|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
20-01-2009, 03:02 PM
|
||||
|
||||
أنا عايش و مش عايش !!
- الواحد زهقاااااان و قرفاااااااان و مخنوووووووق و كل حاجة  !!خلاص الواحد مش حاسس بطعم الجبنـ.... قصدي بطعم الحياة  ,حاسس إن الواحد ( عايش و مش عايش ) .. و إننا ( عايشينها و خلاص ) !! - عادي عادي , و طبيعي .. زي الزبادي  ..- عادي إيه يا عم ؟؟؟ و زبادي إيه  ؟؟ إزاي عادي يعني  ؟؟- أقول لك ليه عادي ,حط نفسك مكان عربية آخر موديل  , و محركها جامد طحن  , و نظام تعليق ما حصلش  .....مرسيدس F70 مثلا , لكن الريّس (أبو مرسيدس) أو المعلم (بنز)  حاطينها في المخزن ,و مش عاوزين حد يشتريها و لا يستعملها ,حط نفسك مكان العربية دي , و قول لنا حاسس بإيه ؟؟ .. اتفضل , المايك معاك ..- مش حاسس بحاجة طبعا !! , انت شايفني (مازدا) الخطيب , ؟؟- طب نبسطها , اللي عمل عربية بالمواصفات دي كلها , يخليها في المخزن ليه ؟؟  أكيد اللي خلاه يحط المواصفات دي كلها في العربية ,يبقى عاوزها تطلع و تمشي و (تمرق) الطريق و الحاجات دي ,و لو فضلت العربية في المخزن , يبقى هتبوظ و تصدي و حالتها هتتدهور على الآخر !! - أنا شكلي فهمت و لا بيتهيأ لي ؟؟  - لا يا عم , انت اللي فاهم بس خايف من الحسد , أصل انت لو تيجي تفكر معايا كده  , ربنا خلق الإنسان في أحسن تقويم , و جعله في الأرض خليفة , و فضله على كثير ممن خلق تفضيلا , و سخر لنا الأنعام و الشمس و القمر , و ..... كل ده ليه  ؟؟ علشان ناكل و نشرب و ننام ؟؟ علشان نعيش و خلاص ؟؟ طبعا , لأ , و إلا هنكون زي المرسيدس إياها , هنصدي و نبوظ و نكره نفسنا و نكره العيشة و كل حاجة !! زي ما ابن القيم ما بيقول : كل عضو من أعضاء البدن خُلِقَ لفعلٍ خاصٍ به , كماله في حصول ذلك الفعل منه و مرضه أن يتعذر عليه الفعل الذي خلق له حتى لا يصدر منه أو يصدر مع نوع من الاضطراب فمرض اليد أن يتعذر عليها البطش و مرض العين أن يتعذر عليها النظر والرؤية و مرض اللسان أن يتعذر عليه النطق و مرض البدن أن يتعذر عليه حركته الطبيعية أو يضعف عنها و مرض القلب أن : يتعذر عليه ما خُلق له من معرفة الله و محبته و الشوق إلى لقائه و الإنابة إليه و إيثار ذلك على كل شهوة - أيوااااااااااا هتقول لي مخلوقين للعبادة  , عارف و الله يا (عم الشيخ) , بس ... يعني .. طيب استنى , طيب لما احنا مخلوقين للعبادة , ليه ربنا اعطانا قدرات تانية نستعملها في غير العبادة ؟؟ ليه ربنا ما خلاناش زي الملائكة نعبد و خلاص , لكن حط فينا شهوات  و إرادات و حاجات تانية  ؟؟