الكوسة منذ فجر التاريخ

[فوزي الحديدي]

الكوسة منذ فجر التاريخ
انا المواطن توت منحوت مواطن مصري بسيط ابويا كاتب في ديوان الاله رع وأمي سيده منزل المهم علشان مطولش عليكم انا بعد الحبو واللعب في شوارع طيبه الجميله جه وقت الجد وقت دخول الدراسه ودخلت الابتدائيه العامه وكافح ابويا علشان يعلمني واكمل وخلصت الابتدائيه العامه وكملت الي ان دخلت مرحله الكاهاونتيه العامه وبعد مزاكره وتعب وسهر لكن زي محنا كل شيئ نصيب دخلت كليه الزراعه في منف وكان نفسي ادخل كليه التحنيط والطب في طيبه بس اهو نصيب المهم نجحت في سنه اولي وكنت بحضر كل الشعائر لكل الكهنه ولكني مكنتش بقدر اشتري البرديات لانها كانت غاليه عليا كان سعر البرديه 123فرفوت وانا ابويا كان بيقبض بس 200فرفوت فازاي كنت بستلفها واسهر انسخها ونجحت في سنه اولي بتقدير (خخ) وخلصت سنه تالته بتقدير (حغ)وفي رابعه اجتهدت وجبت اعلي تقدير (مخ)وكنت كلي امل اني هشتغل في مزارع الاله امون في طيبه او حتي اشتغل كاهن في الكليه بس زي محنا عارفين في بلدنا ابن الكاهن كاهن وابن الكاتب كاتب وبعد تعب وبعت رسائل للاهله واترجيت ده وده جاي شغل كاتب بدل ابويا اللي خرج معاش صرخت باعلب صوتي وقلت لا انا واخد كاهاليورس الزاعه الامونيه بتقدير (مخ)واشتغل كاتب لا لالالا ونسيت مقوله المؤرخ الكبير هيروديت لو ان نهر النيل اتحول صلصه ميكفيش الكوسه اللي في بلدنا