ما حدث اليوم فى وقفة احتجاج منتقبات جامعة القاهرة

[الجويرية]

السلام عليكم ورحمة الله وبركاته
ازى حضراتكم جميعا؟؟
اتمنى ان تكونوا بخير حال
انا جاية اقولكم حصل ايه انهاردة فى المسيرة
اولا احنا استبشرنا جداااا ان هانى هلال جه لحد عندنا وعاوز يعرف مطالبنا
والمفروض ينفذها
المهم
هو جه وسالنا قالنا بالنص
بص لواحدة وقالها اضمن منين انك بنت (اذا كنتى بنت) البنت لسه هاترد قاطعها ومخلهاش تتكلم وجيه عند بنت مش منتقبة قال ايه مالها زى الفل وباين انها بنت
اما انتوا بقى يابنات(ده اذا كنتوا بنات) فاحنا معملنلكيش حاجة بدليل انك موجودة فى الجامعة اهوه واهلا وسهلا بالنقاب برة اللجنة لكن اول ماتدخلى لازم تشيله
قولنااله طيب ست تشوفنا وتعمل اللى هى عاوزاه قال لا دى مش من حقكم ست راجل اى حد ليه الحق فى ده
قال ده اخر كلام عندى ومش هاسمع اى تعقيب يابنات(ان كنتوا بنات يعنى)
وفص ملح وذاااااااااب
والاسم انه ناقشنا وحاورنا واقنعنا
اللى كان بيطلب مننا الالتزام بادب الحوار وبيطالب اننا نسمعه لحد مايخلص
هو مسمعناش ومااحترمش الكلام ده
فبنقوله
هكذا علمتمونا أدب الحوااار ؟؟؟
دى كانت مرحلة هانى هلال
ثانيا دور الاعلام
فى كام موقف حصل منهم ضايقنى اوى بجد
هم كان الاول تلت اربعهم اجانب
جت واحدة تتصور جمبنا واحنا كلنا اسود فى اسود خالص
فبعد ما اتصورت قال بنفس اللفظ
(اوووف اهون عليا يموتونى ولا اقف جمبهم)
اللى المفروض اجنبية
دى واحدة
واحدة تانية
ماسكة الاخوات الفضليات المنتقبات وبتقنعهم ان الجمال حلو
ولازم يقلعوا النقاب علشان يبان جمالهم وماينفعش نغطيه لاننا مختلفين الشكل
ده كلامها بس بالانجليزى
هى دى الفرى دم؟
واحد بقى مصرى بيصور بردوا
بيقول ايه السواد ده كله
ملاقيش واحدة بشعرها كدة ولا حاجة اصورها
هو ده شعبنا الكريم
فى بقى كان اعلام اسلامى بجد كانوا بيساندونا بطريقة جامدة
ربنا يباركلهم
دى تانى مرحلة
تالت مرحلة بقى
قولنا نتفاهم مع رئيس الجامعة مرة تانية يمكن
لاقينا الرد هو غلق جميع الابواب امامنا
حتى من الرهبة فى بنت اغمى عليها وبقت تصوت بطريقة رهيبة
ولا هم هنا
ده ملخص اللى حصل تقريبا
فى بقى لافتة جميلة
من محامين يتقين الله
مستعدين انهم يتكفلوا انهم يطلعولنا توكيلات ندخل بيها الامتحان بنقابنا
وبدون اى مقابل ولا اى شئ
ربنا يكرمهم ويحفظهم
وده كل اللى حصل
وربنا يهدى الامور وتجيب نتيجة وقفة انهاردة
وجزاكم الله كل خير