كارثة : التعليم ترفع أسعار ترخيص الكتاب الخارجى من 600 جنيه الى مليون و 800 ألف

[مصطفى محجوب ثابت محمد]

http://www.akhbarak.net/articleview.php?id=2005714

استكمالاً لما يراه الدكتور أحمد زكي بدر -وزير التربية والتعليم- سياسة ومنهجاً في إدارة الأمور داخل وزارة التربية والتعليم، قرر الوزير أن تحصل الوزارة علي مقابل قدره مابين 400 ألف إلي مليون و800 ألف جنيه، مقابل ترخيص الوزارة لدور النشر بطباعة أي كتاب خارجي، وهو ما فوجئ به الناشرون مساء الحادي والعشرين من يوليو الجاري بعدما أعلمتهم الوزارة بقرار «بدر».
وقد اعتبر الناشرون أن قرار الوزير بمثابة هدم لصناعة الكتب الخارجية في مصر، حيث إنهم كانوا يدفعون خلال السنوات الماضية مبلغ 600 جنيه مقابل الترخيص بطباعة كل كتاب، لكن الوزير قرر رفع هذا المبلغ فجأة ومرة واحدة إلي 400 ألف جنيه وحتي مليون و800 ألف، وهو مبلغ يستحيل دفعه مقابل كل كتاب تقوم دور النشر بطباعته للطلاب، علي أن يقوم الوزير من خلال لجنة مختصة بذلك بتقييم الكتاب حسب مبيعاته عما إذا كان سيدفع الناشر 400 ألف جنيه أو أكثر، كما أكد الناشرون أن دفع هذا المبلغ يعني رفع قيمة الكتاب الخارجي علي الأقل أربعة أضعاف سعره الحالي، ومثالاً علي ذلك كتاب الدين الذي تصدره إحدي دور النشر والذي يبلغ سعره عشرة جنيهات حالياً ستكون تكلفته بعد دفع مبلغ 400 ألف جنيه كترخيص بطباعته 40 جنيهاً وهو ما يعني بيعه للطلاب مقابل 50 جنيهاً.
وتساءل الناشرون: لمصلحة مَنْ يتم تحصيل هذه المبالغ؟ مؤكدين أن غلو أسعار الكتب الخارجية سيؤدي إلي زيادة الدروس الخصوصية وارتفاع أسعارها، وكذلك زيادة الكتب الخارجية غير المرخصة خاصة لأنها ستكون رخيصة وبالتالي سيقبل عليها الطلاب بدلا من الكتب الجيدة والغالية جداً في نفس الوقت.
وتعليقاً علي ذلك أشار الكاتب الدكتور نبيل فاروق إلي أن أحمد زكي بدر يتعدي صلاحياته بهذا القرار كوزير، معتبراً القرار خطيراً وينذر بأن كل وزير يمكنه أن يتخذ قراراً مثل هذا ويضر به مصلحة المواطنين وبعض الصناعات متعدياً علي سلطة الرئيس ومجلس الشعب، وقال فاروق: بدر يقول إنه حسب حقوق الملكية الفكرية فإن الوزارة يجب أن تحصل علي هذه المبالغ من الناشرين وهو أمر غير حقيقي لأن الناشرين يؤلفون كتباً جديدة بناءً علي معلومات كتب الوزراة ولا يقومون بنسخها كما هي ولا يوجد حق انتفاع فيما يخص المادة العلمية، وعلي الوزير قبل أن يقر ذلك أن يرجع لمجلس الشعب، فهذا تعدٍ علي السلطات وعدم وعي بمصلحة المواطنين.
جدير بالذكر أن الوزارة قد طالبت الناشرين بالتقدم بالكتب التي يودون الترخيص بطباعتها في الفترة من أول مايو وحتي نهايته، بعدما كان يتم ذلك في شهر يونيو خلال السنوات السابقة، وقد رحب الناشرون بذلك في بداية الأمر إلا أن الوزير لم يعلن النتيجة سوي منذ أيام قليلة، وهو ما يعني استحالة طباعة الكتب الخارجية خلال الوقت المتبقي علي بداية العام الدراسي، بالإضافة إلي المبلغ المطلوب دفعه.

[احمد عثمان منسى]

حسبنا الله ونعم الوكيل

[مستر وليد السيد]

كنت اود ان اشارك بكلمتين اثنتين فقط فى الرد و هما :


هذا تخبط.

