صرخة آلم ..

[وللأشواق عودة]

أخوتي أعضاء المنتدى دائماً اغيب ثم أعود إليكم مثل الطفل الصغير الذي يلهث إلى حضن أمه ..اتمنى أن تكون عودتي محببة إليكم ، واقدم لكم اليوم إحدى قصائدي العامية وهي بعنوان ( صرخة آلم ) اتمنى أن تنال إعجابكم وأنا في انتظار ردودكم البناءة..

صرخة آلم..

مع أول صرخة في الولادة..
قالولي خدها مفتاح طريقك للسعادة
" إضحك للدنيا تضحكلك "
ضحكت كتير ..
بس لقيتك دنيا خانقة ضحكتي
وضحكت كتير ..
لقيت الدمع طريقي وسكتي
عشت سنين غصب عني
في النهاية قلت اغني
طلعت فوق ضهر الحياة
غنيت كتير ..قلت آه
بس عمري ماكنت فاكر
إن آهة الحناجر
تحرق فوق شفيفي ضحكتي
يعني خلاص ؟
مفيش خلاص من عذابك دنيتي ؟!!
ملعونة يادنيا كدابة
ألف دمعة..ألف صرخة..ألف ويل
بين سواد الليل
الضحكة نهشاهة الديابة
ملعونة يادنيا كدابة
ساقية دايرة فوق سنينا من غير معاني
سكينة ماشية بين قلوبنا دابحة الأماني
واما غاب طوق النجاة
صرخت تاني..قلت آه
آآآآآآآآآآآآه
حتى انتي يارد أحزاني
رافضة تعيشي جوه مني فوق لساني
حاضر هموت..
حاضر هموت بس التابوت
ليه بيرفض ضمتي؟!
يبقى خلاص..
مفيش خلاص..
من عذابك دنيتي .