- بص يا سيدي , بالنسبة لأن ربنا أعطانا قدرات تانية غير القدرات اللازمة للعبادة , فده لأننا مش رهبان  , احنا في الأرض كي نعمرها كما أمرنا الله , و لسنا للصلاة فقط , يعني احنا كل حياتنا تصب في العبادة , سواء بنصلي نبقى في عبادة , أو سواء بنشتغل و بنستغل باقي قدراتنا لكن برضه كله بنية التقرب إلى الله , و هتبقى عبادة في الآخر , و هيبقى كده كل تصرفاتنا هي عبادة لله , و بالنسبة بقى ليه ربنا ركب فينا الشهوات و الحاجات التانية , طالما هو خلقنا للعبادة , ليه يركب فينا حاجات تصرفنا عنها ؟؟هو خلقنا للعبادة و الابتلاء , قال تعالى " (( الذي خلق الموت و الحياة ليبلوكم أيكم أحسن عملا )) يعين هو خلقنا في دار امتحان , و لو لم يكن هناك صعوبات , لما سُميَ هذا امتحاناً , يعني لازم يبقى فيه شهوات , كي يتبين المطيع من العاصي , و (( ليعلم الله من يخافه بالغيب )) و طبعا فإن الله يعلم قبل أن يخلقنا إن كنا في الجنة و لا في النار لكن ليعلم علما يحاسبنا عليه , و يقيم علينا الحجة .. - طيب سؤال لولبي بقى  , و لو جدع هات الإجابة يا عم ( الفلحوس )  , انت بتقول إن الواحد مخنوق علشان مش بيعمل للآخرة , و إن كل حياته سواء عبادة , سواء عمل , لازم كلها تصب و تكون موجهة للآخرة و ليس للدنيا , و إلا هيحس بالخنقة و هيبقى مش طايق نفسه .. و السؤال هو : ليه المغنيين  مثلا أو الممثلين , أو (الخواجات) أو يا عم ناس زمايلنا عايشين بالطول و العرض  , و لا حتى بيصلوا , و مش حاسين بضيق قد كده و لا حاجة يعني  ؟؟ - أقول لك يا سيدي , تعرف تاكل ( لحمة قرود ) ؟؟ أكيد هتقرف منها  , صح ؟طيب ليه فيه ناس تانيين -في أفريقيا مثلا - بياكلوها و ( بيمزمزوا ) فيها كمان ؟؟هل لأن لحمة القرود حلوة و طعمة و خفيفة على المعدة و ... ؟؟ و لا لأن ( معدتهم فسدت ) و باظت من كثر ما ( تعودت ) على أكل مثل هذه القذارة ؟؟ فصارت لا تبالي ؟؟ بل إن الناس دي لو جيت مثلا تأكلهم لحمة بقر مثلا هيقولوا لك إنها مش طِعِمة زي لحمة القرود , صح و لا لأ ؟؟زي ما ابن القيم ما بيقول : وكل من عرف الله أحبه وأخلص العبادة له ولا بد ولم يؤثر عليه شيئا من المحبوبات فمن آثر عليه شيئا من المحبوبات فقلبه مريض كما أن المعدة إذا اعتادت أكل الخبيث وآثرته على الطيب سقطت عنها شهوة الطيب وتعوضت بمحبة غيره و قد يمرض القلب ويشتد مرضه ولا يعرف به صاحبه لاشتغاله وانصرافه عن معرفة صحته وأسبابها بل قد يموت و صاحبه لا يشعر بموته وعلامة ذلك : أنه لا تؤلمه جراحات القبائح ولا يوجعه جهله بالحق وعقائده الباطلة فإن القلب إذا كان فيه حياة تألم بورود القبيح عليه و تألم بجهله بالحق بحسب حياته وما لجرحٍ بميت إيلام أما بقى اللي بيعمله معظمنا فبيبقى غالبا زي ده كده : وقد يشعر بمرضه ولكن يشتد عليه تحمل مرارة الدواء والصبر عليها فهو يؤثر بقاء الداء على مشقة الدواء !!