|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
20-11-2008, 05:43 PM
|
||||
|
||||
الحياه ..( مابتوقفش على حد ).......
الحياه ..( مابتوقفش على حد ..)
الجملة دي بسمعها بتتقال كتير من أشخاص كتير و فـ مواقف مختلفة.. ممكن تسمعها في لحظة مواساة.. لما يجي حد يواسيك يقولك: (( ياعم مش تزعل أوووي كده..الحياة مبتوقفش على حد )) وممكن تسمع شخص بيقولها في لحظة لا مبالاة: (( وإيه يعني إللي يحصل يحصل..الحياة مابتوقفش على حد )) وممكن نسمعها في مواقف كتير: (( الحياة مابتوقفش على حد..هو أنا يعني هموت من غيره ما أنا عايش آهو )) بس أنا حاسس إن الجملة دي مش ليها أي أساس من الحقيقة وإن إحنا بنقولها بس عشان نصبر بيها نفسنا بس الحقيقة فعلا إن حياتنا ممكن أوووي توقف على حد وفى امثله كتيييييير على كده لما تحس إن حياتك وقفت على إنسان غالي عليك فارقك لما تحس إن حياتك وقفت على إنسان غالي عليك إتوفى لما تحس إن حياتك وقفت على إنسان غالي عليك خسرته في لحظة لأي سبب لما تحس إن حياتك وقفت على إنسان غالي عليك خايف تخسره أو تفقده لأي سبب لما تحس إن حياتك وقفت على إنسان غالي عليك باعك أو خدعك لما تحس إن حياتك وقفت على إنسان غالي عليك بعيد عنك لما تحس إن حياتك وقفت على إنسان غالي عليك مريض جدا وخايف يموت لما تحس إن حياتك وقفت على إنسان بتحبه على أخ بتخاف عليه على صديق بتحتاجله على أب وأم نفسك تساعدهم وتسعدهم .......... وغيره وغيره كتييييييييير هيجي واحد يقولي: ((نوووو طبعا حياتي ماوقفتش على أي حد فيهم لأني لسه عايش ماموتش )) هاقوله: (( هو معنى إن أنت عايش بس في حاجة مكسورة جواك أو مفتقدها بسبب حد معين.. إن حياتك كده ماشية ؟!!! )) هي إيه حياتك أصلا.. عقارب الساعة إللي بتمشي وبيزيد عمرك فيها مع كل دقيقة؟ ولا إحساسك إللي بيمشي وبتحس بأيامك فيها مع كل إحساس؟ تخيل بقى لما عمرك يمشي بس إحساسك واقف على حد.. هل معنى كده إن حياتك ماشية لمجرد إنك عايش وبس؟ امممممممم مش افتكر بصراحة هو ممكن حياتك تكون شغالة ومستقبلك شغال وناجح كمان بس إحساسك نفسه واقف على حد ولو إحساسك واقف على حد..أكيد حياتك هتكون واقفة معنويا حتى لو كانت ماشية عمليا يا ريت تفهمو معنى الموضوع كويس اوى وبكده ممكن نصحح الجملة دي ونقول: (( الحياة مابتوقفش على حد عمليا..لكن بتوقف على حد معنويا )) ********** و أنت بقا مع مقولة: (( الحياة مابتوقفش على حد )) ؟؟ وليه ؟؟ وإمتى حسيت إن حياتك واقفة على حد ؟؟
__________________
 آخر تعديل بواسطة hazem_ayman ، 20-11-2008 الساعة 07:42 PM |
|
#2
20-11-2008, 06:17 PM
|
||||
|
||||
هو اها لما تفقد شخص غالى عليك لاى سبب من الاسباب بتحس ان الدنيا مابقاش ليها لزمه او ان الحياه وقفت عنده
بس مع الوقت الاحساس ده بيقل واوقات بيتنسى دى سنة الحياة امال ليه بيتقال ان النسيان نعمة بالمناسبة اقتباس:
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 12:55 PM.
