|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
سؤال
|
#2
29-06-2009, 07:11 AM
|
||||
|
||||
المواضيع و المشاركات دى هتفيدك أوى
http://www.thanwya.com/vb/showpost.php?p=1359361&postcount=237 نصائح هاااااااامة لطلبة الثانوية العامة إهداء إلى كل من يهمه الأمر - روشتة التفوق (((___هام لجميع طلاب الثانوية العامة___))) و ربنا يوفقك
__________________
إذا فقدت كل شىء و بقيت ثقتك بالله فإنك لم تفقد شيئاً
|
|
#4
02-07-2009, 02:09 PM
|
||||
|
||||
|
احم احم
ايه الي انا شيفاه ده المزدوج أنا اتقسمت نصين وانا معرفش قرينتي ازيك يا بسابيسو بدلعك عادي انت ريحه تنيه ثانوي طيب عادي خالص سيري يا نورمندي هتذاكري زي اي سنه مفيش اختلاف غير انك لازم تركزي وبس ان شاء الله نشوفك الاولى
__________________
ما أصعب الاحساس بالفشل
|
|
#5
03-07-2009, 03:42 PM
|
|||
|
|||
|
ربنا يستر بإذن الله
فعلا كلنا خايفين و بالذات لما نسمع ان الامتحانات بتيجي مش كويسه خالص  و شوية الامتحانات سهلة و الصلاب الشطار اتظلموا !!  يعني كل الحكاية قلق  ربنا يعدي السنتين الي جايين ع خير و الي ربنا كاتبه هيكون و ان شاء الله نكون راضيين عليه بس نعمل الي علينا و مش بايدينا حاجة اكتر من كدا الباقي ع ربنا ربنا يوفقنا جميعا
__________________
اعاتب دهرا لا يلين لعاتب .. و اخفي الجوى و الدمع فاضحي!!!
|
|
#6
04-07-2009, 10:00 PM
|
||||
|
||||
|
الثانويه العامه نظام فاشل بكل القاييس....فالاَن أصبحت الثانويه العامه من أجل المجموع لكليه القمه أو الفشل.....على كل حال بالعزيمه والفهم والتحليل يحظى الجميه بالتفوق.............
__________________
لا تأسفن على غدر الزمان لطالما رقصت على جثت الأسود كلاب لا تحسبن برقصها تعلو على أسيادها تبقى الأسود أسود والكلاب كلاب
|
|
#7
04-07-2009, 10:22 PM
|
||||
|
||||
|
ايه بقى انتوا بتخوفونى ولا ايه
مش تخافوا يا جماعة هما خمس مواد فى سنة كاملة يعنى ربنا يسهل ونقدر نخلصهم بس نزاكر كويس مش زى سنة اولى اسالونى انا على بتوع سنة اولى دول كانت سنة دلع لكن الدلع فنش بقى ونزاكر ربنا يوفنا كلنا
__________________
|
|
#9
04-07-2009, 11:21 PM
|
|||
|
|||
|
الموضوع بسيط جدا شكه دبوس
لا بس لو اتكلمنا جد مش صعبه زى م الناس متصورة كل اللى بيختلف الضغط العصبى اللى بيبقى عليكى وانك لازم تذاكرى والحجات دى وع فكرة كمان الامتحانات مش صعبه اوى زى م الناس بتقول باستثناء2008 الامتحانات عاديه واللى بيذاكر ربنا بيوافقه وربنا مابيضعش تعب حد اهم حاجه تستعينى بربنا وتعملى كل اللى عليكى ونصيحه ليكى ما تبدتيش السنه جداوى وبتاع لانك بعد كده هتزهقى لاذاكرى المعقول العادى مش تجيبى كتب الجمهوريه كلها وتقعدى تعقدى ف نفسك الموضوع ابسط م كده بكتير
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
|
#10
04-07-2009, 11:27 PM
|
|||
|
|||
|
حا جه نسيتها ودى اهم حاجه
انك تخشى حاجه انتى حباها بجد الموضوع ده خطير جدا يعنى بجد غلطت غلطه عمرى لما دخلت احياء وانا بكرهها ومش طيقاها عشت سنه مايعلم بيها الا ربنا ادعولى بقى ربنا مايضيعش تعبى وربنا معاكو كلكوا يا شباب المستقبل
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
|
#13
10-07-2009, 06:14 PM
|
||||
|
||||
|
لا يا بسبس اي حد يديكي نصيحه خدي بيها وميزي بين الصح والغلط
__________________
ما أصعب الاحساس بالفشل
|
|
#14
11-07-2009, 03:09 AM
|
||||
|
||||
|
بسم الله الرحمن الرحيم