فإن دواءه في مخالفة الهوى وذلك أصعب شيء على النفس وليس لها أنفع منه يعني بنحاول ننسى  و نقنع نفسنا إننا مش محتاجين , و إننا ممكن نجد السعادة و الراحة في أي حاجة تانية , بس طبعا بيبقى مجرد تخدير مؤقت و بيزول , و بنفشل في الآخر و نرجع ندور تاني .. - طيب معلش , أنا عارف إني طولت عليك  , سؤال أخير بعد إذن جنابك , انت بتقول إن العبادة و الحاجات دي كلها بتخلي القلب مستريح و كل حاجة حلوة , لكن المشكلة إن الواحد مش بيلاقي لذة في العبادة و لا انشراح في الصدر و لا الحاجات دي كلها , بل بالعكس , الواحد بيلاقي الصلاة صعبة , و ثقيلة على النفس و ... تفسر ده بإيه بقى ؟؟ - بص ياعمي , هو المرسيدس إياها اللي كانت متخزنة , أول ما بتطلع بتمشي على طول ؟؟و لا لازم تشغلها شوية في (التليين) و تشوف الحاجات اللي كانت مصدية من الركنة تغيرها , و تظبط شوية حاجات كانت باظت فيها , و بعدين هتلاقيها ( ماشية معاك حلاوة ) قال العلامة ابن القيم: " السالك في أول الأمر يجد : تعب التكاليف و مشقة العمل لعدم أنس قلبه بمعبوده، فإذا حصل للقلب روح الأنس زالت عنه تلك التكاليف والمشاق، فصارت قرة عين له وقوة ولذة، فتصير الصلاة قرة عينه بعد أن كانت عملا عليه، و يستريح بها بعد أن كان يطلب الراحة منها " و قال أيضا : " ومنها ان المعاصي تزرع أمثالها وتولد بعضها بعضا حتى يعز على العبد مفارقتها والخروج منها كما قال بعض السلف أن من عقوبة السيئة السيئة بعدها وأن من ثواب الحسنة الحسنة بعدها فالعبد إذا عمل حسنة قالت أخرى الى جنبها أعملني أيضا فاذا عملها قالت الثانية كذلك وهلم جرا فيتضاعف الربح وتزايدت الحسنات وكذلك كانت السيئات أيضا حتي تصير الطاعات و المعاصي : هيئات راسخة و صفات لازمة و ملكات ثابتة فـلو عطل المحسن الطاعة لضاقت عليه نفسه و ضاقت عليه الارض بما رحبت وأحس من نفسه بأنه كالحوت إذا فارق الماء حتي يعاودها فتسكن نفسه و تقر عينه و لو عطل المجرم المعصية وأقبل على الطاعة لضاقت عليه نفسه و ضاق صدره و أعيت عليه مذاهبه حتي يعاودها حتي أن كثيرا من الفساق ليواقع المعصية من غير لذة يجدها و لا داعية اليها إلا لما يجد من الالم بمفارقتها و لايزال العبد يعاني الطاعة و يألفها و يحبها و يؤثرها حتى يرسل الله سبحانه برحمته عليه الملائكة تأزه اليها أزا وتحرضه عليها وتزعجه عن فراشه ومجلسه اليها و لايزال يألف المعاصي و يحبها و يؤثرها حتي يرسل الله اليه الشياطين فتأزه اليها أزا فالأول قوَّي جند الطاعة بالمدد فكانوا أكثر من أعوانه وهذا قوي جند المعصية بالمدد فكانوا أعوانا عليه " يعني من الآخر , ما تستعجلش , لازم تعاني الطاعة في الأول , لحد ما طبقة الصدأ اللي على القلب تروح , و بعدين هتلاقي نفسك مستمتع بجد , و ربنا يهدينا و إياك إن شاء الله .. و يتوب علينا و يوفقنا لما يحب و يرضى .,. و لا تنسونا من دعوة بالخير , أن ييسر الله لي أمري و يجعله لي خير , و أن يهيء لي الخير حيث كان و يرضني به , و أن يرزقنا و إياكم الجنة و يجيرنا من النار .. و جزاكم الله خيرا .. ... طبعا يعنى الموضوع منقول