[مستر سعيد دراهم]

الله يكون في عون اولياء الامور
طبعا احنا منهم

[Mr Hamada Hashish]

ربنا يعين اولياء الامور

[FirstMan08]

وزير ......... بكل المقاييس و لا أري انه اتخذ أي قرار صحيح حتي الان لانه واخد امسألة تحدي و خلاص و فاكر ان ده اسلوب الشدة والالتزام لكن ده .............. و لو فعلا كتب الوزارة تكفي الطلاب لما لجأوا للكتب الخارجية

(**)

[متلمس الطريق]

ربنا يهدى الجميع

[ArabianPDA]

والله انا مش معارض للقرار اوى
لان ده هيحد من الكتب الى مستواها قليل
مثلا فيه كتب انجليزى تلاقيها مهدومه غلطات
وبتنباع كتير
فده هيخلى اصحاب الخبره بس يعنى الى هيدفع الفلوس دى
يراجع خبره الى هيكتب الكتاب مليون مره
ويراجع الكتاب الف مره عشان يتأكد انه هينباع اكتر
وكده هيقلل الدروس الخصوصيه مش هيزودها
لانه بكده هيزيد فلوس الكتب وهيمنع اهالى كتير من توديه ابنائهم للدروس وده احسن بكتير
لان الطلاب هيعتمدوا على كتب اكثر من ممتازه مش زى الى موجوده فى السوق دلوقتى
كلها غلطات المشهور منها قبل المغمور
وعندى من الامثله الكثير
ده رأيي،،

[مصطفى محجوب ثابت محمد]

المشاركة الأصلية كتبت بواسطة arabianpda

والله انا مش معارض للقرار اوى
لان ده هيحد من الكتب الى مستواها قليل
مثلا فيه كتب انجليزى تلاقيها مهدومه غلطات
وبتنباع كتير
فده هيخلى اصحاب الخبره بس يعنى الى هيدفع الفلوس دى
يراجع خبره الى هيكتب الكتاب مليون مره
ويراجع الكتاب الف مره عشان يتأكد انه هينباع اكتر
وكده هيقلل الدروس الخصوصيه مش هيزودها
لانه بكده هيزيد فلوس الكتب وهيمنع اهالى كتير من توديه ابنائهم للدروس وده احسن بكتير
لان الطلاب هيعتمدوا على كتب اكثر من ممتازه مش زى الى موجوده فى السوق دلوقتى
كلها غلطات المشهور منها قبل المغمور
وعندى من الامثله الكثير
ده رأيي،،

و ده رأييى أنا كمان

[مصطفى محجوب ثابت محمد]

المشاركة الأصلية كتبت بواسطة طارق ط

انا نفسى أعرف انت عايز تعمل ايه فينا.............
هو كتاب المدرسة فيه ايه يتذاكر منه..........حسبى الله ونعم الوكيل فيك يا وزير الداخلية.................

اتفق معك فى الجزء ده لأن بصراحه و من غير زعل كتاب الانجليزى فى سكه و طريقة الامتحان فى سكه تانيه خالص

[walid al fiki]

i totally agree
set books are to be taught at school not at clinics

[samir Meabed]

المشاركة الأصلية كتبت بواسطة firstman08

وزير ....... بكل المقاييس و لا أري انه اتخذ أي قرار صحيح حتي الان لانه واخد امسألة تحدي و خلاص و فاكر ان ده اسلوب الشدة والالتزام لكن ده ............. و لو فعلا كتب الوزارة تكفي الطلاب لما لجأوا للكتب الخارجية

(**)

===================================
اولا يا ابنى عيب لما تقول على الوزير كدة و انت اية اللى عرفك هو يعنى لما يحب يصلح مش على هوانا نقول كدة ارجو من المشرفين حذف هذة المشاركة

[مصطفى محجوب ثابت محمد]

المشاركة الأصلية كتبت بواسطة walid al fiki

i totally agree
set books are to be taught at school not at clinics

أشكرك على اتفاقك معى و لكن !!!!!!!!
كل مدرس انجليزى يعلم تماما أن طريقة عرض المعلومة فى الكتاب المدرسى تحتاج أن تصاغ مرة أخرى لتواكب الامتحان و لا يستطيع الطالب القيام بذلك بمفرده و بالتالى هذا ما يفتح ال clinics و ربنا يهدى الجميع

[FirstMan08]

انا متأسف علي المشاركة دي بجد بس انا كتبت كده لما قريت الخبر و فعلا اتعصبت و انا اسف مرة تانية لكن انا اللي عصبني ان للأسف مينفعش نعتمد علي المدرسة لأني حاولت و ملقيتش أي فائدة و فعلاً مضيعة وقت و كتاب المدرسة مفيد كمصدر للمعلومة و ليس للتدريب علي الاسئلة و تنسيق المعلومات في اطار واضح و سهل و اهالينا مش ناقصة فلوس لما تدفع علي الاقل 350 جنيه كل شهر و كمان نضاعف اسعار الكتب و لكني ما زلت متمسك برأيي في الوزير و أري كثير من كلامه غير واقعي و مجرد تحدي فعلا و أسفي هذا ليس معناه أني تراجعت عن رأيي و لكن تصحيحا للخطأ الذي وقع مني

و شكراً

[mosaad1966]

انا رأيي ان ابن الوز عوام
ياريت حد يفهمني