أوقات فراغ (للرجاله)

[midoragab]

علي فكرة احب اهنيكم على منتدي الرجالة لان دة هيدينا مساحة أكبر في الكلام بحرية بعيد عن البنات و الدوشة


دلوقتي الصيف جه و الاجازة طويلة و ممله و خلوا بالكم الشيطان صايع

احنا الشباب بنقضي الوقت في ايه؟؟

اقولكم 1* القعاد أدام الكومبيوتر و الكلام زي ما انا قاعد دلوقتي

2* القعاد أدام الكومبيوتر و عمل شات مع حبة شخصيات رابيش يخلوك قاعد تسب و تلعن

3* القعاد أدام الكومبيوتر و و تشغيل افلام سيكو و ده اللي انا مابعملوش دلوقتي

4*القعاد أدام التليفزيون و سماع افلام و مسلسلات مكسيكية بريئة لسن 18 سنة

5*طبعا القعاد أدام البلاي ستيشن و نعقد نلعب لحد ما عنينا تزغلل

6*و كمان مرة القعاد أدام الدش و ما ادراك ما النايل سات ( ده كوكو الضعيف بتاع الاقمار الصناعية و مؤدب جدا)

7*ممكن بليل نعقد علي القهوة و نشرب لبن و سحلب (حلوة سحلب)

8*و في الاخر الواحد ينام من كتر التعب اللي تعبه بجد احنا جيل بيتعب بين القعاد أدام ......... و أدام ........ و كمان مرة أدام .........

طبعا انا مش موافق علي الكلام دة انا عايزكم تكتبوا مقترحات شبابية رجولية لقضاء الفراغ

مستني ردودكم اللذيذة

علي فكرة التوقيع دة انا عمله بقصدي