقها بالشهر العقاري. جريدة الجمهورية ودلوقتي بعد ما قريتوا الخبر ايه رأيكم في الموضوع ده؟؟ الناس دي صح ولا غلط ممكن انت تتبرع بجثتك بعد ما تموت ليه لأ ؟ وليه اه جثتك تمثل لك ايه؟؟؟؟؟ عايزكم كلكم تشاركوا بأراءكم وكل واحد يقول رأيه موافق تتبرع بجثتك ولا لأ ؟؟؟؟؟؟؟؟؟  |
|
#2
03-11-2008, 10:57 PM
|
||||
|
||||
|
ايه ده يادكتور
علطول جايبلنا الاخبار السعيدة كده دايما كانت اختى بتقول لماما انها عايزة تعمل كده بس انا طبعا استحالة افكر فى حاجة زى كده معرفش ليه؟!!!!!!!!!! بس مش هاحس انه افادة كبيرة اوى يعنى ممكن حاجات تفيد اكتر من كده
__________________
قال تعالى(يايها الذين ءامنوا اتقوا الله وكونوا مع الصادقين) وفى الختام ،،،،نترككم فى رعاية الله وأمنه والسلام عليكم ورحمة الله وبركاته
 |
|
#3
03-11-2008, 11:03 PM
|
||||
|
||||
|
اقتباس:
مش عارفه الصراحه
بس العمليه ان الجثه دى مش بتاعتنا يعنى فى موضوع التبرع بالاعضاء نفس الاشكال هل الجسم ده بتاعنا اساسا عشان نتبرع بيه لا بس بوجه عام انا مش موافقه فى رعايه الله
__________________
 In God's care HaPpiLy eVeR aFtEr |
|
#4
03-11-2008, 11:07 PM
|
||||
|
||||
|
اقتباس:
مش عارف ليه الفكرة دي طلعت في دماغي
طب ما هو ممكن الانسان يموت في البحر وجثته تفضل في البحر القروش تاكلها بس هو احنا حنبقى حاسين بعد ما نموت بان جثتنا في الكلية ولا في المقبرة ؟؟؟ الفكرة اللي تطلع في الدماغ اكتر كمان التبرع بالاعضاء بعد الموت |
|
#5
03-11-2008, 11:09 PM
|
||||
|
||||
|
اقتباس:
اه بصراحة دى ممكن انما الجسم كله دى صعبة اوى
__________________
قال تعالى(يايها الذين ءامنوا اتقوا الله وكونوا مع الصادقين) وفى الختام ،،،،نترككم فى رعاية الله وأمنه والسلام عليكم ورحمة الله وبركاته
|
|
#6
03-11-2008, 11:09 PM
|
||||
|
||||
|
اقتباس:
مش عارف هي يمكن الفكرة تجيب اشمئزاز بس حنجيب جثث منين؟؟؟؟ والطلبة دولا يتعملوا على ايه؟؟؟ طب ايه البدائل |
|
#7
03-11-2008, 11:15 PM
|
||||
|
||||
|
موضوع غريب فعلا
بس ليه لا فى موقف حصل مع احد الصحابه لما كان خايف يمثلوا بجثته فوالدته قالتله وهل تشعر الشاه بعد ذبحها وبالاضافه لكده ده مايعتبرش تمثيل للجثث ويمكن كمان بيعتبروه تمجيد لمهنتهم + انهم بيساعدوا الطلبه وكمان حاجه تانيه الدكاتره دول بعد موتهم هيفرقوا ايه عن الجثث اللى بيشرحوها ؟ ولا حاجه ميرسى ع الموضوع يا دكتور |
|
#8
03-11-2008, 11:18 PM
|
||||
|
||||
|
لا يا عم انا عايز جثتي تبقى معايا مبحبش حد يلعب في جثتي انت بتتكلم ازاي ؟
__________________
 إني ابتليت بأربع ما سلطوا ........................ الا لشدة شقوتي و عنائي إبليس و الدنيا و نفسي و الهوى ................... كيف الخلاص و كلهم أعدائي |
|
#9
03-11-2008, 11:31 PM
|
||||
|
||||
|
بس المشكله بقى مين الطالب الى هيقدر يشرح استاذ كان عنده فى القسم
 اقتباس:
قرار صعب بامانه بس انا مش موافق ان جثتى تتشرح 
__________________
 تعبان بجد لو فيه حد لسه بيحبنى ياريت يدعيلى ان ربنا يهدينى |