بس حبيت زى ما استفدت انى افيد فى رعايه الله
__________________
 In God's care HaPpiLy eVeR aFtEr |
|
#2
20-01-2009, 03:18 PM
|
||||
|
||||
|
اييييييييييييييييه اللخبطة دى
زبادى ايه ومرسيدس ايه بصى بابنتى انتى بتفكرى كتير اوى وعلاجك التفكير برضه يلا داونى بالتى كانت هى الداء لأ بصراحة الله عليكى وعلى دماغك تغيبى تغيبى وترجعى ب............... حاجة كويسة الموضوع حلو جدا وطريقة الكتابة فوق الرائعة بس فى مشكلة طويييييييييييييييييييييييييييييييييييييييييييييييي ييييل جدا وخطه صغير فى ناس نظرها على قدها ابقى رعيهم فى مواضيعك بس بجد الموضوع حلو اوى تسلم زرايرك قصدى صوابعك
__________________
دخل الحرامى وانا نايمة ... |
|
#3
22-01-2009, 03:05 PM
|
||||
|
||||
|
اقتباس:
احم احم
ايه الكلام ده كله يا بنتى موش انا اللى كتباه ياريت بس ابقى نص اللى كاتبه ==== و يا بت الخط كبير اهو ركبى انتى نضاره مش عارفه اسنان ايه دى اللى دخلاها مستنيه الرد يلا ادينى ابتديت استنى اهو اتاخرتى  يلا فى رعايه الله
__________________
In God's care HaPpiLy eVeR aFtEr |
|
#4
20-01-2009, 03:54 PM
|
|||
|
|||
|
جزاك الله خيرا
موضوع بسيط وسهل لكن من نوع السهل الممتنع مش أى حد يعرف يرجعنا ويفكرنا ويفهمنا بسهولة زى كده جزى الله كاتبه خيرا وناقله خيرا
__________________
وأفوض أمري إلى الله إن الله بصيٌر بالعباد |
|
#5
22-01-2009, 04:08 PM
|
||||
|
||||
|
اقتباس:
اها فعلا بجد ربنا يجازى اللى كتبه انسان رائع بجد جزاه الله كل خير اقتباس:
يا بت انتى بطلى بكش شويه
و ردى على الموضوع مستنيه رايك مش بيعجبنى انا شغل موضوع جامد و السلام عليكم مفهوميلا فى رعايه الله
__________________
In God's care HaPpiLy eVeR aFtEr |
|
#6
22-01-2009, 06:13 PM
|
|||
|
|||
|
اقتباس:
و الله بجد موضوع حلو احنا اتعودنا منك على كدة بس هو فعلا انا راي ان الواحد لازم يعبد ربنا عشان هو عايز يعبد ربنا مش عشان حد قاله ربنا يكرمك يا رب و يجعله فى ميزان حسناتك
__________________
 وَغدَتْ نَفْسِي كَورْدةٌ ذَابِلة؛ لا غُصْنَ يَحمِيْها وَلا أوْرَاق حَانِيَة! نَادَيْتُها: أنْ مُدّي يَديْك فِي المِياه الدافِئَة، وَاسْتنِيرِي بِضِيَاء أنْوَارِ السّمَاءِ العَالِيَة. وَلتَشْمَخِي فَالعِزّة لِلإسْلامِ بَاقِية!
|
|
#7
20-01-2009, 05:20 PM
|
|||
|
|||
|
لولو حبيبتى
ايه المواضيع الجامدة دى موضوع بجد حلو اوى و بتقوليلى ربنا يزيدك ربنا يزيدك انتى يا رب
__________________
وَغدَتْ نَفْسِي كَورْدةٌ ذَابِلة؛ لا غُصْنَ يَحمِيْها وَلا أوْرَاق حَانِيَة! نَادَيْتُها: أنْ مُدّي يَديْك فِي المِياه الدافِئَة، وَاسْتنِيرِي بِضِيَاء أنْوَارِ السّمَاءِ العَالِيَة. وَلتَشْمَخِي فَالعِزّة لِلإسْلامِ بَاقِية!
