تحاليلx تحاليل

[زيزو1900]

تحليل صورة الدم الكاملة
Complete blood picture
أولا : اسمها ايه بالظبط

اسمها بالعربي صورة الدم الكاملة ( ومعظم الناس بيفكر انها كده من اسمها يعني تحليل شامل لكل حاجة في الجسم ).

في حاجه غريبة مش عارف حد منكن اخد باله منها ولا لا احنا بنقول انها صورة دم كاملة يعني complete blood picture تمام يعني مفروض يكون اختصارها CBP صح ولا لا . طبعا صح .

امال ايه هي ال CBC ؟ اه بص يا سيدي ال CBC هي اختصار

complete blood count

-----------------------انت كده لخبطت الدنيا ايه دا يا عم احنا منعرفش غير صورة الدم الكملة بس .

بص يا باشا هنقول اولا ايه هي ال CBC

ال CBC هي عبارة عن عد كرات الدم الحمراء والبيضاء والصفايح الدموية والدفرنشيال Diffrential تمام كده

اما ال CBP عبارة عن ال CBC +Haemogolbin +Haematocrit +طبعا معاملا ت الدم اللي هي MCV +MCH +MCHC عرفنا الفرق بقي

بس دا طبعا ليك انت لان الدكاترة ( معظمهم يعني مش بيعرف الفرق ده ) فبيكتب اي حاجة وهو عايزها صورة دم كاملة ( ملوش دعوه يعني باي حاجه ).

لان كله عند العرب صابون زي ما بيقولوا .

طيب الدكتور بيكتبها في الريكوست ازاي؟

كده
1- صورة دم كامله
2-صورة دم
3-CBC
4-CBC with diffrential
5-Hemogram

طيب الدكتور بيطلبها ليه ؟

بص يا سيدي الدكتور ممكن يطلبها للاسباب الاتيه

1-علشان يشوف المريض عنده انيميا ولا لا .

2- او يكون مصاب بمرض اخر ( ساعتها بيحاول يركز علي العد الابيض )

3-لو بيعاني من السيولة او مرض جلدي ( ساعتها بيركز علي الصفايح )

4-لو بيعاني من سقوط الشعر بيركز علي الهيموجلوبين .

5- حالات الحمي مجهولة السبب .

دي تقريبا الحالات اللي بتنطلب فيها صورة الدم الكاملة .

طيب العينه دي عبارة عن ايه ؟

طبعا بتكون عينه دم عشوائيه ( في اي وقت ).يتم سحبها علي مانع تجلط ( ادتا )

50ميكرو اديتا علي 1 مل دم .

يفضل فرد فيلم الدم اولا بسرعة لان شكل كرات الم الحمراء بيتأثر بالاديتا .


طيب هي ايه اصلا صورة الدم وايه اللي بيكون فيها ؟ دا التقرير بيكون مليان كتابه يا عم .

بص يا سيدي سواء الدكتور طلب CBC او CBP انت في كل الحالات بتعمل CBP

وهي تشتمل علي الاتي
1- الهيموجلوبين ( باللغة العربية اليحمور)(Haemoglobin (Hb .


2-عد كرات الدم الحمراء Red Blood Cells


3-الهيماتوكريت Haematocrit او Ht او (PCV ( Packed Cell Volume.


4- (Main Corpuscular Volume (MCV.يعني متوسط حجم كورة الدم الحمرا.

5-(Main Corpuscular Haemoglobin ( MCH .يعني متوسط حجم الهيموجلوبين داخل كرة الد الحمرا .

6-Main corpuscular Haemoglobin Concentration .)MCHC)
يعني متوسط تركيز الهيمجلوبين في كرة الدم الواحدة.

رقم 4-5 -6 دول احنا بنقول عليهم معاملات الدم ودول بيتحسبوا في طريقة الشغل اليدوي وهنقو بيتحسبوا ازاي .Blood Indices


7- عد كرات الدم البيضاء Total Leucocytic count او white blood cells


8- عد الصفايح الموية Platelets او thrombocytes .

9- عد الدم الابيض التفريقي diffrential leucocytic count

10- التعليق بتاعنا علي النتايج ( دا طبعا بيكون للناس اللي فاهمة بس )