|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
01-07-2006, 01:12 AM
|
|||
|
|||
قلت "آســـــــــــــــــــــف" قبل كده
فاكر أول مرة اتخانقت فيها؟!
أيوه.. اليوم ده اللي قطّعت فيه هدوم "عبعزيز" زميلك، اللي أصحابك في سنة تالتة ابتدائي قالوا لك إن هو اللي أخد القلم الرصاص بتاعك وإنت بتكلم الأستاذ "حسونة" بتاع العلوم؟ فاكر اليوم ده... فاكر لما عملت فيها سبَع رجالة ونزلت ضرب فيه من غير حتى ماتسأله هو عمل كده ولا لأ؟ فاكر لما عيط ودموعه نزلت كتير.. وفاكر لما عرفت بعدها بساعة واحدة بس إن "عبعزبز" مظلوم وإن "أنور" زميلك هو اللي عمل معاك الحركة دي وأخد القلم منك؟ فكرت يومها إنك تعتذر لـ"عبعزيز"؟! فكرت إنك تقرب منه وتقول له.. "أنا آسف" *** فاكر لما شفت والدك بيتخانق مع جاركم عم "حسن"؟ يومها كانت خناقة كبيرة قوي ووالدك مصمم إن جاركم هو اللي غلطان في موضوع إنت أصلا مش عارف إيه هو! بعدها فضل والدك مقاطع جاركم ده لكام شهر؟.. وعرفت بعدها إن باباك كان غلطان في حق جاركم.. يومها جيت إنت لوالدك وسألته: "ليه احنا مش بنكلم "عم حسن" جارنا رغم إننا اللي غلطانين في حقه؟" وقتها جاوب عليك والدك وهو يعطيك الحكمة التي تتواصل عبر كل أجيال المصريين: "شوف يا ابني لو غلطت اوعى تعتذر لحد.. كلمة آسف هتخليه يفتكر إنك ضعيف.. والضعيف في الزمان ده ماحدش بيرحمه" شكرا يا عم الحاج على الحكمة الجامدة دي! هنا بقى مربط الفرس زي مابيقولوا .. إننا اتربينا على مبدأ ولامؤاخذة البلطجة.. آه والله.. زي ما فيه شعوب رافعة شعار "لا للعنصرية" احنا رافعين شعار "لا للاعتذار.. نعم للبلطجة".. جربت إنت مرة واحدة – واحدة بس- إنك تعتذر لحد غلطت في حقه.. أيا كان هذا الحد.. والدك أو والدتك.. أخوك الكبير ولاّ حتى الصغير.. صديقك ولاّ زميلك في الجامعة ولاّ في الشغل.. حتى اللي بنحبهم.. لو إنت غلطت في حق اللي بتحبها.. بتقول لها آسف وإنت مقتنع إنك غلطان فعلا وإن الاعتذار ده واجب عليك.. ولاّ بتعمل ده عشان الليلة تعدي والفلوس اللي إنت دافعها في الكازينو ماتروحش في الهوا؟! مع إن ثقافة الاعتذار دي حاجة محترمة جدا في الدول المتقدمة.. بل إن هناك من يقيس مدى تقدم الدول بمدى انتشار ثقافة الاعتذار فيها.. وده لسبب وجيه جدا.. لأنك إذا غلطت في الشغل مثلا واعتذرت عن الخطأ ده.. هنطلع بأكتر من فايدة.. أولا إنت هتكون منتبه جدا بعد كده عشان ماتقعش في الخطأ ده مرة تانية.. ثانيا لو اتعاقبت على الخطأ ده هتكون القاعدة الأساسية للجميع أن من يخطئ يعاقب.. والقاعدة هتنطبق على الكل "الوزير قبل الغفير".. في اليابان مثلا.. المسئولين هناك لو أخطئوا وكان الخطأ جسيم .. بيعملوا إيه؟ بينتحروا على طول! طبعا ده لو اتطبق في مصر مش هنلاقي ولا مسئول في مكانه! ما علينا.. الفكرة مش في الانتحار من عدمه.. الفكرة في تحمل المسئولية.. وفي إن كل واحد عارف واجباته.. قبل ما يكون عارف حقوقه.. وعارف إنه لو غلط يبقى عليه إنه يتحمل نتيجة غلطه وعليه في نفس الوقت إنه يعتذر.. الجميل عندنا بقى إن لا فيه حد عنده تحمل مسئولية ولا حد بيعتذر عن خطأ وقع فيه.. حتى في مباريات الكرة.. تلاقي الفريق الخسران بيقدم لك ألف حجة عن سبب الهزيمة.. يقول لك.. أصل الحكم كان متحيز... الرطوبة عالية.. الجمهور شكله مايشجعش .. الشمس كانت لاسعة في قفا اللعيبة.. دايما فيه حجج.. لكن إن حد يعترف بالخطأ ويعتذر للناس.. فده من رابع المستحيلات.. والقائمة تطول ولا تشمل فرق الكورة وبس.. عندك من أول التلاميذ في المدارس وانتهاء بأكبر مسئول في البـلد... العمدة يعني! فكروا معانا وشاركونا.. واحكوا لنا إمتى قلت كلمة "آسف".. وكنت مقتنع أنك غلطان فعلا ولا لأ وقولوا لنا.. ازاي ممكن نخلي ثقافة الاعتذار ثقافة سائدة في مصر.. ازاي ممكن نخلي كلمة آسف كلمة السر اللي تساهم في تطوير وتغيير بلدنا للأفضل.. في انتظار آرائكم .. واسف لو بطول عليكم فى مواضيعى
__________________
<div align="center">  </div><div align="center">حبيت اعبرلك عن حــبى</span> </span></div>
آخر تعديل بواسطة أسيل رزق ، 13-07-2009 الساعة 08:18 PM |
|
#2
01-07-2006, 01:33 AM
|
|||
|
|||
|
شكــرا على الموضوع الجــامد ده وعلــى فكره دا خلاني أفتكر انــا قلت أســف قبل كده لحد
ولا لأ ؟؟ بــــس لقيت إننــا مبقلهــاش إلا قليل قــوي وحتــى محدش قلهــالي قبل كـده إلا قليــل قوي برده طبعــا مش عشــان مفيش أخطــاء ..... دا عشــان مفيش زي مقلت عنــدنــا ثقـافة إعتذار أو إن حــد يبادر بالإفصــاح عن خطــأه .......ِشكــرا تــاني عالموضوع ........ محمـــ حوكه ــــــــود عضو جديد
__________________
<span style="color:#FF0000">[SIZE=2][color=#006600] أوعوا تفكروا انها خلصت لا لســـه .....دي نماذج الإجابة لوحدها قصه .... يكتبلك على معادله درجه وهيه ملهاش لزمة ... وحاجات كتير في نماذج الإجابة تخلي العقل يطير .... والطلبة بقت محتاره .... كانت ناويه طب و شكلها هتبقى تجاره .... وبنت خالتي ساره كانت أخر شطاره ... و هببت في الفرنساوي ونوت على تجاره .... ولا زم تكتمل جوانب الحضاره .... المصححين مش عايزين يصححوا الورق .... دا غير الورق إلي إتحرق .... و رئساء اللجان إلي بيأخروا الورق ...تلت ساعه نص ساعه أو يفرقوا بعد اللجنـه عشان الطلبة ميدخلوش على أهاليهم إديهم فاضيه ... ميصحش ... وبعد منسلم الورق بروح لمدرســـي الي مقلبني طول السنه ... مذكره و مذكرة مراجعه و حصه و حصه إضافيه ... أقلاقي المستر يا إما فلسع زي بتاع الفرنســاوي أو يا إما تنح قدام نوع الخليــه زي بتاع الكيميــاء او يا إما قاعد يفر المذكره على العصر العباسي التاني يا ترى هيلاقي العوامل المؤثره ولا هياخد بالــ ....ناس فاضيه ....وياحرام يا حرام يا حرام ...الأبهات و الأمهات كل إمتحان يقولوا سيبك من إلي فــات و خليك في إلي جي إلي إتكتب إتكتب ... وآآآآه علي إتكتب .... دا له العجب ... ويقتضي الإنصــاف .... انهم جايبين التفاضل و الجبر و الإنجليزي بتوع تانيه مفهومش أي صعوبه ... بس أكيد الدفعه بتاعة السنه الجاية هيتنفخوا فيهم ....يا رب إستر عليهم وعلى آهاليهم و ذويهم .... يا رب أعد علينا امتحانات منظمه كهذه أعواما عديده وأزمنة مديدة وكل الإمتحانات تيجي ظريفه زي الفرنساوي كده او تكون أصعب سنه عشان عنصر السهوله مش مطلوب اوي .... وفي الختــام أحب اقول إني لما بشوف ورقة الأســئلة ببقى نفسي أ ... أ ... أمسكها ققطعها و قلها انتي دمرتيلي الحيــاه ... طب أ...أ... قولوا معايا |
