ما فعله ابو تريكه بعد احرازه هدف التعادل

[withoutname2100]

لن اتكلم عن اخلاق ابو تريكه ومهاراته الكرويه ..لاننا كلنا نعرفه جيدا..انما اريد ان اعرف ارائكم عما فعله ابو تريكه بعد احرازه هدف التعادل؟؟؟

[shemooo]

والله احنا عارفين اخلاق ابو تريكه ومفيش حد يقدر يمسكله كلمه














وشكراااااااااااااااااااااااااااااااااااااااااااااا

[ahmed610]

الى عملة ابو تريكة نتيجة طبيعية لضغط الجمهور وافتكر ان ابو تريكة مش متعود يتشتم سواء من جمهور الاهلى او جمهور المنافس وكفاية ان الرجل اعتذر اكتر من مرة

[وفاء البحر]

ممكن حد يقولي هو عمل ايه اصلا

[منى ذكى]

ممكن يكون حد هنا مش عارف

هو اللى حصل ان الجمهور كان بيشتم ابو تريكة شتايم صعبة جدا جدا ومفيش حد يقدر يتحملها لما ابو تريكة بقا جاب الجون بص للجمهور وحط صبعه على بوءه ( معناها بيقولهم اسكتوا يعنى انا جبت جون)

ابو تريكة ده انسان زينا مش ملاك اى يعنى لما يدافع عن حقه انا شايفة ان ابو تريكة معملش اى حاجة غلط

وشكرا

[Bent 3bdo]

المشاركة الأصلية كتبت بواسطة منى ذكى

ممكن يكون حد هنا مش عارف

هو اللى حصل ان الجمهور كان بيشتم ابو تريكة شتايم صعبة جدا جدا ومفيش حد يقدر يتحملها لما ابو تريكة بقا جاب الجون بص للجمهور وحط صبعه على بوءه ( معناها بيقولهم اسكتوا يعنى انا جبت جون)

ابو تريكة ده انسان زينا مش ملاك اى يعنى لما يدافع عن حقه انا شايفة ان ابو تريكة معملش اى حاجة غلط

وشكرا

,ومين بقى اللىقالك ان هى شتايم صعبه خالص

وحتى مش هتكون أفظع م الشتايم اللى اشتمها شيكابلا وبعدبن ما جمال حمزه كمان كان بيشتم مش عمل حركه زى دى


ابو تريكه غلط اه غلط مش ندافع عن اي حاجه وخلاص لمجرد حبنا لشخص

المبادئ لا تتجزء

[الشروق]

الله يفتح عليك

[pureheart]

انا شايفة ان الجمهور اللى بيشتم يستاهل اى حاجة
اصلاً اللى بيشتموا دول ناس قليلة الادب
و انا شايفة ان أبو تريكة مغلطش و لا حاجة و له مفروض ان الواحد يتشتم و يسكت !!!!!!

[Dr.Nobel]

المشاركة الأصلية كتبت بواسطة pureheart

مفروض ان الواحد يتشتم و يسكت !!!!!!

خلاص يبقي شيكا بلا كان عنده حق انه يرفع الجزمة في وش اللي شتموه

امال ساعتها قولت ليه انه غلطان ومينفعش يرد بس

ماحنا قولنا المبادئ والله مش بتتجزأ

[withoutname2100]

يا دكتر المبادئ لا تجزا..متفقين..ولكن لو واحد اساء اليك..ابسط رد فعل ممكن حضرتك تعمله انك تطلب منه ان يكف ان الاساءه ..فهذا حقك ولا احد يلومك..وهذا هو ما فعله ابو تريكه..ولكن اذا اساء اليك احد فمن غير المعقول ان ترفع حذائك في وجه لان هذا التعبير يعتبر من اسوا مايكون..فلا توجد وجه مقارنه بين موقف شيكا وتريكه..ولكن يوجد فرق بين شخصيه ابو تريكه وشخصيه شيكا..والمبادئ لا تتجزا ولكن يراعي اختلاف المواقف واختلاف ردود الافعال[وشكرا علي مرورك وختلاف الراي لا يفسد للود قضيه]

[منى ذكى]

بالراحة يا جماعة انا عملتلكم ايه هو انا قولت ان المبادىء بتتجزأ ؟؟؟؟!!!!!!!1

هو لو ابو تريكة كان رفع الشوز بتاعه فى وش الجمهور كنت هقول حقه ؟؟!!!!! اكيد كنت هغير فكرتى عنه خالص

لكن ده من ابسط حقوقه وهو كمان اعتذر ده يدل ان شخصيته محترمة جدا.