|
|
#8
20-01-2009, 05:26 PM
|
||||
|
||||
|
الموضوع تحفة طبعا
بس عايز احكى ف حاجة طبعا العبادة مش كل حاجة الرسول صلى الله علية وسلم قال العمل عبادة بصوا ياجماعة احنا نعمل كل حاجة ف حيتنا بس منعصيش ربنا ونعبدوا خير العبادة شكرا ع الموضوع الجامد جدا
__________________
أشوفكم فى الجنة ان شاء الله
|
|
#9
20-01-2009, 07:36 PM
|
|||
|
|||
|
الموضوع ده فى غاية الجمال والروعة بجد
وينفع يتكتب فيه مواضيع مش ردود بس نمسك الشق الاول منه اقتباس:
انا سالت نفسى قبل كده السوال ده كتير كان عندى ايامها حالة من الياس والاحباط الله لا يوريكى فضلت اسال نفسى انا بعمل ايه فى دنيتى ايه اللى انا بعمله ده انا مش المفروض اكون كده انا كان لزم اكون احسن من كده مش كفر والعياذ بالله ولا عدم رضاء ولا قناعة لا بس حاسس انى كان لزم اطور من نفسى وكان لزم ابذل مجهود مضاعف اكبر من كده لان حاسس انى كنت اقدر اكون احسن من اللى انا عليه حاسس انى كان ممكن اكون حاجة اكبر من كده مش عارف يمكن اللى حوليه والناس اللى كانت بتقولى ديما انتا هتبئا حاجة كبيرة انا صدقتهم بس مسعتش لده جايز عمتا انا حاليا مرتاح جزئيا الى حد ما وراضى بالى انا فيه اقتباس:
فروض ربنا كنت باديها قراءن كنت بختمه 3 مرات قراءة فى الشهر كنت ملتزم بجد وكنت حاسس براحة نفسية لابعد الحدود وده جد راحة انا مفتقدها حاليا لما بعدت عن الدين والدنيا اخدتنى ومنكرش ان اصحاب السوء كان ليهم اثر كبير فى ده انا مفتقد الايام الاولى ونفسى بجد ارجع زى الاول ومش عايز حد يدلنى على الطريق لان كتير طلبه منى ارجع اصلى وانا اللى كنت بتحجج باى حاجة والسلام بس مش معنى كده انى مش عايز لا انا عايز بجد بس عايز اقوم اصلى علشان انا عايز اصلى مش عايز حد هو اللى يدلنى على الطريق عايز ارجع زى الاول لان فى الاول محدش دلنى انا اللى عرفت الطريق للجامع لوحدى انتى عارفه ارتحت لما فكيت واتكلمت شكرا على النقل والافادة |
, عارف و الله يا (عم الشيخ) , بس ... يعني .. |
#10
22-01-2009, 05:05 PM
|
||||
|
||||
|
[quote=_GUIDE_;1037991]
اقتباس:
الحمد لله ان الموضوع عجب حضرتك اقتباس:
طويب اكيد كل انسان بيفكر ازاى يبقى احسن و ازاى يطور من نفسه خصوصا لو كان ربنا مديله من القدرات اللى ممكن تاهله لانه يحقق لنفسه المكانه اللى هو بيحلم بيها دى بس الحكايه مش اكيد مش بالكلام بس حتى حضرتك قولت بنفسك مش سعيت لده بالدرجه الكافيه لتحقيقه بس برده الانسان مش حيوقف عن حاجه يعنى اول حاجه الانسان يعملها لتحديد هدف انه يعرف انه مش عنده هدف محدد و انه محتاج اعاده تصحيح و الحمد لله حضرتك عملت الحكايه دى يبقى محتاج بس اعاده حسابات للمؤهلات مع اعتبار الظروف و كده عشان توصل لاحسن نتيجه الانسان لازم يجدد النيه من وقت للتانى و يعرف هو رايح فين و ليه و لايه اقتباس:
اها اكيد الاحسن ان الانسان يرجع بنفسه