|
#10
04-11-2008, 05:39 AM
|
||||
|
||||
|
هو بص أنا من صغرى ولما تحصل عندنا جرائم قتل أو حد يموت لأسباب غامضه ويقولك الجثه هتتشرح لبيان أسباب الوفاه والكلام ده كان أهل المرحوم يقفو على رجل والدنيا تقوم ومتقعدش تانى ويدورو ويجبو وسايط ويدفعو فلوس لكن إن الجثه تتشرح دى تبقى بالنسبه ليهم مصيبه ويزعلو أكتر من زعلهم على
المرحوم لما ترسخت فى ذهنى إن مسأله تشريح الجثه ده شىء غير مرغوب فيه نهائياً لذلك أنا غير موافق تماماً يمكن تفكيرى قدم يمكن سطحى يمكن حاجات كتير بس هعمل إيه بقه دماغى صعيدى و لما بتربس مبتفتحش
__________________
 Always remember two things Don’t' take any decision when you are Angry Don’t' make any promises when you are Happy |
|
#11
04-11-2008, 08:22 AM
|
||||
|
||||
|
اقتباس:
الموقف اللي بتحكي عليه ده حصل مع السيدة اسماء بنت ابي بكر وابنها عبدالله بن الزبير والمقولة هي (وهل يضر الشاة سلخها بعد ذبحها) وفعلا.. الحكاية دي حتبقى تمجيد لاسم الدكاترة اللي اتبرعوا بجثثهم للكلية... يعني خدموا الكلية في الحياة والممات.. مش بس للكلية للعلم والطب كله يعني.. ياريت تفكروا معانا د/مجدي يعقوب او غيره لو مكنش اتدرب على التشريح واتعلم بالطريقة دي كان حيقدر يعمل العمليات دي ويعالج كل الناس دول؟؟ اقتباس:
ما هي المسألة... هل انت حتبقى حاسس باللي بيحصل
يعني..لو فرضنا..انك مت واهلك هما اللي اتبرعوا بالجثة.. ايه اللي حيضايقك ساعتها؟؟؟ |
|
#12
04-11-2008, 08:28 AM
|
||||
|
||||
|
اقتباس:
اقتباس:
يعني انت قصدك على عادات او افكار مترسخة في ذهن الناس
مش حقول المصريين بس لا ناس كتير في العالم انما ايه وجهة النظر في المحافظة الشديدة على الجثة؟؟ طب ما ممكن الجثة دي كانت تعمل حادثة وتتشوه تماما او طائرة او غرق ومش يبقى فيه جثة ...... طب ممكن نقلب تفكيرنا ونقول بدائل للموضوع ده... نعمل ايه؟؟ منين نجيب جووووووووووووووثث |
|
#13
04-11-2008, 10:02 AM
|
||||
|
||||
|
هو حكاية صح ولاغلط دى معرفش احكم عليها
لكن مش اقدر اتخيل انى لما اموت جثتى حد ممكن يشرح فيها ويتعمل فيها كدة فدى حاجة مرفوضة خالص بس انا اسمع ان فى ناس بيعملوا كدة فى سبيل ان فلوس تروح لاهلم بعد ما يموتوا
__________________
You can only go as far as you push
 آخر تعديل بواسطة marwa.m ، 04-11-2008 الساعة 11:23 AM |
|
#14
04-11-2008, 03:01 PM
|
||||
|
||||
|
انا مش موافق عموما واعتقد ان اهل المتوفى عمرهم ما يوافقوا على كدا
__________________
|
|
#15
04-11-2008, 04:28 PM
|
||||
|
||||
|
اضحكتمونا كثيرا
اصلا الناس بتسرق جثثنا بالحيا تروحى تعملى عملية ( بعد الشر يعنى ) متلاقيش الكلية وخلافه يعنى هيا مسروقة مسروقة يعنى اتنازل عنها بمزاجى احسن ما يخدوها غصب عنى واللى يفرط فى جثته كانه فرط فى نظارته جثث ايه بس دمتم فى رعاية الله
__________________
 ......استودعكم الله الذى لاتضيع ودائعه.... ....closed 4 ever
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:09 PM.