وشكرا

[Nemo_92]

انتو نسيتوا اللى عملوا احد التوأمين فى ماتش 6\1 ولا ايه ولا شيكابالا لما رفع حذائه فى وش الجمهور ولا هى تلاكيك ايه اللى عملوا ارق لاعب على الكرة الارضية علشان تهاجموه هو مكانش لازم يعتذر لأنه مغلطش بس علشان رقته مرضيش يزعل حد منه
ربنا يخليه للاهلى يا رب

[COoL HEaRT]

هههههههههههههه كل ده عشان قال هس لا اله الا الله .... انا مش عارفه خلاص هنعلق حبل المشنقه ..هو مرفعش الشوز بتاعه فى وش الجمهور مثلا مع انى مش عاوزه اقارنه بناس ادنى منه بمراحل دينيا ومهاريا بس ماعلينا .. مهو كده الناس بتتصيد اى حاجه ان شا الله تكون تافهه لاى حد زى ابوتريكه

[بندق__2007]

عاوز بس اقول حاجة

لما واحد صاحبى حتى مش واحد يعنى فيه بينه و بينه منافسه

و شتمنى و بعد ما شتمنى انا حطيت صابعى على بوقى ( يعنى معناها هس )

هل انا كدة أذنبت بالعكس ده انا كدة أكرم منه خلقا إنى ما ردتيش عليه بنفس الشتيمة

و لو رديت بنفس الشتيمة ده حقى
" و إن عاقبتم فعاقبوا بمثل ما عوقبتم به "

لكن قال الكبير المتعال بعدها
" ولئن صبرتم لو هو خير لكم "

و لكن ده لا يقلل أبدا أبدا من شان أبوتريكة بالعكس ده كبره فى نظرى أكتر

و دى وجهة نظرى

[..Nour..]

خلاص يبقي شيكا بلا كان عنده حق انه يرفع الجزمة في وش اللي شتموه

امال ساعتها قولت ليه انه غلطان ومينفعش يرد بس

ماحنا قولنا المبادئ والله مش بتتجزأ

طبعا كله متفق ان المبادئ لا تتجزأ

بس فرق كبير جدا بين الاتنين

لما شيكابالا رفع الجزمة في وش الجمهور وصل معلومة معينة عند الناس

وكلنا طبعا عارفين ايه المعني دهـ

لكن لو كان عمل زي ابوتريكة مفيش حد كان هيلومه علي فعلته

--------------------------------------------------

رسالة لجمهور الزمالك:

يا جماعة ابو تريكة غلط ودهـ انسان زي كل انسان معرض للخطأ

وكمان غلطتة مش كبيرهـ قوي في ضوء اللي عملة شيكابالا علما بأن هو عمل اللي علية واعتذر

يبقي تسامحوهـ وبلاش انتقادات بقي عليه لان دهـ بيعرض اللاعب لضغوط نفسية ودهـ بينقلب سلبا علي النادي

والاهم علي المنتخب (والمنتخب مش ناقص).

لكن اللي انا قريته في الجرايد ان جمهور الزمالك بيقول ان اعتذار ابوتريكة مش مقبول

طيب ليه؟؟؟ عايزينة يعمل ايه اكتر من اللي هو عملة؟؟

وفي الاخر كلنا اهلاوية وزملكاوية واسماعيلاوية ..... الخ

بنقف جنب بعض في كل حاجة

ومع المنتخب بنبقي ايد واحدهـ

فياريت متزعلوش من ابوتريكة .