هو انت مدرس و بتحمل امانة توصيل العلم ولا ايه رأيك

[الاستاذ محمد سرور]

بسم الله الرحمن الرحيم

انا عارف بداية ان كتير منكم مش عارفنى
ودة يحسب لى فى اول كلامى فى هذا الموضوع

طبعا انت حتعرفنى منين وانت ما بتدخلش الاقسام التعليمية
وحابس نفسك فى قسم كادر المعلم .......بتاخد بس .....
انانى يعنى ولا ايه مش عارف ..........ظروفك ايه مش عارف
من بداية ما دخلت قسم الكادر وانت بتبحث عن سؤال يمكن يجيلك فى امتحان الكادر
وعمال تنزل فى مواضيع اشى ( تخصص على لغة على تربوى )
وتعمل موضوع تنتقد فيه الكادر والوزارة وبتتعرف على زملاء ليك

يعنى من الاخر انت داخل علشان مصلحتك بس ولا ايه
قاعد فى قسم الكادر بالساعات علشان تنزل موضوع يمكن يفيدك فى امتحان الكادر
ومفكرتش فى مرة تدخل قسم تعليمى وتشوف طالب عنده سؤال محتاج مدرس زيك يجاوب عليه
ولا انت مدرس ضعيف فى المادة العلمية وما بتعرفش تجاوب على اسئلة الطلاب

وعمال كل شوية تعمل موضوع فى قسم الكادر ومفيش فى مرة عملت موضوع فى مجال تخصص بتشرح فيه احد الدروس لاى مرحلة علشان تفيد طالب محتاج لعلمك

طب بالله عليك اللى يعمل كدة يا اما انانى او مش مدرس اصلا او مدرس دخل التعليم غلط اثناء التكليف

انا عارف ان اسلوبى قاس وغير محدد لشخص معين

يعنى حنشوف الردود ونتعرف على المدرسين اللى الموضوع دة موجه ليهم

يعنى حنطبق المثل اللى بيقول

اللى على راسه بطحة بيحسس عليها

فى انتظار مساعداتكم فى الاقسام التعليمية على الموقع ومد يد العون لابنائنا الطلاب
كما من الله عليكم بالنجاح ساعدوهم لوجه الله ان يصلوا الى النجاح مثلكم


وضعت الصفات دون ذكر احد بعينه
لانى لم ارد ان اهين احد بعينه
ولكنى اريد ان اوقظ وانبه من كان فى غفلة
وكان يحمل هذه الصفات ان يستيقظ من غفلته وان يراجع نفسه مرة اخرى