بس ساعات كتير الانسان بيحتاج حد او حاجه تدفعه لكده ما هو زى ما الانسان بيبعد بعوامل لازم يرجع بعوامل لو استنى و قال لسه مش حيبقى فيه وقت و حيبقى الغشاوه اللى اتكونت على القلب كترت بحيث يصعب على اى حاجه ان الانسان يرجع تانى الا برحمه ربى بس شكرا على الرد و عفوا على الشكر فى رعايه الله
__________________
In God's care HaPpiLy eVeR aFtEr |
|
#11
22-01-2009, 05:45 AM
|
|||
|
|||
|
بجد يا اسدات موضوع جميل جدا تسلمى جزاكِ الله كل خير وكاتب الموضوع اقتباس:
تعليق صغير
العمل عبادة دى مقولة مش حديث للرسول ( صلى الله عليه وسلم ) |
|
#12
22-01-2009, 08:06 AM
|
||||
|
||||
|
اقتباس:
جزاكم الله خير
أنا بردوا كنت عايز أعلق علي الحتة دي ________________________________________- إن شاء الله هعلق علي الموضوع لما أرجع من الإمتحان أخر يوم بعيد عنكم 
__________________
Mahmoud Wafaay
Control - Engineer Mansoura university |
|
#13
22-01-2009, 05:57 PM
|
||||
|
||||
|
اقتباس:
اها طويب
بس ايه رايك يا قطتى انتى عايزه اسمعه مفهوم اقتباس:
طويب طويب انا التلات ان شاء اللهمستنيه التعليق بتاع حضرتك بس مش تعمل زيهم و تقول جزاك الله كل خير و تمشى يلا فى رعايه الله
__________________
In God's care HaPpiLy eVeR aFtEr |
|
#14
22-01-2009, 04:31 PM
|
||||
|
||||
|
اقتباس:
اولا شكرا على رد حضرتك
تانى حاجه حضرتك حتلاقى فى الموضوع حته العمل ان الانسان ما دام عاقد النيه على ان الحاجه اللى بيعملها دى من اجل ربنا و لنفع الاسلام يبقى خلاص اكنه بيعبد ربنا و بيؤجر على كده اقتباس:
فهى فعلا مقوله يمكن حضرتك قصدك على المعنى نفسه و ده اللى الرسول صلى الله عليه و سلم قال عليه "من أمسى كالا من عمل يده أمسى مغفورا له" ده لو احنا بنتكلم على مفهوم العمل نفسه مع عقد النيه ان العمل نفسه يكون لوجه الله شكرا على رد حضرتك مره تانيه فى رعايه الله
__________________
In God's care HaPpiLy eVeR aFtEr |
|
#15
20-01-2009, 08:13 PM
|
|||
|
|||
|
انا مفتقد الايام الاولى ونفسى بجد ارجع زى الاول
انا كمان بجد نفسى ارجع زى الاول
بس مش عارفه ايه اللى حصلى بجد والله انا بصلى دلوقتى الحمدلله بس ممكن مش فى ميعاد الصلاه وديه حاجه مضيقنى جدا دلوقتى انا كنت زمان مش اوى يعنى كنت مقدرش اسيب فرض من الصلاه لكن دلوقتى بقا عادى بجد ده مضيقنى اوى دلوقتى ادعوووووولى ربنا يهدينى زى ما كنت الاول واحسن بس بصراحه الواحد بيبقا مخنوق جامد والله لما بيبعد عن ربنا والوضوع بتاعك اكثر من رائع والله تسلم ايدك عليه بجد وربنا يهدى الجميع
__________________
حياتنا لوحه فنيه...ألوانها القول وأشكالها العمل وإطارها العمر
فإذا انقضت حياتنا اكتملت اللوحه ...وعلي قدر روعتها تكون قيمتها حتى إذا قامت القيامه عرض كل انسان لوحته... فابدع في لوحتك...فمازالت الفرشاه بين يديك..!! |
| العلامات المرجعية |
«
الموضوع السابق
|
الموضوع التالي
»
| أدوات الموضوع | ابحث في الموضوع |
| انواع عرض الموضوع | |
العرض المتطور
|
|
جميع الأوقات بتوقيت GMT +2. الساعة الآن 04:24 PM.
