خطة الشغل

[د.حاملة المسك]

يلا نبدأ الشغل بقى
احنا اتكلمنا كتير ودلوقتى وقت الشغل

محدش خالص ادانى اقتراحات
فانا هقولكم على خطة الشغل الاولية اللى عندى ومستنية منكم التعديلات والاضافات والاقتراحات

دلوقتى احنا معانا ناس من كليات كتير ماشى

بصوا بقى

الاول ان شاء الله هنكتب موضوع بعنوان : مش عارف تدخل كلية اية طب تعالى واحنا نساعدك ؟
او عايز تعرف اى معلومة عن اى كلية اتفضل او اى حاجة تانية انتوا تختاروها
المهم الموضوع ده هيكون مضمونه اننا بنكلم بتوع الثانوية العامة اننا نساعدهم فى اختيار الكلية او توفير اى معلومات هما عايزينها
او اى حاجة هما عايزين يعرفوها عن حياة الجامعة ...والموضوع ده هيكون امتداده ان شاء الله ان كل واحد او كل مجموعة هيكتبوا عن الكلية بتاعتهم فى موضوع منفصل ونبقى فى الموضوع الاولانى كاتبين لينكات للمواضيع بتاعة الكليات المنفصلة دى
دى النقطة الاولى

النقطة التانية :
ان شاء الله يكون فية موضوع تانى بعنوان طريق الامتياز والموضوع ده هيكون عبارة عن حلقات متتالية وبيتكلم عن اننا ازاى نذاكر ونقدر نجيب اعلى التقديرات وده ان شاء الله يكون مفيد لبتوع الثانوية العامة والجامعات كمان
والموضوع بالكامل انا هنقله ان شاء الله من منتدى تانى انا بدخل عليه ويعنى مستأذنة صاحب الموضوع انى انقله ( بس هعمل فية شوية تعديلات بسيطة )
لانه بجد موضوع مهم وجميل اوى

بس النقط دى اللى هنفذها دلوقتى ان شاء الله ولو ظبطناهم نقدر نكمل
يلا مستنية رايكم