يا جماعة بجد الحكاية أبسط مما تتخيلوا و حضراتكم هتشوفوا بنفسكم يا ريت توحدوا الله كده ، العربى ذاكروه من كتاب المدرسة و من كتاب خارجى و لا أفضل الأضواء لأنه مش بالصورة المعتادة فى الاعدادى كما إن الوزارة بالفعل شنت عليه شبه حملة فى امتحاننا عارضوا الكتاب فى حوالى تلات نقاط لدرجة درس مكتوب فى الأضواء دراسة جه حفظ فى الامتحان بس الحمد لله كان ناس كتيرة عارفة بس سؤال (مش الوزارة هى اللى مرخصاه)؟ نيجى للانجليزى بكل بساطة و من تجربة شخصية أفضل كتاب كشكول الأول يليه توب استيودنتس الرياضة 1 طبعًا المعاصر كتاب الشعب و لهواة الرياضة أمثالى 100 % و للمحترفين لامى الكيمياء طبعًا المذكرة و كتاب الامتحان لأن المواد العلمية بتبقى كتب كتيييييير فيستحب المذكرة مع الامتحان مع كتاب تانى على ذوقك الفرنساوى المذكرة و يمكن يكتفى عمومًا إن شاء الله لو ربنا وفقنا و دخلت هندسة احنا معاكم هنا أهه و مستعد أجاوب أى استفسار فى حدود نحو ، بلاغة ، إملاء ، رياضيات أى حد عايز يستفسر فيهم احنا فى الخدمة و لو حد محتاج فى الأجازة حاجة يتأسس فى النحو مفيش مانع و ممكن نعمل حاجة زى دورة نحو فى الأجازة لو تحبوا كمان متاح يعنى مش صعب و معاكم فى تالتة إن شاء الله كمان إذا كان لين عمر بإذن الله عمومًا فكروا فى حكاية كورس النحو ده و بالتوفيق و لو حد قعد يعقدكم و ينصحكم قولوا له بالنص "صلى على النبى ، carpe diem " طبعًا هيسألك يعنى الكلمة ده قوله لما تعرفها أبقى عقدنى عمومًا هى لاتينى معناها فكر فى اللحظة و لا تنظر للغد حاجة زى كده عمومًا أطيب الأمنيات
__________________
من السهل أن يكون لك مكان في دفتر عناوين أصدقائك ولكن من الصعب أن تجد لك مكاناً في قلوبهم 
|
|
#15
11-07-2009, 03:59 AM
|
|||
|
|||
|
اقتباس:
بلاش تاخديها افش اوى من اولها عشان ماترجعيش تندمى
خليكى كوول جدا المهم ماتوصليش لمرحلة اللامبالاة بس طول مانتى ضاغطة على اعصابك ولازم اذاكر ولازم اعمل مش هاتستفيدى غير حرقة الدم وبس ده غير انك لو حد ماعندوش ثقة ف نفسه هاتتخلى عن اهدافك بمنتهى السهولة زىى كدة اول ما لقيت نفسى واقفة ف حاجة جاتلى الحماسة .. وقولت انا مش هاكمل كيميا .. انا هاحول ادبى ليه ؟ ازاى ؟ وانا اصلا كنت عايزة ايه ؟ ولما احول ادبى ايه الكلية اللى هايبقى نفسى فيه ؟ هاقدر ادخلها او لا ؟ هاقدر امشى ف المواد بتاعة ادبى ولا لا ؟ مافكرتش ف كل ده فكرت بس ان فيه حاجات واقفة قدامى ف الكيميا وعشان كدة الكيميا وحشة وانا مش هابقى كويسة فيها واعترف ان ده كان اغبى حاجة اعملها ف حياتى ..  ممكن توصلى لمرحلة تحسى فيها انك فاشلة ومش قادرة توصلى لحاجة برضو بلاش تستسلمى .. لو عندك هدف ماتتخليش عنه ويا ريت يبقى عندك هدف يعنى ماتعمليش زى معظم الناس اللى داخلين بالبركة .. ف تانية ناخد كيميا وف تالتة لو مجموع عالى نكمل احياء .. لو نص نص رياضة .. ولو مش حلو نحول ادبى اسفة .. بس ده تخلف !! المفروض هدفك هو اللى يوديكى للمواد اللى هاتدرسيها مش المواد اللى هاتدرسيها هى اللى توديكى لهدفك يعنى فيه موقف حصل السنة دى مع الناس اللى ماشية بالبركة دى اصلا كانوا حابين يدخلوا هندسة جابوا ف تانية مجموع عالى .. استخسروه .. ف كملوا احياء جالهم امتحان احياء السنة دى صعب ( على حد كلامهم ) وممكن ينزلوا ومايلحقوش طب او صيدلة زى ما كانو عايزين وكدة هما خسروا هدفهم الاولانى بتاع هندسة وخسروا الاهداف اللى كانوا عايزين يوصلولها بعد كدة لانهم اصلا مش حابين الاحياء وواخدينها حفظ صم وبالتالى فشلوا ف الامتحان وزى ما فيه كدة فيه العكس وناس دخلت نفس امتحان الاحياء لقت انه فيه شوية صعوبة بس مش بالدرجة اللى اتقال عنها ف الجرايد وحلوا كويس .. لانهم اصلا حابين ده من الاول --- الملخص من كلامى يعنى .. لما حد بيدرس الحاجة اللى بيحبها بينجح فيها بجد اكتر من اى حاجة تانية اسفة انى طولت ف كلامى بس حابة الفت نظركم لجزء من الحاجات الغلط اللى عدت عليا سواء منى او من غيرى يمكن انا لو لقيت حد ينصحنى وانا ف الوقت ده .. ماكنتش عملت كدة الحمد لله على كل شئ ربنا يوفقكم يا رب وتوصلوا لاهدافكم اللى بجد عايزينها
|
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 08:31 AM.