|
#4
01-07-2006, 02:23 AM
|
||||
|
||||
|
لا انا فعلا ع طول بقول اسفة
بس احنا مشكلتنا ان احنا عندنا كبرياء فوق العادة و علماء النفس قالوا ان اللى بيعتذر هو صاحب الشخصية الاقوى اى عكس ما نعتقد عشان تسود الثقافة دى لازم ننقى قلوبنا و نخليها بيضا و جميلة و نتعامل مع الناس بحسن نية خالص بس بصراحة شكرا اوى ع الموضوع |
|
#5
03-07-2006, 05:09 PM
|
|||
|
|||
|
اقتباس:
بس نعمل ايه بقى شكرا على المرور
__________________
<div align="center"> </div><div align="center">حبيت اعبرلك عن حــبى</span> </span></div>
|
|
#8
03-07-2006, 05:19 PM
|
|||
|
|||
|
جامده قوى ومحدش يقدر يقول غير كدا
أسلوب رائع فى التمهيد والوصف للموضوع وفعلا" فيها أيه لمَا ندرك خطأنا ونتأسف
__________________
إن الله يخفى قدرته فى أسبابه ويخفى غضبه فى معصيته ويخفى رضاه قى طاعته |
</div>
|
#11
03-07-2006, 11:54 PM
|
||||
|
||||
|
انا فعلا دايما بقول انا اسفه وبالعكس نا بكده بحسس اللي قدامي اني احسن منه او اقوى منه
بس هي فعلا في مشكلة الكبرياء ومرسي بجد عالموضوع ده بجد احنا محتاجين لاعادة نظر في موضوع الاعتذار
__________________
though you are not here .. you are in my thoughts you are in my dreams .. you are always in my heart  |
|
#12
04-07-2006, 05:38 PM
|
||||
|
||||
|
أنا آسف يا كريم
لأني أخرت في الرد وانا فعلاً مقتنع ومش لازم أتكلم عن نفسي كتير فهقولكم حواليا قليل أوي لما تلاقي حد يقولك إنه آسف بلاش أنا بقى سلام شكراً ع الموضوع يا كريم
__________________
May God Bless all of you Wishing you a spiritual Ramdan Salah El-Din ReceptiveGuy
|
|
#13
19-07-2006, 06:35 AM
|
|||
|
|||
|
<div class='quotetop'>إقتباس</div>
اقتباس:
بس ليا استفسار انتى لما بتقوليها لحد هل هوا بيزعل بدالك زى ما انتى بتزعلى لما حد يقولك اسف ؟ <div class='quotetop'>إقتباس</div> اقتباس:
كلام سليم يا روز <div class='quotetop'>إقتباس</div> اقتباس:
و انت ما اتأخرتش فى الرد و لا حاجة كلامك سليم يا باشا بس ليا ملاحظتين * بلاش انت ليه ؟؟؟؟؟؟؟؟؟ * اسمى كمال مش كريم ههههههههههه شكرا على مرورك الغالى يا ابو صلاح
__________________
<div align="center"> </div><div align="center">حبيت اعبرلك عن حــبى</span> </span></div>
|
|
#14
19-07-2006, 11:04 AM
|
|||
|
|||
|
انا من رأيي ان الاعتذار اساس التربية يعني لما تعلم ابنك من هو صغير يعتذر للي بيغلط فيه ده احترام
وعلي فكرة بعد كده يصبح شاب محترم وكل الناس تحترمه لكن انا اعرف ناس كتير تقولك ماتسبش حقك اللي يزعلك كسر عضمه وده طبعا مبدأ غلط وشكرا علي الموضوع الجامد ده يا تيتو
__________________
 لا إله إلا الله ....... محمد رسول الله |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 01:29 AM.
